پاکستان اور ویسٹ انڈیز کے دوسرے ٹیسٹ میچ میں امام الحق کی شمولیت کا امکان
اشاعت کی تاریخ: 24th, January 2025 GMT
پاکستان اور ویسٹ انڈیز کے دوسرے ٹیسٹ میچ میں امام الحق کی شمولیت کا امکان WhatsAppFacebookTwitter 0 24 January, 2025 سب نیوز
لاہور (سب نیوز )پاکستان اور ویسٹ انڈیز کی کرکٹ ٹیموں کے درمیان ہفتے سے دوسرا اور آخری ٹیسٹ شروع ہو رہا ہے جس کے لیے پاکستانی اوپنر امام الحق کو ٹیم میں شامل کیا جاسکتا ہے۔ملتان ہی میں کھیلے جانے والے پہلے ٹیسٹ میں پاکستان نے ویسٹ انڈیز کو میچ کے تیسرے دن 127 رنز سے شکست دی تھی۔اب اطلاعات ہیں کہ تجربے کار اوپنر امام الحق کو دوسرے ٹیسٹ کے لیے پاکستانی ٹیم میں شامل کیا جاسکتا ہے۔
ویسٹ انڈیز کے خلاف پہلے ٹیسٹ میں محمد حریرہ نے ٹیسٹ ڈیبیو کرتے ہوئیکپتان شان مسعود کے ساتھ اننگز کا آغاز کیا تھا،البتہ امام الحق کی ٹیم میں شمولیت کی صورت میں وہ حریرہ کے ساتھ اننگ کا آغاز کریں گے جب کہ کپتان شان مسعود نمبر تین پر بیٹنگ کریں گے۔ٹیم منیجمنٹ اور سلیکشن کمیٹی ملتان کی سلو اور ٹرننگ پچ پراضافی بیٹر کھلانے کا ارادہ رکھتی ہے اور ایسی صورت میں ٹیم میں شامل واحد فاسٹ بولر خرم شہزاد کو ڈراپ کیا جاسکتا ہے۔
29 سال کے امام الحق نے پاکستان کے لیے آخری ٹیسٹ دسمبر 2023 میں میلبرن میں آسڑیلیا کے خلاف کھیلا تھا، بائیں ہاتھ کے بیٹس مین نے 24 ٹیسٹ کے دوران کھیلی گئی 46 اننگز میں 37.
آئی سی سی چیمپئنز ٹرافی سے پہلے ان فٹ صائم ایوب اور آٹ آف فارم عبداللہ شفیق کی عدم موجودگی میں سلیکشن کمیٹی تجربے کار امام الحق پر بھی نظر رکھے ہوئے ہے اور امام الحق کو ملتان کے دوسرے ٹیسٹ میں کھلانے کا باعث بھی یہی ہے۔ امام الحق نے پاکستان کے لیے 72 ون ڈے میچو ں میں 48.27 کی اوسط سے 3138 رنز 9 سینچریوں اور 20 نصف سینچریوں کی مدد سے بنا رکھے ہیں۔
ذریعہ: Daily Sub News
کلیدی لفظ: ویسٹ انڈیز دوسرے ٹیسٹ امام الحق
پڑھیں:
چمپئنز ٹرافی ، قومی اسکواڈ فائنل ، امام الحق کی واپسی متوقع
لاہور(اسپورٹس ڈیسک )چیمپئینز ٹرافی کے سلسلے میں سیلیکشن کمیٹی اجلاس میں قومی ٹیم اسکواڈ فائنل کرلیا گیا۔ قومی سلیکشن کمیٹی نے بنگلا دیش پریمئیر لیگ میں ان فارم بیٹرخوشدل شاہ کو موقع دینے کا فیصلہ کرلیا،خوشدل شاہ کو صائم ایوب کی جگہ چیمپئنز ٹرافی کے اسکواڈ میں شامل کرنے کا امکان ہے۔ذرائع کا کہنا ہے کہ شان مسعود کوچیمپئنز ٹرافی کے اسکواڈ میں شامل کرنے کے امکانات کم ہیں، امام الحق کو چیمپئنز ٹرافی کے اسکواڈ میں شامل کرنے کے امکانات روشن ہوگئے ۔ چیمپئینز ٹرافی کے اسکواڈ کو فائنل کرنے کیلیے اسکواڈز کے نام چیئرمین پی سی بی کو بھجوادیے گئے۔ چیئرمین پی سی بی محسن نقوی کی اجازت کے بعد قومی اسکواڈ کا اعلان ایک دو روز میں متوقع ہے۔ فخر زمان،محمد رضوان ،بابر اعظم ،سلمان علی آغا، خوشدل شاہ ،کامران غلام ،ابرار احمد، سفیان مقیم، شاہین شاہ آفریدی،حارث روف ،نسیم شاہ بھی حتمی اسکواڈ میں شامل ہیں، طیب طاہر،محمد حسنین، عباس آفریدی کو بھی شامل کیے جانے کا امکان ہے ۔سہ فریقی سیریز کے لیے بھی اسکواڈ چیمپئنز ٹرافی کا ہی اسکواڈ ہوگا،پاکستان چیمپئنز ٹرافی میں اپنا پہلا میچ 19 فروری کو نیوزی لینڈ کے خلاف کراچی میں کھیلے گا۔
طلباء کو نئی سوچ کے ساتھ کاروبار کی طرف لا رہے ہیں