جدید اسمارٹ فونز اسمگلنگ میں ملوث پی آئی اے ملازمین معطل، شوکاز نوٹسز جاری
اشاعت کی تاریخ: 24th, January 2025 GMT
قومی ایئرلائن (پی آئی اے) کی دبئی سے ملتان کی پرواز کے فضائی میزبانوں سے مہنگے موبائل فون برآمد ہونے پر تحقیقات جاری ہیں، اور ملازمین کو معطل کرکے شوکاز نوٹسز جاری کردیے گئے ہیں۔
ترجمان پی آئی اے کے مطابق پرواز دبئی سے ملتان پہنچنے پر کسٹم حکام کی جانب سے چیکنگ کے دوران فضائی میزبانوں سے جدید اسمارٹ فونز برآمد ہوئے تھے۔
ترجمان نے بتایا کہ مزید تحیقات کے لیے محکمانہ کارروائی کا آغاز کردیا گیا ہے، جرم ثابت ہونے کی صورت میں کمپنی پالیسی کے تحت سخت ترین سزا کا تعین کیا جائےگا۔
ترجمان نے کہاکہ ایئر لائن انتظامیہ ملازمین کے کسی بھی خلاف ضابطہ اقدام کو ہرگز برداشت نہیں کرتی، غیر قانونی کاموں میں ملوث ملازمین کے ساتھ کوئی نرمی نہیں برتی جاتی۔
واضح رہے کہ فضائی میزبانوں سے موبائل فون برآمد ہونے کے بعد میڈیا رپورٹس میں کہا گیا تھا کہ پی آئی اے ملازمین کی ملی بھگت سے اسمارٹ فونز کی اسمگلنگ کی جارہی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسمارٹ فونز اسمگلنگ پی آئی اے شوکاز نوٹسز جاری قومی ایئرلائن محکمانہ کارروائی وی نیوز.ذریعہ: WE News
کلیدی لفظ: اسمارٹ فونز اسمگلنگ پی ا ئی اے شوکاز نوٹسز جاری قومی ایئرلائن محکمانہ کارروائی وی نیوز پی ا ئی اے ملازمین شوکاز نوٹسز جاری اسمارٹ فونز
پڑھیں:
ملک بھر کیلیے بجلی ایک روپے 71 پیسے فی یونٹ سستی ہونے کا نوٹیفکیشن جاری
اسلام آباد:ملک بھر کے لیے بجلی ایک روپے 71 پیسے فی یونٹ سستی ہونے کا نوٹی فکیشن جاری کردیا گیا۔
واضح رہے کہ گزشتہ روز نیشنل الیکٹرک پاور ریگولیٹری اتھارٹی (نیپرا) نے بجلی سستی کرنے کی منظوری دیتے ہوئے اپنا فیصلہ وفاقی حکومت کو بھجوایا تھا، جس کے بعد آج پاور ڈویژن نے کراچی سمیت ملک بھر کے لیے بجلی 1.71 روپے فی یونٹ سستی کرنے کا نوٹی فکیشن جاری کردیا ہے۔
نوٹی فکیشن کے مطابق بجلی کی قیمت میں کمی کا اطلاق اپریل سے جون 2025ء کے لیے ہوگا۔ بجلی کی قیمت میں کمی کے الیکٹرک سمیت ملک بھر کے صارفین کے لیے ہو گی، تاہم اس کمی کا اطلاق لائف لائن صارفین پر نہیں ہوگا۔
پاور ڈویژن کی جانب سے جاری نوٹی فکیشن میں بتایا گیا ہے کہ بجلی کی قیمت میں کمی وفاقی حکومت کی اضافی سبسڈی کےذریعےکی گئی ہے۔ قبل ازیں وفاقی حکومت نےبجلی ایک روپے 71پیسے فی یونٹ سستی کرنےکی درخواست نیپرامیں جمع کرائی تھی۔
قومی اسمبلی کا اجلاس پیر کو شام 5 بجے شروع ہوگا، 12 نکاتی ایجنڈا جاری