اسرائیل کو مطلوب نوجوانوں کی تلاش کیلئے عباس ملیشیا بھی میدان میں آگئی
اشاعت کی تاریخ: 24th, January 2025 GMT
فلسطینی اتھارٹی کی وفادار سیکورٹی سروسز نے جنین بٹالین کے متعدد مزاحمت کاروں کو گرفتار کیا۔ ان کارکنوں کو اسرائیلی فوج بھی تلاش کر رہی ہے۔ اسلام ٹائمز۔ عباس ملیشیا صیہونی فوج کی وفادار بن گئی۔ تفصیلات کے مطابق فلسطینی اتھارٹی کی وفادار سیکورٹی سروسز نے جنین بٹالین کے متعدد مزاحمت کاروں کو گرفتار کیا۔ ان کارکنوں کو اسرائیلی فوج بھی تلاش کر رہی ہے۔ دوسری طرف عباس ملیشیا نے گرفتار فلسطینی شہریوں پر تشدد کیا اور ان کے ساتھ منظم بدسلوکی کی گئی۔ عباس ملیشیا کی سکیورٹی فورسز کی طرف سے شائع کی گئی تصاویر میں مزاحمتی کارکنوں کو گرفتاری کے بعد دکھایا گیا ہے، ان کے جسموں پر مار پیٹ اور تشدد کے نشانات ہیں، جب کہ ان کے کپڑے بھی اتار کر انہیں برہنہ کر دیا گیا ہے۔ جنین بٹالین نے کہا کہ اتھارٹی کی ملیشیا نے قابض افواج کے ساتھ اپنا مشترکہ مشن جاری رکتھے ہوئے مزاحمت کاروں کا تعاقب کیا۔ عباس ملیشیا نے جنین میں ایک گھر پر بھی چھاپہ مارا، شہر کے جنوب میں واقع گاؤں مثلث الشہدا میں ایک چوکی قائم کی، اور ایک رہائشی عمارت کے دروازے توڑ دیے، اس پر دھاوا بول دیا اور مزاحمت کاروں کی تلاش شروع کی۔
مقامی ذرائع نے اطلاع دی ہے کہ فلسطینی اتھارٹی کی فورسز نے جنین کے دیہات میں اپنی موجودگی بڑھا دی ہے اور شہریوں کی گاڑیوں کا استعمال کرتے ہوئے قابض فوج کو مطلوب افراد کا تعاقب کیا ہے۔ جنین بٹالین کے زیر حراست افراد میں محمد الحسری، صہیب الحسن اور سمر مراد شامل ہیں۔ جنین میں اسرائیلی فوجی آپریشن کے آغاز کے بعد سے، پی اے فورسز نے شہر میں مزاحمتی جنگجوؤں اور جوانوں کا تعاقب تیز کر دیا ہے، اور 30 سے زائد نوجوانوں کو گرفتار کیا ہے۔ ان کی شناخت مصعب الدمج، أحمد أبو عميرة، واثق أسامة اغبارية، يوسف درويش، محمود أبو نحل، فادي وهدان، ريان الصفوري، محمود الالوب، جعفر عرعراوي، عمر حماد، محمود النبهان، حسان البدي، سعيد عود، قيس جبارين، احمد جعايصة، أحمد السعدي، محمود الدبعي، محمد ابو عميرة، احمد أبو سرايا، محمد أبو طبيخ، محمد سوقية، إبراهيم أبو عزيز، طارق البلو ، عدي جعايصة، محمود العامر، جهاد طالب، اور صهيب تركمان کے ناموں سے کی گئی ہے۔
ذریعہ: Islam Times
کلیدی لفظ: مزاحمت کاروں عباس ملیشیا اتھارٹی کی کو گرفتار
پڑھیں:
جنگ بندی معاہدے کے باوجود اسرائیل کی وحشیانہ کارروائیاں جاری، مزید 9 فلسطینی شہید
جنگ بندی معاہدے کے باوجود اسرائیل کی وحشیانہ کارروائیاں جاری ہیں جب کہ تازہ ترین حملے میں مزید 9 فلسطینی شہید اور متعدد زخمی ہوگئے۔
غیر ملکی خبر رساں ادارے رائٹرز کی رپورٹ کے مطابق اسرائیلی سیکیورٹی فورسز نے ہیلی کاپٹروں کی مدد سے مغربی کنارے کے شہر جنین پر حملہ کیا جس میں کم از کم 9 فلسطینی شہید ہوگئے جب کہ وزیر اعظم بنجمن نیتن یاہو نے حملے کو بڑا اور اہم فوجی آپریشن قرار دیا۔
یہ کارروائی ایسے وقت میں کی گئی جب کہ امریکی صدر ڈونلڈ ٹرمپ نے ایک روز قبل اعلان کیا کہ وہ فلسطینی دیہاتوں پر حملہ کرنے والے قوم پرست اسرائیلی آباد کاروں پر سے پابندیاں ہٹا رہے ہیں جب کہ نیتن یاہو نے حملے کو جنگجوؤں کے خلف نئی کارروائی قرار دیا۔
فلسطینی ہیلتھ سروسز کا کہنا ہے کہ اسرائیلی حملے میں کم از کم 9 فلسطینی شہید اور 35 زخمی ہوئے۔
ایک ہفتہ قبل جنین پناہ گزین کیمپ میں اسرائیلی فضائی حملے میں کم از کم 3 فلسطینی شہید اور درجنوں زخمی ہوئے تھے۔
نیتن یاہو نے کہا کہ ہم ایرانی گٹھ جوڑ کے خلاف منظم طریقے سے اور مضبوطی سے کارروائیاں کر رہے ہیں، وہ گٹھ جوڑ چاہے غزہ، لبنان، شام اوریجن ہو یا یہودیہ اور سامریہ میں ہو، یہودیہ اور سامریہ کی اصطلاحات ہیں اسرائیل مقبوضہ مغربی کنارے کے لیے استعمال کرتا ہے۔
محمد رضوان اور سعود شکیل کی پارٹنرشپ اہم تھی، میچ جیتنےپر شان مسعود کی گفتگو