دنیا کے 25 خوبصورت ترین سیاحتی مقامات میں گلگت بلتستان شامل
اشاعت کی تاریخ: 24th, January 2025 GMT
لندن:برطانوی نشریاتی ادارے بی بی سی کی جانب سے دنیا کے 25 بہترین سیاحتی مقامات کی فہرست جاری کی گئی ہے، جس میں پاکستان کے علاقے گلگت بلتستان کو 20ویں نمبر پر شامل کیا گیا ہے۔ یہ درجہ بندی اقوامِ متحدہ کی عالمی سیاحت کی تنظیم اور دیگر بین الاقوامی اداروں کی مدد سے کی گئی۔
گلگت بلتستان کی خصوصیات
گلگت بلتستان کو قدرتی حسن، حسین وادیوں، شفاف جھیلوں اور دلکش مناظر کے باعث جنت کا دروازہ کہا جاتا ہے۔
دیوسائی کے میدان: یونیسکو کی عالمی ثقافتی ورثے کی فہرست میں شامل یہ علاقہ اپنی منفرد قدرتی خوبصورتی کے لیے مشہور ہے۔
شنگریلا کی جھیلیں: آئینے کی طرح شفاف پانی والی یہ جھیلیں سیاحوں کو اپنی طرف کھینچ لیتی ہیں۔
ہنزہ کی وادی: چیری کے خوشبودار پھول، خوبانی کے باغات اور قدیم جھیلیں اس وادی کو خاص بناتی ہیں۔
عالمی سطح پر پذیرائی
یہ پہلا موقع نہیں جب گلگت بلتستان کو عالمی سیاحتی فہرست میں شامل کیا گیا ہو۔ اس سے قبل فنانشل ٹائمز نے بھی گلگت بلتستان کو دنیا کے 50 بہترین سیاحتی مقامات میں شامل کیا تھا۔
سیاحت کے لیے دعوت
گلگت بلتستان کا شمار دنیا کے ان علاقوں میں ہوتا ہے جہاں قدرتی خوبصورتی کے ساتھ ثقافتی ورثہ بھی محفوظ ہے۔ یہ علاقہ نہ صرف ملکی بلکہ غیر ملکی سیاحوں کے لیے بھی ایک پُرکشش منزل ہے۔
.ذریعہ: Jasarat News
کلیدی لفظ: گلگت بلتستان کو دنیا کے
پڑھیں:
عطاء تارڑ کی زیر صدارت اجلاس میں قومی بیانئے کی مضبوطی پر غور
اجلاس کا مقصد قومی یکجہتی کو فروغ دینا، غلط معلومات کی روک تھام، اور میڈیا حکمت عملی کو مؤثر بنانا تھا۔ اجلاس میں شریک شرکاء نے ان نکات پر مکمل اتفاق کیا کہ قومی بیانیہ کی مضبوطی کے لیے مربوط اقدامات ناگزیر ہیں۔ اسلام ٹائمز۔ وفاقی وزیر اطلاعات عطاء تارڑ کی زیر صدارت National Committee on Narrative Building سے متعلق اہم اجلاس منعقد ہوا،جس میں وفاقی و صوبائی حکام کے علاوہ عسکری حکام نے شرکت کی،جبکہ معاون خصوصی برائے اطلاعات حکومت گلگت بلتستان ایمان شاہ نے بزریعہ ویڈیو لنک شرکت کی۔ اجلاس کا مقصد قومی یکجہتی کو فروغ دینا، غلط معلومات کی روک تھام، اور میڈیا حکمت عملی کو مؤثر بنانا تھا۔ اجلاس میں شریک شرکاء نے ان نکات پر مکمل اتفاق کیا کہ قومی بیانیہ کی مضبوطی کے لیے مربوط اقدامات ناگزیر ہیں۔ اس موقع پر معاون خصوصی برائے اطلاعات حکومت گلگت بلتستان ایمان شاہ نے میڈیا پالیسی کو جدید خطوط پر استوار کرنے، نوجوانوں کی شمولیت کو یقینی بنانے، اور مختلف بامقصد پروگرامز کے نفاذ کی ضرورت پر زور دیتے ہوئے کہا کہ ڈیجیٹل میڈیا کا مؤثر استعمال وقت کی اہم ضرورت ہے اور ملک دشمن پروپیگنڈے کا جواب دینے کے لیے منظم حکمت عملی ترتیب دینا ہو گی۔ اجلاس میں قومی بیانیہ کو عام کرنے اور منفی اثرات سے نمٹنے، خاص طور پر سوشل میڈیا پر بے بنیاد خبروں کی روک تھام کی اہمیت پر بھی زور دیا گیا تاکہ نوجوانوں کو انتہا پسندی کے خطرات سے آگاہ کیا جا سکے۔
معاون خصوصی ایمان شاہ نے گلگت بلتستان میں توانائی بحران، کمزور انفراسٹریکچر اور وفاقی ادارہ پریس انفارمیشن کی کارکردگی کے حوالے سے بھی اجلاس کو آگاہ کیا، جس پر وفاقی وزیر اطلاعات نے یقین دہانی کرائی کہ پریس انفارمیشن ڈیپارٹمنٹ گلگت بلتستان کی کارکردگی بہتر بنانے کے لیے اقدامات کیے جائیں گے۔ غیر حاضر عملے کے خلاف E&D رولز کے تحت کارروائی کا عندیہ دیتے ہوئے کہا کہ گلگت بلتستان میں پریس انفارمیشن ڈیپارٹمنٹ کو مستحکم کرنے کے لئے سٹاف کی تعیناتی عمل میں لائی جائے گی۔ معاون خصوصی اطلاعات گلگت بلتستان نے حساس صوبے میں سوشل میڈیا کی افادیت پر بھی ذور دیتے ہوئے کہا گلگت بلتستان میں مواصلاتی نظام کی بہتری کے لئے اقدامات کرنے کی ضرورت ہے۔ توانائی بحران کیوجہ سے پورا سسٹم جام ہو چکا ہے جسکی وجہ سے دوسرے مسائل کا بلواسطہ سامنا کرنا پڑ رہا ہے۔ انہوں نے قومی اور صوبائی سطح پر یوٹیوبرز، سوشل میڈیا انفیلونسرز کی کنونشن کے انعقاد پر بھی ذور دیا تاکہ مثبت مواد کی بہترین تشہیر ہو سکے۔ انہوں نے کہا کہ گلگت بلتستان سی پیک کا گیٹ وے ہے، دیامر بھاشہ ڈیم اور دیگر میگا منصوبوں پر کام جاری ہے تو ایسے میں سازشی و دشمن عناصر کی نظریں گلگت بلتستان پر ہیں اس کے لئے ایک مننظم حکمت عملی کے تحت مانیٹرنگ کے نظام میں جدت لانے کی ضرورت ہے۔
بی بی ایل اور ڈبلیو بی بی ایل کے لیے کھلاڑیوں کی ڈرافٹنگ 19 جون کو ہوگی