خیبر پختونخوا، نگران دور میں بھرتی 16 ہزار ملازمین کو نکالنے کا بل پیش
اشاعت کی تاریخ: 24th, January 2025 GMT
ذرائع کے مطابق محکمہ پولیس اور صحت سمیت مختلف محکموں کی جانب سے فراہم کردہ تفصیلات میں 8 ہزار تک بھرتیوں کی نشان دہی ہوئی ہے جس کے بعد صوبائی حکومت نے ان ملازمین کو فوری طور پر ہٹانے کے لیے قانونی مسودہ تیار کرلیا جو جمعے کو اسمبلی میں پیش کردیا گیا۔ اسلام ٹائمز۔ پاکستان تحریک انصاف (پی ٹی آئی) کی خیبر پختونخوا حکومت نے نگراں دور میں مختلف سرکاری محکموں میں بھرتی ہونے والے 16 ہزار سے زائد سرکاری ملازمین کو نوکری سے فارغ کرنے کا فیصلہ کرتے ہوئے قانونی مسودہ صوبائی اسمبلی میں پیش کردیا ہے۔ پی ٹی آئی کی خیبر پختونخوا حکومت نے نگران دور حکومت میں بھرتی ہونے والے سرکاری ملازمین کو نکالنے کا فیصلہ کیا تھا، جس کے بعد صوبائی کابینہ نے باقاعدہ فیصلے کی منظوری دیتے ہوئے وزیر قانون کو تمام محکموں سے بھرتیوں کی تفصیلات جمع کرنے کی ذمہ داری تفویض کی تھی۔ ذرائع کے مطابق محکمہ پولیس اور صحت سمیت مختلف محکموں کی جانب سے فراہم کردہ تفصیلات میں 8 ہزار تک بھرتیوں کی نشان دہی ہوئی ہے جس کے بعد صوبائی حکومت نے ان ملازمین کو فوری طور پر ہٹانے کے لیے قانونی مسودہ تیار کرلیا جو جمعے کو اسمبلی میں پیش کردیا گیا۔
صوبائی اسمبلی میں ملازمین کو نوکری سے فارغ کرنے کے لیے تیار کردہ بل کو خیبرپختونخوا ملازمین کو نوکری سے ہٹانے کا بل 2025 کا نام دیا گیا ہے ، بل کے مطابق نگران حکومت کے دوران غیر قانونی طور پر بھرتی ہونے والے ملازمین کو نوکری سے ہٹایا جائے گا۔ مذکورہ بل کی منظوری کے بعد متعلقہ ادارے اور محکمے ملازمین کو فارغ کرنے کا نوٹیفیکیشن جاری کریں گے۔ بل میں کہا گیا ہے کہ سیکریٹری اسٹیبلشمنٹ کی سربراہی میں 6 رکنی کمیٹی تشکیل دی جائے گی، جس میں ایڈووکیٹ جنرل، محکمہ قانون، خزانہ اور محکمہ انتظامیہ سمیت متعلقہ سیکریٹریز شامل ہوں گے جو اس حوالے سے کسی قسم کی ممکنہ پیچیدگی کا جائزہ لے گی۔ صوبائی حکومت نے خیبرپختونخوا ریگولیٹری فورس بل مجریہ 2025 بھی ایوان میں پیش کیا جس کے تحت مختلف شعبوں میں ریگولیٹری قوانین کے نفاذ اور انکی خلاف ورزیوں کی روک تھام کے لیے خیبرپختونخوا ریگولیٹری فورس قائم کی جائے گی جس کا ہیڈ آفس پشاور میں ہوگا۔
ریگولیٹری فورس کو پولیس افسران کی طرح وسیع اختیارات حاصل ہوں گے، یہ ریگولیٹری فورس ماحولیاتی تحفظ، فوڈ سیفٹی اتھارٹی، قیمتوں کے کنٹرول اور دیگر ریگولیٹری شعبوں کے مختلف قوانین کے عملی نفاذ اور ان کی خلاف ورزیوں کا سدباب کرے گی۔ اسی طرح صوبے کے ہر ضلعے میں ریگولیٹری فورس کے یونٹ ہوں گے، مذکورہ فورس کی قیادت ڈائریکٹر جنرل کریں گے، ڈائریکٹر جنرل کی تعیناتی کی مدت تین سال ہوگی تاہم وزیر اعلیٰ اس سے کم یا زیادہ مدت کے لیے ڈائریکٹر جنرل تعینات کر سکتے ہیں اور ڈائریکٹر جنرل کو تمام ریگولیٹری امور کی نگرانی کا اختیار حاصل ہوگا۔
ذریعہ: Islam Times
کلیدی لفظ: ملازمین کو نوکری سے ڈائریکٹر جنرل اسمبلی میں حکومت نے میں پیش کے بعد کے لیے
پڑھیں:
سوزوکی کلٹس کے مختلف ویریئنٹس کی قیمتوں کا اعلان کردیا گیا
پاکستان میں سوزوکی کلٹس کی قیمتوں میں اضافہ کردیا گیا ہے جس کے بعد گاڑی کے سستے ورژن کی قیمت اب 4.23 ملین روپے جبکہ ٹاپ آف لائن ویریئنٹ کی قیمت 4.6 ملین روپے سے زیادہ ہوچکی ہے۔
یہ بھی پڑھیں: پاکستان میں سوزوکی سوئفٹ کی قیمت میں بڑا اضافہ، نئی قیمت کیا ہے؟
سوزوکی کلٹس وی ایکس آر (Suzuki Cultus VXR) کی قیمت میں 3 لاکھ 72 ہزار روپے کا اضافہ کیا گیا ہے جس کے بعد نئی قیمت 42 لاکھ 30 ہزار روپے ہو گی جبکہ اس سے قبل یہ گاڑی 38 لاکھ 58 ہزار روپے میں فروخت کی جارہی تھی۔
سوزوکی کلٹس وی ایکس ایل (Suzuki Cultus VXL) کی قیمت میں 72 ہزار روپے کا اضافہ کیا ہے جس کے بعد گاڑ ی کی قیمت 43 لاکھ 16 ہزار روپے پر پہنچ گئی ہے جبکہ ا سے قبل یہ گاڑی 42 لاکھ 44 ہزار روپے میں فروخت کی جارہی تھی ۔
سوزوکی کلٹس اے جی ایس (Suzuki Cultus AGS) کی قیمت بھی 72 ہزار روپے بڑھائی گئی ہے جس کے بعد نئی قیمت 46 لاکھ 18 ہزار روپے پر پہنچ گئی ہے جبکہ اس سے قبل یہ گاڑی 45 لاکھ 46 ہزار ورپے میں فروخت کی جارہی تھی۔
پاک سوزوکی کی 1000 سی سی کار بہترین ایندھن کی معیشت، ایک وسیع، جدید اندرونی، آسانی سے دستیاب پرزے، مضبوط ڈیلرشپ نیٹ ورک، اور اچھی ری سیل ویلیو کے باعث مشہور ہے۔
مزید پڑھیے: سوزوکی آلٹو اور راوی گاڑیوں کی قیمتوں میں اضافہ، نئی قیمتیں کیا ہوں گی؟
تاہم کمپنی نے مشہور ہیچ بیک میں بڑی تبدیلیوں کا اعلان کیا۔ قیمتوں میں بڑے اضافے کے ساتھ تمام ویریئنٹس میں نئی حفاظتی خصوصیات متعارف کروائی گئی ہیں۔ کاروں کے پچھلے ماڈلز میں طویل راستوں پر شور والا کیبن، اوسط پینٹ سمیت کچھ مسائل تھے ۔
نئی تبدیلیوں کے تحت سوزوکی کلٹس کو کئی نئی خصوصیات سے لیس کیا گیا ہے جس کا مقصد مسافروں کی حفاظت اور ڈرائیونگ کے آرام کو بڑھانا ہے۔
کلٹس میں نئی خصوصیاتاپ گریڈ شدہ کلٹس اب کئی اہم حفاظتی اضافوں کے ساتھ آئی ہے جس کا مقصد مسافروں کے تحفظ کو بہتر بنانا ہے۔ نئی خصوصیات میں ریئر سینٹر سیٹ بیلٹ، ریئر ہیڈ ریسٹرینٹس، اسپیڈومیٹر پر ڈسپلے کے ساتھ ڈرائیور سیٹ بیلٹ وارننگ بزر، چائلڈ سیٹ اینکر گارنش، اور چائلڈ سیٹوں کی محفوظ تنصیب کے لیے ISO-FIX چائلڈ سیٹ اینکرز شامل ہیں۔
مزید پڑھیں: ٹیسلا کو پھر مسئلہ: بی وائی ڈی نے ماڈل 3 کی ٹکر پر کم قیمت گاڑی لانچ کردی
اس کے علاوہ سامنے والی سیٹ بیلٹس اب پری ٹینشنرز سے لیس ہیں اور اچانک رکنے کے دوران اضافی حفاظت کے لیے فورس لیمرز ہیں۔
VXR ویریئنٹ، جو پہلے کچھ اہم حفاظتی ٹیکنالوجیز سے محروم رہ گیا تھا، کو بھی اپ ڈیٹ کر دیا گیا ہے اور اب یہ ڈوئل فرنٹ ایئر بیگز، ایک اینٹی لاک بریکنگ سسٹم (ABS) اور 60:40 اسپلٹ فولڈنگ ریئر سیٹیں پیش کرتا ہے تاکہ حفاظت اور عملییت دونوں کو بہتر بنایا جا سکے۔
علاوہ ازیں سوزکی نے اپنی معروف گاڑی سوئفٹ کی قیمت میں 80 ہزار روپے اضافے کا اعلان کیا ہے۔ اس طرح اس گاڑی کی نئی قیمت 44 لاکھ 16 ہزار روپے مقرر کر دی گئی ہے جبکہ پہلے یہ گاڑی 43 لاکھ 36 ہزار روپے میں فروخت کی جارہی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک سوزوکی سوزوکی کلٹس سوزوکی کلٹس کی قیمت
پی ایس ایل 10: ملتان سلطانز کا لاہور قلندر کیخلاف ٹاس جیت پر بیٹنگ کا فیصلہ