وزیراعلی خیبرپختونخوا کی جانب سے صوبائی حکومت کے ہیلی کاپٹر کو ایمبولینس سروس کے طور پر استعمال کرنے کا فیصلہ
اشاعت کی تاریخ: 24th, January 2025 GMT
پشاور (اُردو پوائنٹ اخبارتازہ ترین - اے پی پی۔ 24 جنوری2025ء) وزیراعلی خیبرپختونخوا علی امین گنڈاپور کی جانب سے صوبائی حکومت کے ہیلی کاپٹر کو ایمبولینس سروس کے طور پر استعمال کرنے کا فیصلہ کیا گیا ہے۔ ریسکیو 1122 خیبرپختونخوا کی جانب سے جاری بیان کے مطابق وزیراعلی خیبرپختونخوا علی امین گنڈاپور کی جانب سے صوبائی حکومت کے ہیلی کاپٹر کو ایمبولینس سروس کے طور پر استعمال کیا جائے گا۔
اس حوالے سے تیاریاں مکمل کی جارہی ہیں۔(جاری ہے)
صوبائی ہیلی کاپٹر میں مریضوں و زخمیوں کو قدرتی و انسانی آفات کے دوران دور دراز کے علاقوں سے علاج معالجے کےلیے بروقت ہسپتالوں میں منتقل کیا جائے گا۔اس حوالے سے چیف سیکرٹری خیبرپختونخوا ندیم اسلم چوہدری، سیکرٹری ریلیف یوسف رحیم، ڈائریکٹر جنرل ریسکیو 1122 ڈاکٹر محمد ایاز خان، ڈائریکٹر ایڈمنسٹریشن انجنئیر ناصر خان، غیور مشتاق ڈسٹرکٹ ایمرجنسی آفیسر پشاور سمیت ریسکیو 1122 کے اہلکاروں نے فرضی مشقوں کے دوران ہیلی کاپٹر میں مریضوں کی منتقلی کا معائنہ کیا جبکہ ضروریات کے مطابق مزید تبدیلیوں کو حتمی شکل دینے کے احکامات جاری کئے تاکہ جلد از جلد ریسکیو 1122 کی ہیلی کاپٹر سروس شروع کی جاسکے۔
.ذریعہ: UrduPoint
کلیدی لفظ: تلاش کیجئے ہیلی کاپٹر کی جانب سے ریسکیو 1122
پڑھیں:
خیبرپختونخوا کابینہ اجلاس، اہم فیصلوں کی منظوری
علی امین گنڈا پور کی زیرصدرات خیبرپختونخوا کی صوبائی کابینہ کا اجلاس، اہم فیصلوں کی منظوری۔
یہ بھی پڑھیں:پنجاب بمقابلہ خیبرپختونخوا اسمبلی، کون کتنی تنخواہ لیتا ہے؟
کے پی حکومت کے مشیر اطلاعات بیرسٹر ڈاکٹر سیف کے مطابق خیبرپختونخوا کی صوبائی کابینہ کا 30واں اجلاس وزیراعلی خیبرپختونخوا علی امین خان گنڈاپور کی زیر صدارت منعقد ہوا۔ اجلاس میں کابینہ اراکین، چیف سیکرٹری، ایڈیشنل چیف سیکریٹریز، سینئر ممبر بورڈ آف ریونیو، ایڈووکیٹ جنرل خیبرپختونخوا نے شرکت کی۔
شعبہ تعلیمبیرسٹر ڈاکٹر سیف کے مطابق کابینہ اجلاس میں سرکاری اسکولوں میں مفت کتابوں کی فراہمی کے لیے فنڈ کی فراہمی کی منظوری دی گئی اور کتابوں کی معیاری چھپائی اور دوبارہ استعمال سے متعلق پلان تیار کر کے کابینہ میں پیش کرنے کی ہدایت کی گئی ہے۔
مشیر اطلاعات کے مطابق کابینہ اجلاس میں نئے تعلیمی سال میں داخلہ لینے والے بچوں کو مفت بستوں کی فراہمی کا بھی اصولی فیصلہ کیا گیا، اور حوالے سے حکام کو پلان کابینہ کے آئندہ اجلاس میں پیش کرنے کی ہدایت کی گئی ہے۔
کابینہ اجلاس میں تعلیم سے محروم رہ جانے والے بچوں کے داخلے کے لیے حکمت عملی ترتیب دینے پر غور کیا گیا، کابینہ نے ایسے بچوں کی بڑی تعداد پر تشویش کا اظہار کیا۔
پی ٹی سی کونسلز کے لیے فنڈکابینہ اجلاس میں پیرنٹ ٹیچر کونسل کے لیے سالانہ فنڈ 5 ارب سے بڑھا کر 7 ارب کرنےکی منظوری بھی دی گئی۔کابینہ اجلاس میں پی ٹی کونسلز کے ذریعے فنڈ کے مؤثر استعمال یقینی بنانے کی ہدایت کی گئی۔
صحت کارڈ ٹرانسپلانٹ و امپلانٹ اسکیم کا آغازبیرسٹر ڈاکٹر سیف کے مطابق کابینہ نے صحت سہولت کے تحت مفت ٹرانسپلانٹ و امپلانٹ سروس دینے کا فیصلہ کیا ہے۔ کڈنی، لیور، بون میرو ٹرانسپلانٹ کا خرچہ حکومت برداشت کرے گی۔
مشیر اطلاعات کے مطابق کوکلئیر انپلانٹ کا خرچہ بھی حکومت برداشت کرے گی۔ جب کہ اگلے مرحلے میں منشیات کے عادی افراد کی بحالی کو صحت کارڈ میں شامل کیا جائے گا۔
میڈیسنل کینابیسکابینہ نے علاج، تحقیق و صنعتی مقاصد کے لیے کینابیس پلانٹ کو استعمال میں لانے کے لیے رولز کی منظوری دی۔
پشاور رنگ روڈاجلاس میں پشاور رنگ روڈ وارسک ٹو ناصر باغ لنک کی تعمیر کے لیے نان اے ڈی پی اسکیم کی منظوری دی گئی۔
یہ بھی پڑھیں:علی امین بمقابلہ عاطف خان گروپ: صوبائی صدارت جانے کے بعد کیا وزیراعلیٰ کی پوزیشن کمزور ہوگئی؟
پشاور واٹر سپلائیبیرسٹر ڈاکٹر سیف کے مطابق اجلاس میں مہمند ڈیم سے پشاور کو پینے کے پانی کی فراہمی کے لئے واٹر سپلائی سکیم کی منظوری دی گئی۔
ٹی ایم اے کو مشینری کی فراہمیصوبے کے 132 تحصیل میونسپل ایڈمنسٹریشنز کو سینٹیش سروسز کے لیے مشینری کی خریداری کے لیے 3.6 ارب روپے مرحلہ وار فنڈ کی منظوری دی گئی ہے۔
نوجوانوں کو فنی مہارت کے مواقع فراہم کرنے کے لیے اپرینٹائسشپ رولز کی منظوری دی گئی۔
رولز کی منظوری سے نوجوانوں کو کارخانوں میں کام سیکھنے کے مواقع فراہم ہوں گے۔
دینی مدارس کے لیے گرانٹکابینہ نے دینی مدارس کے لئے مختص گرانٹ کی رقم 30 ملین سے بڑھا کر 100ملین کرنے کی منظوری دی۔
اجلاس میں خیبرپختونخوا گورنمنٹ سرونٹس ہاؤسنگ فاؤنڈیشن ایکٹ 2025 کی منظوری دی گئی۔
انسپکشن ٹیمگورنر انسپکشن ٹیم اور صوبائی انسپکشن ٹیم کو ضم کرنے کی منظوری دی گئی۔
قبائلی اضلاع کے انضمام کے بعد گورنر انسپکشن ٹیم کی افادیت نہیں رہی تھی جس کو اب صوبائی انسپکشن ٹیم میں ضم کر دیا گیا۔
صوبائی انسپکشن ٹیم کی کارکردگی مستحکم کرنے کے لیے کمیٹی کی تشکیل کی بھی منظوری دی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اہم فیصلے بیرسٹر سیف خیبرپختونخوا کابینہ علی امین گنڈاپور مشیراطلاعات
گذشتہ 20 دنوں میں اسرائیل کے ہاتھوں 490 فلسطینی بچے شہید