فرانس؛ گستاخانہ خاکے شائع کرنے والے میگزین کے دفتر پر حملے پر 6 پاکستانیوں کو قید
اشاعت کی تاریخ: 24th, January 2025 GMT
پیرس(ڈیلی پاکستان آن لائن ) فرانس میں گستاخانہ خاکے شائع کرنے والے میگزین کے دفترکے باہر 2020 میں ہونے والے چاقو حملے میں 4 افراد شدید زخمی ہوگئے تھے جن میں سے ایک کی حالت نازک تھی۔
روز نامہ امت نے عالمی خبر رساں ادارے کے حوالے سے بتایا کہ اس حملے کے الزام میں آج جن پاکستانیوں کو قید کی سزائیں سنائی گئیں ا±ن میں سے مرکزی ملزم ظہیر محمود کو 30 سال قید کی سزا سنائی گئی۔
سزا مکمل ہونے کے بعد 37 سالہ ظہیر محمود کو ملک بدر کردیا جائے گا اور فرانس میں داخلے پر تاحیات پابندی بھی ہوگی۔
5 دیگر پاکستانیوں جن میں سے کچھ حملے کے وقت نابالغ تھے، ظہیر محمود کی حمایت اور حوصلہ افزائی کرنے پر انھیں بھی 3 سے 12 سال کی قید کی سزا سنائی گئی۔
ظہیر محمود کو حملے کے وقت معلوم نہیں تھا کہ اب اس مقام پر میگزین کا دفتر نہیں ہوتا۔ میگزین چارلی ہیبڈو کا دفتر 2015 میں ایک حملے کے بعد منتقل کردیا گیا تھا۔
چارلی ہیبڈو نے دس سال قبل گستاخانہ خاکے شائع کئے تھے۔ ان کے دفتر پر 2015 میں چاقو حملہ کیا گیا تھا جس میں عملے کے 8 ارکان سمیت 12 افرادزخمی ہوگئے تھے۔
نوجوانوں کو عالمی تقاضوں کے مطابق صلاحیتوں سے آراستہ کر رہے ہیں: وزیراعظم
مزید :.ذریعہ: Daily Pakistan
کلیدی لفظ: ظہیر محمود حملے کے
پڑھیں:
3 سالوں میں 13 لاکھ سے زائد ہنر مند پاکستانی ملک چھوڑ گئے
اسلام آباد (اُردو پوائنٹ اخبارتازہ ترین۔ 23 جنوری2025ء) 3 سالوں میں 13 لاکھ سے زائد ہنر مند پاکستانی ملک چھوڑ گئے۔ تفصیلات کے مطابق چیئرمین قائمہ کمیٹی برائے دفاعی پیداوار سینیٹر محمد عبدالقادر نے کہا ہے کہ گزشتہ تین سال میں 13 لاکھ سے زائد پاکستانی بیرون ممالک ملازمت کی تلاش کیلئے ملک چھوڑ کر گئے ہیں، بیرون ملک جانے والے ہنر مندافراد کے ویزے مسترد ہونے کی شرح بہت کم ہے، بیرون ملک پاکستانیوں کی اموات کی صورت میں پاکستانی سفارتخانے بھی اپنی ذمہ داریاں پوری نہیں کرتے، بیرون ممالک پاکستانیوں کو بے انتہا مشکلات کا سامنا کرنا پڑتا ہے، جب پاکستانی کسی رہنمائی کے لئے سفارتی عملے سے رابطہ کرتے ہیں تو انہیں عملے کی سرد مہری کا سامنا کرنا پڑتا ہے۔ یہاں جاری ہونے والے ایک بیان میں سینیٹر محمدعبدالقادر نے کہا کہ افسوسناک امر یہ ہے کہ بیرون ممالک جاں بحق ہونے والے پاکستانیوں کے لواحقین کو معاوضہ بھی نہیں دیا جاتا، یواے ای نے پاکستانیوں کیلئے ویزہ کی شرائط سخت کر دی ہیں حکومت ان مسائل کو حل کرنے میں اپنا کردار ادا کرے۔(جاری ہے)
بیرون ممالک پاکستانیوں کی فلاح و بہبود اور رہنمائی کے لئے سفارت خانوں میں کمیونٹی ویلفیئر افسران کی تعیناتیاں کی جائیں، مذہبی مقامات کی زیارات کے لئے جانے والے زائرین کے ویزاسمیت دیگر مسائل کے حل کیلئے خصوصی اقدامات کئے جائیں، بیرون ملک جانے والے ہنرمندافراد کوتین سے لیکر6ماہ تک تربیت فراہم کی جائے۔
چیئرمین قائمہ کمیٹی برائے دفاعی پیداوار نے مزید کہا کہ حکومت پاکستان کی معاشی صورتحال کی بہتری کی دعوے دار ہے جبکہ باعزت روزگار کی تلاش میں ملک چھوڑ کر جانے والوں کی تعداد میں ہر سال خطرناک حد تک اضافہ ہوتا جا رہا ہے اگر حکومت ملک میں سرکاری اور نجی شعبوں میں روزگار کے مواقع پیدا کرے تو پاکستان کے ذہین، قابل اور ماہر نوجوان ملک کو چھوڑ کر دیگر ممالک میں منتقل نہ ہونے لگیں۔ محنتی اور ذہین پاکستانیوں کا ملک چھوڑ کر جانا پاکستان کے لئے انتہائی افسوس ناک بات ہے۔ حکومت کا دعوی ہے کہ پاکستان میں روزگار کے لاکھوں مواقع پیدا کئے گئے ہیں جبکہ حقیقت اس کے برعکس ہے ۔ اگر پاکستان سے بیرون ممالک ذہین اور قابل پاکستانیوں کے منتقل ہونے کی یہی رفتار رہی تو پاکستان میں اوسط درجے کے پاکستانی ہی رہ جائیں گے جن کے ہاتھوں میں ملک کا نظام روشن اور تابناک نہیں ہو گا۔ حکومت کو اس سنجیدہ صورتحال کا جائزہ لے کر وسیع البنیاد پالیسیاں ترتیب دینا ہونگی تاکہ پاکستان اور پاکستانیوں کا مستقبل روشن بنایا جا سکے۔
پرنسپل اسٹاف افسرلیفٹیننٹ جنرل ایس ایم قمر الحسن نے کراچی کا دورہ