اوپن اے آئی کیجانب سے چیٹ جی پی ٹی میں بہت بڑی تبدیلی متعارف
اشاعت کی تاریخ: 24th, January 2025 GMT
اوپن اے آئی نے چیٹ جی پی ٹی میں ایک بہت بڑی تبدیلی کو متعارف کرایا ہے۔
اس حوالے سے کئی ماہ سے لیکس سامنے آرہی تھیں اور اب اوپن اے آئی کی جانب سے چیٹ جی پی ٹی کے لیے پہلے آرٹی فیشل انٹیلی جنس (اے آئی) ایجنٹ آپریٹر کو متعارف کرا دیا گیا ہے۔یہ اے آئی ایجنٹ آپ کے ویب ٹاسک مکمل کرنے کے لیے ڈیزائن کیا گیا ہے اور بس آپ کو ایک بٹن کو کلک کرنے کی ضرورت ہوگی۔
آپریٹر بنیادی طور پر ایک کمپیوٹر یوزنگ ایجنٹ (سی یو اے) ہے جو جی پی ٹی 4o ماڈل کو استعمال کرکے ویب پر براؤز اور سرچ کرتا ہے۔آسان الفاظ میں یہ اے آئی ایجنٹ آپ کی سرچنگ ضروریات کو سمجھنے کی صلاحیت رکھتا ہے اور اسے علم ہوتا ہے کہ اسے کیا سرچ کرنا ہے۔یہ اے آئی ایجنٹ ابھی امریکا میں چیٹ جی پی ٹی پرو کے سبسکرائبرز کو ریسرچ پریویو ماڈل میں دستیاب ہے۔اوپن اے آئی کے مطابق آپریٹر ایک ایسا ایجنٹ ہے جو اپنے طور پر آپ کے لیے مختلف ٹاسک مکمل کرنے کی صلاحیت رکھتا ہے۔
کمپنی کے مطابق آپریٹر بالکل انسانوں کی طرح ویب براؤزنگ کرسکتا ہے، جبکہ آپ اسے ڈنر ریزرویشن کی ہدایت بھی دے سکتے ہیں، وہ آپ کے لیے طویل فارم بھی بھر سکتا ہے، کسی آن لائن سروس کو کچن یا گھر کے لیے درکار سامان کا آرڈر دے سکتا ہے یا فلائٹ بکنگ بھی کرسکتا ہے۔چونکہ ابھی یہ ریسرچ پریویو ماڈل میں دستیاب ہے تو یہ فی الحال اس کا ابتدائی ورژن ہے اور اوپن اے آئی کی جانب سے کچھ پابندیاں بھی عائد کی گئی ہیں۔اوپن اے آئی نے آپریٹر کا اعلان ایک بلاگ پوسٹ میں کرتے ہوئے بتایا کہ یہ ہمارے اولین اے آئی ایجنٹس میں سے ایک ہے جوخودمختار طور پر آپ کے لیے کام کرنے کی صلاحیت رکھتا ہے۔
کمپنی نے بتایا کہ بس آپ اسے کوئی ٹاسک دیں اور وہ اسے خود مکمل کر دے گا۔درحقیقت کمپنی کا دعویٰ ہے کہ آپریٹر ‘دیکھ’ بھی سکتا ہے (اسکرین شاٹس کے ذریعے) اور براؤزر سے ‘انٹریکٹ’ (ماؤس اور کی بورڈ ایکشنز کے ذریعے) کی صلاحیت بھی رکھتا ہے۔بلاگ پوسٹ میں بتایا گیا کہ وہ خود کو ٹھیک کرنے کی صلاحیت بھی رکھتا ہے۔اوپن اے آئی کے چیف ایگزیکٹو سام آلٹمین نے تصدیق کی کہ مزید ایجنٹس پر بھی کام کیا جا رہا ہے۔
.ذریعہ: Daily Ausaf
کلیدی لفظ: اے ا ئی ایجنٹ کی صلاحیت ا پریٹر کرنے کی ایجنٹ ا کے لیے
پڑھیں:
ٹینس کے عظیم کھلاڑی نوواک جوکووچ نے آسٹریلین اوپن سیمی فائنل میں ریٹائرمنٹ لے لی
نوواک جوکووچ ٹینس کے عظیم ترین کھلاڑیوں میں سے ایک ہیں۔ انہوں نے حیران کن لمحات میں آسٹریلین اوپن کے سیمی فائنل میچ کے دوران الیگزینڈر زیوریف کے خلاف ریٹائرمنٹ لے لی۔
یہ واقعہ میلبورن میں اس وقت پیش آیا جب جوکووچ نے میچ کے دوران واضح طور پر جسمانی مسائل کا سامنا کیا۔ ان کی انجری نے انہیں کھیل جاری رکھنے سے روک دیا، جس کی وجہ سے زیوریف کو فائنل کے لیے واک اوور حاصل ہوا۔
یہ ٹورنامنٹ جوکووچ کے مداحوں کے لیے مایوس کن ثابت ہوا، کیونکہ وہ ہمیشہ اپنی غیرمعمولی کارکردگی اور جذبے کے ساتھ مشہور رہے ہیں۔ دوسری طرف، زیوریف نے اس موقع کو ایک بڑی کامیابی کے طور پر دیکھا اور اب وہ اپنے پہلے گرینڈ سلم ٹائٹل کے لیے ایک قدم اور قریب پہنچ گئے ہیں۔
مزید پڑھیں: ’آسٹریلیا میں مجھے زہر دیا گیا تھا‘، سربین ٹینس اسٹار نوواک جوکوویچ کا دعویٰ
انجری کے شکار نوواک جوکووچ نے آسٹریلین اوپن سیمی فائنل میں الیگزینڈر زیوریف کے خلاف پہلا سیٹ ہارنے کے بعد میچ چھوڑ دیا۔ جوکووچ نے پہلا سیٹ ٹائی بریک میں 7-6 (5) سے ہارنے کے فوراً بعد نیٹ کے قریب جا کر زیوریف کے حق میں میچ دے دیا۔ جیسے ہی جوکووچ کورٹ سے باہر گئے، مداحوں نے انہیں تنقید کا نشانہ بناتے ہوئے آوازیں کسیں، جس پر انہوں نے دونوں انگھوٹھے اوپر کرکے جواب دیا۔
جوکووچ آسٹریلین اوپن میں اپنا 11واں چیمپئن شپ ٹائٹل اور مجموعی طور پر 25واں گرینڈ سلم ٹائٹل جیتنے کی کوشش کر رہے تھے۔ انہوں نے کوارٹر فائنل میں کارلوس الکاراز کے خلاف میچ کے دوران اپنے بائیں ٹانگ پر چوٹ کھائی تھی۔
زیوریف جو نمبر 2 سیڈ ہیں، نے اپنے کیریئر میں پہلی بار میلبورن کے فائنل تک رسائی حاصل کی ہے۔ اب وہ دوسرے سیمی فائنل کے فاتح سے مقابلہ کریں گے، جس میں نمبر 1 دفاعی چیمپئن جانک سینر (اٹلی) اور نمبر 21 بین شیلٹن (امریکا) آمنے سامنے ہیں۔ زیوریف اس سے قبل 2 بڑے ٹورنامنٹس کے رنر اپ رہ چکے ہیں اور اب وہ اپنے پہلے گرینڈ سلم ٹائٹل کی امید میں ہیں۔ ردوں کا فائنل اتوار کو کھیلا جائے گا۔
مزید پڑھیں: ٹینس اسٹار کا فوڈ سپلیمنٹ کمپنی کے خلاف ایک کروڑ ڈالر ہرجانے کا دعویٰ، وجہ دلچسپ نکلی
نوواک جوکووچ 22 مئی 1987 کو پیدا ہونے والے سربیا کے پیشہ ور ٹینس کھلاڑی ہیں۔ وہ ایسوسی ایشن آف ٹینس پروفیشنلز (ATP) کی جانب سے مجموعی طور پر ریکارڈ 428 ہفتوں تک دنیا کے نمبر 1 کھلاڑی رہ چکے ہیں، جو 13 برسوں میں ایک ریکارڈ ہے۔ انہوں نے سال کا اختتام دنیا کے نمبر 1 کھلاڑی کے طور پر 8 مرتبہ کیا جو ایک اور ریکارڈ ہے۔ جوکووچ نے مردوں کے سنگلز میں ریکارڈ 24 گرینڈ سلم ٹائٹلز جیتے ہیں، جن میں 10 آسٹریلین اوپن ٹائٹلز شامل ہیں۔
جوکووچ کی شاندار کامیابیاں انہیں ٹینس کی تاریخ کے عظیم ترین کھلاڑیوں میں شمار کرتی ہیں، اور وہ اپنی مسلسل محنت، لگن، اور بے مثال کارکردگی کے لیے مشہور ہیں۔ مجموعی طور پر انہوں نے 99 سنگلز ٹائٹلز جیتے ہیں، جن میں 72 بِگ ٹائٹلز شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلین اوپن ٹینس میلبورن نوواک جوکووچ
سندھ کی جامعات میں مزید 2 دن تدریسی سرگرمیاں معطل رکھنے کا اعلان