سندھ پولیس کی ہراسانی اور بھتہ خوری سے بچایا جائے،چینی سرمایہ کار ہائیکورٹ پہنچ گئے
اشاعت کی تاریخ: 25th, January 2025 GMT
کراچی ( اسٹاف رپورٹر) چینی سرمایہ کار پولیس کے مبینہ طور پر ہراساں کرنے کے خلاف سندھ ہائی کورٹ پہنچ گئے۔ ہائیکورٹ کے آئینی بینچ نے پولیس کے مبینہ طور پر ہراساں کرنے کے خلاف چینی سرمایہ کاروں کی درخواست پر سماعت کی۔ درخواست 6 چینی سرمایہ کاروں کی جانب سے دائر کی گئی ہے جس میں وفاقی وزارت داخلہ، چیف سیکرٹری، آئی جی، سی پیک سیکورٹی، ملیر پولیس کے حکام، چینی سفارت خانے اور دیگر کو بھی فریق بنایا گیا ہے۔ درخواست میں مؤقف اپنایا گیا ہے کہ پولیس کی ہراسانی اور بھتا خوری سے بچایاجائے، ورنہ لاہور یا واپس چین چلے جائیں گے۔ درخواست میں الزام عاید کیا گیا کہ ائر پورٹ سے لے کر رہائش گاہ تک پولیس کی جانب سے رشوت طلب کی جاتی ہے، ائر پورٹ پر بلٹ پروف گاڑیوں کے نام پرگھنٹوں انتظار کرایا جاتا ہے اور رشوت دینے پر پولیس حکام اپنی گاڑیوں میں رہائش گاہ پہنچاتے ہیں۔ درخواست میں الزام لگایا گیا ہے کہ رہائش گاہوں پر بھی سیکورٹی کے نام پر محصور کیا جاتا ہے اور باہر تالے لگائے جاتے ہیں، آزادانہ نقل و حرکت کے حق سے محروم کردیا گیا ہے، کاروباری میٹنگز نہیں کرسکتے۔ عدالت نے سماعت کے بعد نوٹس جاری کرتے ہوئے آئی جی سندھ اوردیگر سے 4 ہفتوں میں جواب طلب کرلیا۔
ذریعہ: Jasarat News
کلیدی لفظ: چینی سرمایہ گیا ہے
پڑھیں:
انٹرنیشنل ایکٹو سمز سے ملک میں بھتہ خوری اور بلیک میلنگ کا انکشاف
لاہور: انٹرنیشنل ایکٹیو سمز کی مدد سے ملک میں بھتہ خوری اور بلیک میلنگ کا انکشاف ہوا ہے۔
پی ٹی اے نے ایف آئی اے سائبر کرائم ونگ کو مراسلہ لکھ دیا، ایف آئی اے نے شاہ عالم مارکیٹ سے 4 سم ڈیلرز کو گرفتار کیا ہے ملزمان میں سعد اشفاق، محمد عاطف، شعیب حیدر اور جمشید حیدر شامل ہیں۔ایف آئی اے کا کہنا ہے کہ ملزمان سے سیکڑوں کی تعداد میں انٹرنیشنل ایکٹیو سمز برآمد ہوئی ہے۔
یوکے میں مقیم پاکستانی مختلف مسافروں سے انٹرنیشنل سمز پاکستان بھجوا رہا تھا، انٹرنیشنل سمز فراڈ، بھتہ خوری سمیت دیگر مقاصد کے لیے استعمال ہورہی تھیں۔ایف آئی اے کا کہنا ہے کہ انٹرنیشنل سمز سے ملزمان کی ٹریسنگ ناممکن ہوجاتی ہے، ملزمان کے خلاف پیکا ایکٹ کے تحت مقدمہ درج کرکے کارروائی کا آغاز کردیا گیا ہے۔
لاہور،الخدمت فائونڈیشن وومن ونگ ٹرسٹ کے تحت مفت آنکھوں کے کیمپ میں ڈاکٹرز مریضوں کا معائنہ کررہے ہیں