اسٹریٹ اسکول کا بچوں کو تعلیم کی جانب راغب کرنے کا کارگر انداز
اشاعت کی تاریخ: 24th, January 2025 GMT
دنیا بھر میں تعلیم کا عالمی دن ہر سال 24 جنوری کو منایا جاتا ہے تاکہ تعلیم کی اہمیت کو اجاگر کیا جا سکے اور ہر فرد تک اس کی رسائی یقینی بنانے کی اہمیت پر زور دیا جا سکے۔
یہ دن عالمی سطح پر اس بات کو تسلیم کرنے کا موقع فراہم کرتا ہے کہ تعلیم ایک بنیادی حق ہے اور ہر انسان کو معیاری تعلیم تک رسائی ہونی چاہیے۔ اس دن کا مقصد نہ صرف تعلیمی معیار کو بہتر بنانا ہے بلکہ تعلیمی فرق کو کم کر کے ایک مساوی اور انصاف پر مبنی معاشرہ تشکیل دینا بھی ہے۔
یہ بھی پڑھیں: کراچی کا وہ اسکول جہاں بچے تعلیم کے ساتھ ساتھ پیسہ بھی کماتے ہیں
کاروان مدبر ایک ایسا ادارہ ہے جو پاکستان میں تعلیم کی رسائی کو ان افراد کے لیے آسان بنا رہا ہے جو مختلف وجوہات کی بنا پر تعلیم حاصل نہیں کر سکتے یا وہ بچے جو تعلیم میں دلچسپی نہیں لیتے۔ یہ بچے عموماً متوسط یا بے گھر طبقے سے تعلق رکھتے ہیں۔
عبداللہ کاروان مدبر میں اسٹریٹ اسکول کے ہیڈ ہیں۔ انہوں نے وی نیوز سے گفتگو کرتے ہوئے بتایا کہ یہ پروجیکٹ تقریباً 4 سال پہلے شروع کیا گیا تھا اور اس کا مقصد بچوں کو کھیل کے ذریعے تعلیم کی طرف راغب کرنا تھا تاکہ وہ پڑھائی کو کھیل کی صورت میں دیکھیں اور اس میں دلچسپی لیں۔
انہوں نے کہا کہ ہم بچوں کو کھیل کھیل میں تعلیم دیتے ہیں جس سے وہ خوشی سے روز آنا شروع کرتے ہیں۔ انہوں نے مزید کہا کہ اس کے بعد ہم انہیں بنیادی تعلیم دیتے ہیں تاکہ جب ہم انہیں اسکولوں میں داخل کرائیں تو وہ بآسانی ٹیسٹ پاس کر سکیں۔
مزید پڑھیے: ملک بھر میں گرلز اسکولوں کی صورتحال، تلخ حقائق کیا ہیں؟
اب تک اس پروجیکٹ کے ذریعے 100 سے زیادہ بچوں کو بنیادی تعلیم فراہم کی جا چکی ہے اور انہیں مختلف مدرسوں اور اسکولوں میں داخلے دلوائے گئے ہیں۔ اس وقت بھی 30 سے 40 بچے تعلیم حاصل کر رہے ہیں جنہیں مختلف گروپوں میں تقسیم کر کے خصوصی توجہ دی جا رہی ہے تاکہ ہر بچے پر بہتر طریقے سے توجہ دی جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹریٹ اسکول بے گھر بچے تعلیم کا عالمی دن کاروان مدبر.ذریعہ: WE News
کلیدی لفظ: اسٹریٹ اسکول بے گھر بچے تعلیم کا عالمی دن کاروان مدبر تعلیم کی بچوں کو
پڑھیں:
پرچہ آؤٹ کی تحقیقات میں نظر انداز کرنے پر آئی بی سی سی کیمرج پر برہم، فوری جواب طلب
علامتی فوٹوانٹر بورڈ کوآرڈینیشن کمیٹی (آئی بی سی سی) نے گزشتہ برس کیمبرج انٹرنیشنل کے امتحانات میں ریاضی کا پرچہ آؤٹ ہونے والی تحقیقات اور سزائیں دینے پر آئی بی سی سی کو نظرانداز کرنے پر سخت برہمی کا اظہار کرتے ہوئے تحقیقات، نتائج اور رپورٹ کی بنیاد پر کیے گئے اقدامات کی تفصیلات فوری طلب کرلی ہیں۔
آئی بی سی سی کے ڈائریکٹر عمار حسین گیلانی کی جانب سے کیمبرج انٹرنیشنل کی ملکی ڈائریکٹر عظمیٰ یوسف کو لکھے گئے خط میں کہا گیا ہے کہ آپ سے ریاضی کے 9709 پیپر کے مبینہ لیک ہونے کی مکمل تحقیقات کرنے کی درخواست کی گئی تھی، مستقبل میں ایسے واقعات کو روکنے کےلیے کیے گئے کسی بھی اصلاحی اقدامات سمیت نتائج پر ایک جامع رپورٹ فراہم کریں۔
اس میں مزید کہا گیا کہ تاہم آپ کی طرف سے 15 مئی 2024 کو موصول ہونے والے جواب میں، یہ اطلاع دی گئی تھی کہ کیمبرج مبینہ لیک کے بارے میں خدشات کی تحقیقات کر رہا ہے اور تحقیقات مکمل ہونے اور فیصلہ آنے کے بعد جواب کے ساتھ اپ ڈیٹ کرے گا۔ تاہم مسلسل یاد دہانیوں کے باوجود ایسی کوئی رپورٹ شیئر نہیں کی گئی۔
خط میں تحریر کیا گیا کہ 2025 کے مقدمہ نمبر 13 میں سندھ ہائی کورٹ کے نوٹس کے ذریعے یہ جان کر حیرت ہوئی کہ نہ صرف تحقیقات مکمل ہوئیں بلکہ شناخت شدہ افراد کو سزائیں بھی دی گئیں۔ درخواست گزار نے یہ بھی سوال کیا ہے کہ آئی بی سی سی ایک ریگولیٹر ہونے کے باوجود انکوائری کا حصہ کیوں نہیں تھا اور اس بات پر روشنی ڈالی ہے کہ انکوائری مکمل کرنے کے بعد بھی آئی بی سی سی کو اعتماد میں نہیں لیا گیا اور اسے تحقیقات کے نتائج سے آگاہ نہیں کیا گیا۔
خط میں کہا گیا ہے آج بی سی سی کو مطلوبہ معلومات فراہم کرنے میں مسلسل عدم تعاون کا مسئلہ اہم خدشات کو جنم دیتا ہے، خاص طور پر جب آئی بی سی سی کو ایسی معلومات قومی اعلیٰ فورمز پر پیش کرنے کی ضرورت ہوتی ہے۔ اگر غیر ملکی امتحانی بورڈ جیسے کیمبرج انٹرنیشنل ایگزامینیشنز اس کی تعمیل نہیں کرتے ہیں، تو اس کے نتیجے میں سنگین ریگولیٹری اور آپریشنل نتائج برآمد ہو سکتے ہیں، جو ممکنہ طور پر ان کی پاکستان میں کام کرنے کی صلاحیت کو متاثر کر سکتے ہیں لہٰذا، کیمبرج کے بہترین مفاد میں، یہ مشورہ دیا جاتا ہے کہ تحقیقات، نتائج اور رپورٹ کی بنیاد پر کیے گئے کسی بھی اقدام کی تفصیلات 23 جنوری 2025 سے پہلے عدالت میں بہتر نمائندگی کے لیے شیئر کریں۔
سجاول: سنی رابطہ کونسل کی جانب سے شان امیر معاویہ ؓکے عنوان سے پروگراموں کا انعقاد