حکومت بھی ذرا اپنے کرتوتوں پر غور کرے، رؤف حسین
اشاعت کی تاریخ: 24th, January 2025 GMT
اسلام آباد:
رہنما پی ٹی آئی رؤف حسن کا کہنا ہے کہ میں گورنمنٹ سے کہوں گا کہ وہ بھی ذرا اپنی کرتوتوں پر غور کریں، جو کام ایک دن میں ہونا چاہیے وہ ایک مہینہ تو لیٹ نہیں ہونا چاہیے، ان کے اندر سے ہی ان کے جو بیانات آتے رہتے ہیںکہ مذاکرات کو بند کر دیں کبھی کہتے ہیں ایک ہفتہ اور لگے گا۔
ایکسپریس نیوز کے پروگرام سینٹر اسٹیج میں گفتگو کرتے ہوئے انھوں نے کہا کہ آپ کے سوال کے جواب میں کہ کیا اس پر غور ہو سکتا ہے میرا خیال ہے کہ یہ براہ راست منسلک ہے حکومتی وفد کے کنٹیکٹ کے ساتھ کہ وہ کیا کرتے ہیں۔
حکومتی مذاکراتی کمیٹی کے رکن اعجاز الحق نے کہا کہ پی ٹی آئی کے مذاکرات ختم کرنے پر مجھے تو خاص طور اس پر افسوس ہوا ہے، بڑی سنجیدگی اور محنت کے ساتھ اس سارے پراسیس کو لے کر چل رہے تھے، یہ میٹنگ میں طے ہوا تھا کہ 7 ورکنگ ڈیز کے اندر جواب دیا جائے گا
جو 28 جنوری2025 کو پورے ہو رہے تھے، اس پر بڑی واضح گفتگو ہوئی اور بار بار جو مشترکہ پریس ریلیز تھا اسے پڑھا گیا اس میں بار بار تبدیلی کروائی گئی۔
گروپ ایڈیٹر ایکسپرس ایاز خان کا پیکا ایکٹ کے حوالے سے کہنا تھا کہ پیکا کا ایشو 2016سے چل رہا ہے، پہلے آرڈیننس تھا، مسلم لیگ (ن) کے دور میں جاری ہوا تھا، مریم اورنگزیب بڑے خشوع وخضوع سے قانون بنوانا چاہ رہی تھیں، پی ٹی آئی کا دور آگیا، فواد چوہدری اسی کام پر لگے ہوئے تھے ان سے بھی ہماری میٹنگز ہوئیں کچھ چیزوں پر اختلاف ہوا۔
ایک سوال پر انھوں نے کہا کہ ایشو یہ ہوتا ہے کہ کچھ چیزیں ایسی ہوتی ہیں ظاہر ہے جس پر آپ کا اختلاف تو ہوتا ہے اس میں کوئی شک نہیں کہ سوشل میڈیا کو ریگولیٹ تو کرنا ہے انھوں نے بہت لیٹ کر دیا ہے بہت پہلے کرنا چاہیے تھا، یہ صرف ایک سائڈ کا ایشو نہیں ہے دونوں سائڈ کا ایشو ہے۔
.ذریعہ: Express News
پڑھیں:
ایلون مسک کو پاکستان سے معافی مانگنی چاہیے، سینیٹ کمیٹی
سینیٹ کی قائمہ کمیٹی برائے آئی ٹی اور ٹیلی کام نے ٹیکنالوجی کمپنی اسپیس ایکس کے سی ای او ایلون مسک پر پاکستان مخالف مؤقف اپنانے کا الزام عائد کیا ہے۔
سینیٹر پلوشہ خان کی زیر صدارت سینٹ کی قائمہ کمیٹی برائے انفارمیشن ٹیکنالوجی کا اجلاس ہوا جس میں سیٹلائٹ پالیسی کے حوالے سے بحث کی گئی، سینیٹر انوشے رحمان نے کہا کہ پی ٹی اے کے مطابق سیٹلائٹ پالیسی نگراں حکومت کے دور میں دی گئی۔
یہ بھی پڑھیں: ایلون مسک کے ممکنہ طور پر ٹک ٹاک خریدنے پر ٹرمپ نے کیا کہا؟
اجلاس میں مسلم لیگ ن کے سینیٹر افنان اللہ خان نے ایلوں مسک پر الزام لگایا کہ وہ پاکستان کے خلاف جھوٹے بیانیے کو آگے بڑھانے کے لیے پاکستان کے خلاف بھارت کا ساتھ دے رہے ہیں۔ افنان اللہ خان نے مطالبہ کیا کہ اسٹارلنک کو پاکستان میں لانچ کرنے کی اجازت ایلون مسک کی پاکستان سے معافی مانگنے سے مشروط کی جائے، ایلون مسک کے تبصرے گمراہ کن تھے۔
چیئرمین پاکستان ٹیلی کمیونیکیشن اتھارٹی (پی ٹی اے) میجر جنرل (ر) حفیظ الرحمان نے واضح کیا کہ اسٹار لنک انٹرنیٹ کو اس وقت تک لائسنس نہیں مل سکتا جب تک حکومت سیکیورٹی کلیئرنس نہیں دیتی۔
یہ بھی پڑھیں: ’ ایلون مسک کیا آپ ہمارا مقابلہ کرسکتے ہیں‘ ٹیسلا کا ٹرک پاکستان کی سڑکوں پر، ویڈیو وائرل
انہوں نے کمیٹی کو آگاہ کیا کہ اسٹارلنک صرف اس وقت پاکستان آئے گا جب اس کے آپریشنز حکومتی پالیسیوں کے مطابق ہوں گے اور مقررہ گیٹ ویز کے ذریعے پاکستان میں لانچ کیا جائے گا، انہوں نے یہ بھی یقین دہانی کرائی کہ اسٹار لنک نے پاکستان کے انٹرنیٹ سسٹم کو نظرانداز نہ کرنے کا عہد کیا ہے۔
چیئرمین پی ٹی اے نے کہا کہ پاکستان میں سیٹلائٹ انٹرنیٹ سروس کی فراہمی کے لیے سب سے پہلے ایس ای سی پی میں رجسٹریشن ضروری ہے، اسٹار لنک نے 24 فروری 2022 میں پی ٹی اے کے پاس اپلائی کیا تھا لیکن پی ٹی اے نے معاملہ سیکیورٹی کلیئرنس کے لیے وزارت داخلہ کو بھجوا دیا تھا، اسٹار لنک کا معاملہ اب نئی اتھارٹی پی اے ایس آر بی کے پاس ہے جس کی منظوری کے بعد پی ٹی اے سٹار لنک کو لائسنس جاری کرے گا۔
یہ بھی پڑھیں: ایلون مسک کی اسٹار لنک پاکستان آ رہی ہے؟
پی ٹی اے کے چیئرمین نے کہا کہ سیٹلائٹ انٹرنیٹ اور دیگر لو ارتھ آربٹ (ایل ای او) خدمات کی نگرانی کے لیے ایک وقف اسپیس ریگولیٹری اتھارٹی قائم کی گئی ہے، اسٹینڈنگ کمیٹی نے اسپیس ریگولیٹری اتھارٹی سے اگلی میٹنگ میں اسٹار لنک کے لائسنسنگ اور خلائی پالیسی کے دیگر خدشات کو دور کرنے کے لیے تفصیلی بریفنگ کی درخواست کی۔
ایک قانون ساز نے اسٹار لنک کے رجسٹری میکنزم اور زیر التوا سیکیورٹی کلیئرنس کی حیثیت پر سوال اٹھایا، انہوں نے پی ای سی اے قانون سمیت اپنی ذمہ داریاں وزارت داخلہ کو سونپنے پر وزارت آئی ٹی پر بھی تنقید کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسٹار لنک ایلون مسک پاکستان سینیٹ سینیٹر افنان اللہ
بشریٰ انصاری کو نئی ویڈیو پر کڑی تنقید کا سامنا