سینیٹ کا اجلاس آج ہوگا، پیکا ایکٹ ترمیمی بل منظور کرایا جائے گا
اشاعت کی تاریخ: 24th, January 2025 GMT
اسلام آ باد:
سینیٹ کا اجلاس کچھ دیر بعد منعقد ہوگا جس میں پیکا ایکٹ ترمیمی بل منظوری کے لیے پیش کیا جائے گا۔
ایکسپریس نیوز کے مطابق سینیٹ کا اجلاس کچھ دیر بعد منعقد ہوگا جس کا 12 نکاتی ایجنڈا جاری کردیا گیا۔
ایجنڈے میں پیکا ترمیمی بل 2024ء کی منظوری شامل ہے، وزیر داخلہ محسن نقوی پیکا ترمیمی بل 2025 پیش کریں گے، رولز معطل کرکے پیکا ترمیمی بل منظور کرانے کی تحریک پیش ہوگی۔
قومی اسمبلی نے گزشتہ روز پیکا ترمیمل بل کی کثرت رائے سے منظوری دی تھی۔
اسی طرح وزیر مملکت برائے آئی ٹی شزا فاطمہ خواجہ ڈیجیٹل نیشن پاکستان بل 2025 منظوری کےلیے پیش کریں گے، وہ پاکستان ٹیلی کمیونیکشن ری آرگنائزیشن ترمیمی بل 2025 بھی پیش کریں گی۔
وزیر انسانی حقوق نیشنل کمیشن فار مینارٹیز بل 2025 ایوان میں پیش کریں گے، وزیر تعلیم خالد مقبول صدیقی وفاقی بورڈ سے متعلق آرڈینس ایوان کے سامنے رکھیں گے۔
.ذریعہ: Express News
کلیدی لفظ: پیش کریں
پڑھیں:
پی ٹی آئی رہنماؤں پر مائنز اینڈ منرل بل سے متعلق بیانات پر پابندی عائد
راولپنڈی(نیوز ڈیسک)پاکستان تحریک انصاف (پی ٹی آئی) نے خیبرپختونخوا اسمبلی میں مائنز اینڈ منرل ترمیمی بل سے متعلق بیانات پر پابندی عائد کرتے ہوئے بل کی منظوری عمران خان کی اجازت سے مشروط کردی۔
نجی ٹی وی کے مطابق پی ٹی آئی سیاسی کمیٹی نے معدنیات بل کی منظوری عمران خان کی اجازت سے مشروط کردی جب کہ بل پر بریفنگ کے لئے منتخب نمائندوں کا اجلاس چودہ اپریل کو طلب کرلیا گیا۔
پاکستان تحریک انصاف کی سیاسی کمیٹی نے مائنز اینڈ منرل ترمیمی بل کے معاملے پر سخت ہدایات جاری کیں جب کہ کمیٹی نے صوبائی حکومت کو بلز پر جلد بازی نہ کرنے کی بھی ہدایات دے دی۔
پی ٹی آئی کی سیاسی کمیٹی اجلاس میں فیصلہ کیاگیا کہ بلز پر کسی کارکن یارکن نے بات کی تو اس کے خلاف کاروائی ہوگی جب کہ حکومت تمام اسٹیک ہولڈرز کو اعتماد میں لیے بغیر بل اسمبلی میں پیش نہ کرے۔
دوسری جانب، عوامی نیشنل پارٹی (اے این پی) نے منرلز اینڈ مائنز ایکٹ 2025 کو مسترد کردیا۔
اے این پی خیبرپختونخوا کے صدر میاں افتخار حسین کا کہنا تھا کہ منرلز اینڈ مائنز کا ایکٹ پہلے سے موجود ہے، نئے ایکٹ کی ضرورت ہی نہیں، یہ بل 18 ویں آئینی ترمیم کے خلاف ہے جس میں یہ فیصلہ ہوا تھا کہ ہر صوبے کا اپنے قدرتی وسائل پر حق ہوگا۔
واضح رہے کہ خیبر پختونخوا مائنز اینڈ منرلز ترمیمی بل 2025 کے معاملے پر پی ٹی آئی رہنماؤں میں اختلافات سامنے آئے تھے۔
مائنز اینڈ منرلز ترمیمی بل پر وزیر اعلیٰ خیبرپختونخوا علی امین گنڈا پور اور عاطف خان کے درمیان واٹس گروپ میں تلخ کلامی ہوئی تھی۔
عاطف خان نے پی ٹی آئی پارلیمنٹرینز کے واٹس ایپ گروپ میں مائنز اینڈ منرلز ترمیمی بل کی مخالفت کرتے ہوئے کہا تھا کہ یہ بل عوام کے حق میں نہیں ہے۔
مزیدپڑھیں:ڈائر وولف کے بعد قدیم ہاتھیوں کو بھی دوبارہ زندہ کرنے کا منصوبہ شروع
اسٹیک ہولڈرز کی شمولیت سے ہی بہتر عدالتی اصلاحات ممکن ہے، چیف جسٹس