آسکر 2025 کی نامزدگیوں کا اعلان، کونسی فلمیں منتخب ہوئیں؟
اشاعت کی تاریخ: 24th, January 2025 GMT
سال 2025 کے آسکر ایوارڈز کی نامزدگیوں کا اعلان کر دیا گیا ہے، جس کا شائقین کو بےصبری سے انتظار تھا کیونکہ لاس اینجلس میں لگنے والی خوفناک آگ کے باعث اس اعلان کو ملتوی کردیا گیا تھا۔
غیر ملکی میڈیا کے مطابق ہسپانوی تھرلر فلم ’ایمیلیا پیرز‘ نے 13 نامزدگیوں کے ساتھ دیگر تمام فملں پر سبقت حاصل کی ہے، جبکہ فلم ’ویکیڈ‘ 10 نامزدگیوں کے ساتھ دوسرے نمبر پر نمایاں ہے۔
نامزد فلموں میں بھارتی دارالحکومت دہلی میں فلمائی گئی شارٹ فلم ’انوجا‘ بھی شامل ہے، جو بے حد پذیرائی حاصل کر چکی ہے۔ یہ بھارتی فلم ہالی ووڈ کی مشہور فلموں ’ایلین‘، ’آئی ایم ناٹ اے روبوٹ‘، ’دی لاسٹ رینجر‘ اور ’دی مین ہو کُڈ ناٹ ریمین سائلنٹ‘ کے ساتھ مقابلے میں ہے۔
View this post on InstagramA post shared by The Academy (@theacademy)
آسکر 2025 ایوارڈز کی بہترین فلم کے لیے اینورا، اے کمپلیٹ ان نون، کونکلیو، ڈیون: پارٹ ٹو، آئی ایم اسٹل ہیئر، نکل بوائز اور ’دی سبسٹنس‘ کو نامزد کیا گیا ہے۔
بہترین بین الاقوامی فلم کی کیٹیگری میں ’آئی ایم اسٹل ہیئر‘ (برازیل), ’دی گرل ود دی نیڈل‘ (ڈنمارک), ’ایمیلیا پیرز‘ (فرانس), ’دی سیڈ آف دی سیکرڈ فگ‘ (جرمنی) اور ’فلو‘ (لاٹویا) شامل ہیں۔
View this post on InstagramA post shared by The Academy (@theacademy)
بہترین اینیمیٹڈ فلم کی دوڑ میں فلو، انسائیڈ آؤٹ ٹو، میموائر آف اے اسنیل، والیس اینڈ گورمٹ: وینجیئن موسٹ فاؤل اور دی وائلڈ روبوٹ شامل ہیں۔ جبکہ بہترین دستاویزی فلم کے لیے بلیک باکس ڈائریز نو ادر لینڈ پروسلین وار ساؤنڈ ٹریک ٹو ا کوپ ڈی اٹیٹ اور شوگر کین نامزد ہوئی ہیں۔
کارلا سوفیا کو بہترین اداکارہ کے ایوارڈ کے لیے نامزد کیا گیا ہے جوکہ ایک ٹرانسجنڈر اداکارہ ہیں۔ وہ آسکرز میں اس کیٹیگری کے لیے نامزد ہونے والی پہلی ٹرانس جینڈر ہیں۔ دیگر امیدواروں میں سنتھیا اریوو، مائیکی میڈیسن، ڈیمی مور اور فرنینڈا ٹورس شامل ہیں۔
View this post on InstagramA post shared by The Academy (@theacademy)
بہترین اداکار کی کیٹیگری میں ایڈریئن بروڈی، ٹموتھی شیلیمے، کولمین ڈومنگو، رالف فینیس اور سیبیسٹین اسٹین شامل ہیں۔
بہترین ہدایتکار کے لیے یاکیس آڈیئرڈ جنہوں نے ایمیلیا پیرز کی ہدایتکاری کی ہے, شان کوربے، کورالی فرگیٹ اور جیمز مین گولڈ نامزد ہیں۔
View this post on InstagramA post shared by The Academy (@theacademy)
یاد رہے کہ آسکرز 2025 ایوارڈز کی تقریب 2 مارچ کو لاس اینجلس میں منعقد ہوگی۔ تقریب کی تاریخ لاس اینجلس میں لگنے والی آگ کے باعث تبدیل کی گئی تھی۔
.ذریعہ: Express News
پڑھیں:
آئی سی سی ایوارڈز کے فاتحین کا اعلان کب ہوگا؟
انٹرنیشنل کرکٹ کونسل آئی سی سی ایوارڈز کا اعلان 24 سے 28 جنوری تک کرے گی۔
آئی سی سی کے مطابق ون ڈے اور ٹیسٹ کی بہترین ٹیموں کا اعلان 24 جنوری کو ہوگا جبکہ ٹی 20 ٹیم آف دی ایئر اور بہترین کھلاڑیوں کا اعلان 25 جنوری کو کیا جائے گا۔
رپورٹ کے مطابق امپائر آف دی ایئر اور ایمرجنگ پلیئر آف دی ایئر کا اعلان 26 جنوری کو ہوگا، 27 جنوری کو ون ڈے اور ٹیسٹ پلیئر آف دی ایئر کا اعلان کیا جائے گا جبکہ مینز اور ویمنز کرکٹر آف دی ایئر کا اعلان 28 جنوری کیا ہوگا۔
مزید پڑھیں: ٹی 20 کرکٹر آف دی ایئر 2024 کی نامزدگیوں کا اعلان، پاکستانی بھی شامل
خیال رہے کہ قومی ٹیم کے اسٹار کرکٹر بابراعظم کو مینز ٹی20 کرکٹر آف دی ایئر ایوارڈ 2024 کیلئے نامزد کیا گیا ہے۔
پاکستان اور ویسٹ انڈیز کے درمیان ملتان ٹیسٹ تاریخ کا مختصر ترین میچ