بھارت مقبوضہ کشمیر میں اوچھے ہتھکنڈے استمال کر رہا ہے، چوہدری خلیل
اشاعت کی تاریخ: 24th, January 2025 GMT
میڈیا سے گفتگو میں ان کا کہنا تھا کہ ہم پاکستانی بھائیوں کے مشکور ہیں جو ہر موقع پر ہمارے ساتھ اظہار یکجہتی کرتے اور ہر میدان میں ہمارا ساتھ دیتے ہیں۔ اسلام ٹائمز۔ کشمیری رہنما چوہدری خلیل احمد موتلا جویلی نے مقبوضہ کشمیر میں بھارت کے غیر قانونی اقدامات کی مذمت کرتے ہوئے کہا ہے کہ بھارت مقبوضہ کشمیر میں اوچھے ہتھکنڈے استمال کر رہا ہے۔ ان کا کہنا تھا کہ بھارتی آرمی چیف کا پاکستان مخالف بیان مودی کے ناکام دورہ مقبوضہ جموں کشمیر سے توجہ ہٹانے کی کوشش ہے۔ میڈیا سے گفتگو میں ان کا کہنا تھا کہ ہم 26 جنوری اور پانچ فروری کو یورپی رہنماؤں اور عوام پر عیاں کریں گے کہ بھارت مقبوضہ کشمیر پر غاصابہ قبضہ کو برقرار رکھنے اور کشمیر کی قانونی حثیت تبدیل کرنے کے لئے یہ اوچھے ہتھکنڈے استمال کر رہا ہے۔ انھوں نے کہا ہم پاکستانی بھائیوں کے مشکور ہیں جو ہر موقع پر ہمارے ساتھ اظہار یکجہتی کرتے اور ہر میدان میں ہمارا ساتھ دیتے ہیں۔ کشمیری رہنما نے کہا کہ مقبوضہ جموں و کشمیر میں گھر گھر تلاشی اور ظلم و ستم جاری ہے، بھارتی آرمی چیف کا بیان بھارت کے پٹے ہوئے مؤقف کے مردہ گھوڑے میں جان ڈالنے کی ناکام مشق ہے۔
.ذریعہ: Islam Times
پڑھیں:
پہلگام واقعہ کی آڑ میں بھارت نے مقبوضہ کشمیر میں ظلم و بربریت میں مزید اضافہ کر دیا ہے؛ صدر آزاد کشمیر
سٹی 42 : صدر آزاد جموں وکشمیر بیرسٹر سلطان محمود نے کہا ہے کہ بھارت پہلگام میں فالس فلیگ آپریشن کے واقعہ کو بنیاد بنا کر مقبوضہ کشمیر میں کشمیریوں پر ڈھائے جانے والے مظالم کو چھپا کر دنیا کے سامنے اپنے آپ کو امن پسند ظاہر کر رہا ہے لیکن حقیقت یہ ہے کہ پہلگام واقعہ کی آڑ میں بھارت نے مقبوضہ کشمیر میں کشمیریوں پر ظلم و بربریت میں مزید اضافہ کر دیا ہے۔
ان خیالات کا اظہار صدر آزادجموں وکشمیر بیرسٹر سلطان محمود چوہدری نے آج یہاں ایوان صدر کشمیر ہاؤس اسلام آباد میں بین الاقوامی خبر رساں ادارے رائٹرز (REUTERS) کو ایک خصوصی انٹرویو دیتے ہوئے کیا۔ اس موقع پر صدر آزادجموں وکشمیر نے بین الاقوامی خبر رساں ادارے رائٹرز(REUTERS) کی سینئر نمائندہ چارلوٹ گرین فیلڈ(Charlote Greenfield)کے مختلف سوالات کے جواب میں کہا کہ بھارت کینیڈا، پاکستان اور دیگر ممالک میں دہشت گردی کی کارروائیوں میں ملوث ہے جس سے بھارت ایک عالمی دہشت گرد کے طور پر دنیا کے سامنے آیا ہے۔
بس سٹاپس پر پنکھوں، الیکٹرک واٹر کولر کی چوری کو روکنے کا نیا حل
بیرسٹر سلطان محمود چوہدری نے ایک سوال کے جواب میں کہا کہ امریکہ، برطانیہ، سعودی عرب، متحدہ عرب امارات، قطر سمیت دیگر دوست ممالک آگے بڑھیں اور پاک بھارت کشیدگی کو کم کرانے کے لئے اپنا کردار ادا کریں۔ کیونکہ عالمی برادری کو اس معاملے کی سنگینی کو بھانپنا چاہیے اور خطے میں قیام امن کے لئے آگے بڑھ کر اپنا کردار ادا کرنا چاہیے۔ انہوں نے کہا کہ بھارت نے پہلگام واقعہ کے چند منٹ بعد ہی بغیر کسی ثبوت کے اس کا الزام پاکستان پر عائد کر دیا تھا کیونکہ بغیر ثبوت کے دنیا کی کوئی بھی قوم یا ملک ایسے بے بنیاد الزامات کو تسلیم کرنے کے لئے تیار نہیں ہے۔ انہوں نے کہا کہ بھارت نے پہلگام واقعہ کے بعد انڈس واٹر ٹریٹی کو منسوخ کر کے آبی جارحیت شروع کی اور دریا جہلم میں پانی چھوڑ دیاگیا۔ اسی طرح بھارت نے ہندوستان کے ہسپتالوں میں زیر علاج مریضوں کے ویزے کینسل کر کے انہیں پاکستان بھیجنے کا حکم دے دیا یہ سب اقدامات بھارتی جارحیت اور ہندوتوا نظریے کی عکاسی کرتے ہیں جس سے دنیا بخوبی آگاہ ہے۔
پاکستان ائیر فورس کی بروقت کارروائی،بھارتی رافیل طیارے راہ فرار اختیار کر گئے
انہوں نے کہا کہ بھارت نے 5اگست2019کومقبوضہ کشمیر کی خصوصی حیثیت کو ختم کر کے آرٹیکل 370اور 35-Aکو منسوخ کر دیا اس کے ساتھ ہی مقبوضہ کشمیر کے اندر ظلم و بربریت کے ایک سخت اور بدترین دور کا آغاز کرتے ہوئے کشمیریوں کو اُن کی ہی سرزمین سے بے دخل کردیا گیا اور مقبوضہ کشمیر میں انسانی حقوق کی دھجیاں بکھیری گئیں جو کہ عالمی قانون کی صریحاً خلاف ورزی ہے اور اقوام متحدہ کی کشمیر پر قراردادوں کے مغائر ہے۔
بولنا مجھے بھی آتا ہے لیکن بڑوں نے عزت کرنا سکھایا ہے: بابر اعظم
پاکستان کا دورہ کرکے جانیوالے امریکی رکن کانگریس کا عمران خان کی رہائی کا مطالبہ