نت نئےفیشن میں کی جانے والی ایسی غلطیاں جوآپکی صحت کیلئے خطرہ ہو سکتی ہیں
اشاعت کی تاریخ: 24th, January 2025 GMT
دنیا بھر میں ہر سال نت نئے فیشن متعارف کروائے جاتے ہیں جسے لوگ بہت شوق سے اپناتے ہیں لیکن کچھ فیشن آپ کی صحت پر بھی اثر انداز ہوتے ہیں جس کا آپ کو بالکل اندازہ نہیں ہوتا۔فیشن کے معاملے میں خواتین مردوں کے مقابلے میں ہمیشہ ہی آگے نظر آئی ہیں، سردی کا موسم ہو یا گرمی، موسم کی کوئی بھی سختی انہیں روک نہیں سکتی لیکن فیشن کرتے وقت خواتین اپنی صحت کا خیال رکھنا بھول جاتی ہیں۔
فیشن میں کی جانے والی چند غلطیاں درج ذیل ہیں جن کے حوالے سے آگاہی ہونا ضروری ہے۔
ہیلز
اونچی ہیلز پہننے کا شوق اکثر خواتین کو ہوتا ہے اور وہ اس شوق کو پورا کرنے کے لیے مہنگی ہیلز خریدنے میں دلچسپی رکھتی ہیں۔لیکن یہ ہیلز آپ کی صحت کیلئے کافی خطرناک ہوتی ہیں کیونکہ یہ طویل مدتی مسائل کا باعث بن سکتی ہیں جس میں کمر کے نچلے حصے میں درد، گردن میں تناؤ اور گھٹنوں کا درد شامل ہیں۔
بھاری بیگز
خوبصورت اور نت نئے ڈیزائن کے بیگز خواتین کو خوب بھاتے ہیں اور ایسا کوئی موقع نہیں ہوتا جہاں خواتین اپنا بیگ لے کر نہ جائیں جس کیلئے بہتر سے بہترین بیگ کا انتخاب کیا جاتا ہے۔کچھ بیگز چھوٹے تو کچھ کافی بڑے اور بھاری ہوتے ہیں جو آپ کے کندھوں کیلئے تکلیف کا سبب بن سکتے ہیں۔بھاری بیگز لینے کی وجہ سے آپ کے ہاتھ اور بازو میں درد کے ساتھ ساتھ کندھوں اور گردن کے پٹھوں میں کھچاؤ پیدا ہوسکتا ہے اس لیے اگر آپ اس تکلیف سے بچنا چاہتے ہیں تو ایسے بیگز کا چناؤ کریں جو وزن میں ہلکے اور فیشن کے مطابق بھی ہوں۔
چست کپڑے
چست کپڑے پہننے کا رواج بھی کافی عام ہے جس سے نہ صرف ٹانگیں بلکہ پیٹ اور کمر بھی تکلیف میں مبتلا رہتی ہے۔ماہرین صحت کا کہنا ہےکہ مسلسل اور کافی دیر تک چست کپڑے پہننے سے خون کی گردش متاثر ہوتی ہے اور ساتھ ہی جسم کا وہ حصہ سن ہونے لگ جاتا ہے۔
آنکھوں کے لینس
آنکھوں کے رنگ کو اپنی مرض سے تبدیل کرنے کی خواہش بھی زیادہ تر خواتین میں پائی جاتی ہے، کوئی سرمئی، نیلے، ہرے تو کوئی مختلف رنگوں کے لینس کا استعمال کرتی ہیں۔تاہم یہ ہی لینس آپ کو مشکل میں بھی ڈال سکتے ہیں، بہت سے ایسے کیس بھی سامنے آئے ہیں جن میں لینس کی وجہ سے آنکھوں کو کافی نقصان پہنچا ہے۔اگر لینس کی صفائی کا خیال نہ رکھا جائے تو اس سے آپ آنکھوں کے انفیکشن میں بھی مبتلا ہوسکتے ہیں جو آپ کی بینائی متاثر کرسکتا ہے۔
.ذریعہ: Daily Ausaf
کلیدی لفظ: ا نکھوں
پڑھیں:
کینیڈا جانے کے خواہشمندوں کیلئے اچھی خبر ، 13 ممالک کے شہریوں کے لیے ویزا کی شرط ختم
کینیڈا نے 13 نئے ممالک کے شہریوں کے لیے ویزے کے بغیر داخلے کی اجازت دے دی ہے۔
ان مسافروں کو اب صرف ایک الیکٹرانک ٹریول آتھورائزیشن (eTA) کی ضرورت ہوگی، جو آسان اور تیز آن لائن عمل کے ذریعے حاصل کی جا سکتی ہے،یہ اعلان کینیڈین وزیر برائے امیگریشن، مہاجرین و شہریت، شان فریزر نے کیا۔
ان کا کہنا تھا کہ اس فیصلے کا مقصد کینیڈا کے بین الاقوامی تعلقات کو مضبوط بنانا اور مسافروں کے لیے سفری عمل کو آسان بنانا ہے۔نئے شامل کیے گئے 13 ممالک یہ ہیں: انٹیگوا اور باربوڈا، ارجنٹینا، کوسٹا ریکا، مراکش، پاناما، فلپائن، سینٹ کٹس اینڈ نیوس، سینٹ لوشیا، سینٹ ونسنٹ اینڈ دی گرینیڈائنز، سیشلز، تھائی لینڈ، ٹرینیڈاڈ اینڈ ٹوباگو، اور یوراگوئے۔
ان ممالک کے شہری اگر پچھلے 10 سالوں میں کینیڈین ویزا حاصل کر چکے ہوں یا امریکا کا فعال نان امیگرنٹ ویزا رکھتے ہوں تو وہ eTA کے اہل ہوں گے۔یہ سہولت صرف فضائی سفر کے لیے ہے اور سیاحت یا کاروباری مقاصد کے تحت زیادہ سے زیادہ چھ ماہ تک قیام کی اجازت دیتی ہے۔
درخواست دینے کے لیے صرف پاسپورٹ، ای میل ایڈریس، انٹرنیٹ رسائی اور کریڈٹ کارڈ درکار ہوگا۔ فیس صرف 7 کینیڈین ڈالر (تقریباً 5 امریکی ڈالر) ہے اور زیادہ تر منظوری چند منٹوں میں دی جاتی ہے۔جن مسافروں کا تعلق ان ممالک سے نہیں یا جو زمینی یا سمندری راستے سے کینیڈا آنا چاہتے ہیں، انہیں اب بھی باقاعدہ وزیٹر ویزا کی ضرورت ہوگی۔
حکومت کے مطابق یہ اقدام نہ صرف سیاحت و تجارت کو فروغ دے گا بلکہ امیگریشن سروسز پر بوجھ کم کرے گا اور درخواستوں کے پراسیسنگ وقت میں بھی بہتری لائے گا۔
100 سے زائد فلموں میں کام کرنیوالے سینیئر بھارتی اداکار انتقال کر گئے