بھارت: زہریلے فضلے سے متعلق ناکام پالیسیوں پر عوام کا احتجاج
اشاعت کی تاریخ: 25th, January 2025 GMT
بھوپال حادثے میں مرنے والے افراد کے لواحقین مودی سرکار کے خلاف احتجاج کررہے ہیں
نئی دہلی (انٹرنیشنل ڈیسک) مودی سرکار کی ناکام پالیسیوں نے بھارتی عوام کو احتجاج پر مجبور کردیا۔ بھارتی میڈیا کے مطابق پتھم پور میں بھوپال سے لائے گئے زہریلے فضلے کے پہنچنے کے بعد سے عوام مسلسل احتجاج کررہے ہیں۔ بھوپال میں پیش آنے والے دنیا کے بدترین صنعتی حادثے کے مقام سے 337 ٹن زہریلے فضلے کے کنٹینرز کو ٹھکانے لگانے کے لیے لایا گیا ہے۔ پولیس نے مظاہرین کو متشرکرنے کے لیے لاٹھی چارج کیا اور کئی افراد کو گرفتار کرلیا۔یاد رہے کہ بھوپال شہر میں 1984 ء کے گیس سانحے میں ہزاروں افراد ہلاک ہوئے تھے۔
.ذریعہ: Jasarat News
پڑھیں:
مودی گوربا چوف ثابت ہو گا، بھارت پاش پاش ہوجائے گا ، سلطان محمود
اسلام آباد(آن لائن)صدرآزاد جموں وکشمیربیرسٹر سلطان محمود چو دھری نے کہا ہے کہ مودی بھارت کا گوربا چوف ثابت ہو گا اور بھارت کا شیرازہ جلد بکھرجائے گا اور بھارت ٹکڑے ٹکڑے ہوجائے گا۔ہم سمجھتے ہیں کہ قائد اعظم محمد علی جناح کا پاکستان بنانے کا فیصلہ بالکل درست تھا کیونکہ آج جو کچھ مودی سرکار مقبوضہ کشمیراور اسی طرح خود بھارت کے اندر مقیم اقلیتیں بھی بھارت کی ہندوتوا پالیسیوں کے باعث ظلم و جبر کا شکار ہیں۔ دنیا بھر میں مقیم کشمیری آج بھارت کے یوم جمہوریہ کو یوم سیاہ کے طور پر منا ئیں گے کیونکہ کشمیری اپنی جدوجہدکو حصول آزادی تک جاری رکھیں گے۔بھارت دنیا کی سب سے بڑی جمہوریت نہیں بلکہ سب سے بڑی ہندو آمریت ہے جو نہ صرف مقبوضہ کشمیر بلکہ بھارت میں مقیم اقلیتوں پر بھی مظالم ڈھا رہی ہے اسی طرح بھارت دنیا بھر میں ایک عالمی دہشت گرد کے طور پر سامنے آیا جس کا برملا اظہار اور ثبوت کینیڈا کے وزیر اعظم جسٹن ٹروڈو نے کینیڈین پارلیمنٹ میں دیے۔ دنیا بھر میں مقیم کشمیری آج کے دن احتجاجی مظاہرے کر کے دنیا کی توجہ بھارت کی طرف سے مقبوضہ کشمیر میں جاری انسانی حقوق کی پامالی کی جانب مبذول کرائیں۔ ان خیالات کا اظہار انہوں نے 26جنوری بھارتی یوم جمہوریہ کو یوم سیاہ منانے کے موقع پر اپنے ایک خصوصی پیغام میں کیا۔ صدر ریاست آزادجموں وکشمیر بیرسٹر سلطان محمود چودھری نے مزید کہا کہ دنیا بھر میں مقیم کشمیری آج 26جنوری 2025ء کو بھارت کے یوم جمہوریہ کو یوم سیاہ کے طور پر منائیں اور مودی سرکار کی ہندوتوا پالیسیوں کی طرف مبذول کرائیں اور بھارت کو دفاعی پوزیشن پر لائیں۔صدر آزادجموں وکشمیر بیرسٹر سلطان محمود چودھری نے کہا کہ بھارت میں جمہوریت نہیں بلکہ ایک ہندو آمریت ہے جو وہاں کی اقلیتوں پر مظالم کے پہاڑ توڑ رہی ہے۔ بھارت جلد پاش پاش ہو جائے گا اور مودی بھارت کا گوربا چوف ثابت ہو گا۔
جبل رحمت، مسجد ہجرا اور اداس تکونہ