سڑک کسی کے باپ کی نہیں ہے، ہم پھر اسلام آباد آئیں گے
اشاعت کی تاریخ: 23rd, January 2025 GMT
اسلام آباد ( اردوپوائنٹ اخبار تازہ ترین ۔ 23 جنوری 2025ء ) صاحبزادہ حامد رضا کا کہنا ہے کہ سڑک کسی کے باپ کی نہیں ہے، ہم پھر اسلام آباد آئیں گے۔ تفصیلات کے مطابق نجی ٹی وی چینل اے آر وائی نیوز سے گفتگو کرتے ہوئے سنی اتحاد کونسل کے سربراہ صاحبزادہ حامد رضا نے کہا کہ مذاکرات کے خاتمے کے بعد اب سڑکوں پر آئیں گے، سڑک کسی کے باپ کی نہیں ہے، ہم پھر اسلام آباد آئیں گے۔
اس دفعہ پارلیمینٹیرینز سب سے آگے ہوں گے، اگر یہ گولی چلانا چاہتے ہیں تو چلا لیں،مگر26 نومبر کے مِس فائر کا جو ردعمل آیا ہے اسکے بعد اس دفعہ گولی چل نہیں سکے گی۔ بعد ازاں صاحبزادہ حامد رضا نے جیو نیوز کے پروگرام میں گفتگو کرتے ہوئے کہا کہ حکومت کے ساتھ مذاکرات تقریبا ختم ہوگئے ہیں،بانی نے کہا کہ آج کی تاریخ میں اگر جوڈیشل کمیشن بنانے پر رضا مندی ظاہر نہیں کی جاتی تو مذاکرات ختم کردیں۔(جاری ہے)
کل گرفتاری کی کوشش ہوئی ، لیکن وہاں ہمارے دو اڑھائی ہزار بندے تھے ، مجھے کال آئی کہ سکیورٹی دینا چاہتے تھے۔9مئی کیس اگر اوپن اینڈ شٹ تھا تو عمران خان کودو منٹ میں سزا سنا دیتے۔ایک آدمی 9مئی کو ایک وقت میں 3جگہوں پر کیسے موجود ہوسکتا ہے؟مجھ پر 9کیسز ہیں۔ 9 مئی کو ڈیڑھ سال ہوگیا لیکن کتنے لوگوں کو ابھی تک سزا ہوئی؟پروگرام میں پاکستان مسلم لیگ ن کے مرکزی رہنماء سینیٹر طلال چوہدری نے کہاکہ صاحبزادہ حامد رضا کو اگر انتظامیہ نے گرفتار کرنا ہوتا تو کرلیتے ، جیسا کہ یہ کہتے ہیں کہ پہلے بھی یہاں سے گرفتاریاں ہوچکی ہیں، کل اگر ان کو گرفتار نہیں کرنا تھا تو اسی لئے گرفتار نہیں کیا۔ مذاکرات پر میں یہ کہوں گا کہ مذاکرات کے تین دور ہوئے، پہلی دو نشستوں میں پی ٹی آئی تحریری مطالبات نہیں دے سکی ، اب ہم نے 7 ورکنگ دن مانگے ہیں، جو کہ 28 جنوری کو بنتے ہیں، سات اتحادی جماعتیں ہیں، جنہوں نے اپنی جماعتوں اور قانون ماہرین سے مشاورت کرنی ہے۔ مذاکرات ختم کرنے کا مسئلہ کیا ہے ، یہ مذاکرات ست این آراو نکالنا چاہتے ہیں، وہ ملتا نظر نہیں آرہا، بانی نے بجلی گیس کی قیمتوں میں کمی یا دہشتگردی کیخلاف لڑنے کا نہیں کہا ، دو مطالبات تھے کہ معافی ۔ این آراو اس لئے مانگ رہے کہ یہ اوپن اینڈ شٹ کیسز ہیں، ان کو پتا ہے کہ 9 مئی یا 190ملین پاؤنڈ کیسز سے نہیں بچ سکتے۔.ذریعہ: UrduPoint
کلیدی لفظ: تلاش کیجئے اسلام آباد آئیں گے
پڑھیں:
پی ایس ایل: یونائیٹڈ نے زلمی کو 102رنز سے ہرادیا
راولپنڈی (نیوزڈیسک)پاکستان سپر لیگ (پی ایس ایل) 10 کے پانچویں میچ میں اسلام آباد یونائیٹڈ نے پشاور زلمی کو 102رنز سے ہرا دیا۔ پشاور زلمی کی ٹیم 243 رنز کے جواب میں 141 رنز بناکر آؤٹ ہوگئی۔
پشاور زلمی کے محمدحارث 87 رنز کے ساتھ نمایاں رہے۔
اسلام آباد یونائیٹڈ کے 2 میچز میں 4 پوائنٹس ہوگئے، جبکہ پشاور زلمی اپنی پہلی جیت کی منتظر ہے۔
اس سے قبل صاحبزادہ فرحان کی دھواں دار سنچری کی مدد سے پشاور زلمی کو جیت کےلیے 244 رنز کا پہاڑ جیسا ہدف دیا تھا۔
پنڈی کرکٹ اسٹیڈیم میں کھیلے گئے میچ میں اسلام آباد یونائیٹڈ نے ٹاس جیت کر پہلے بیٹنگ کرنے فیصلہ کیا اور پہلے بیٹنگ کرتے ہوئے 5 وکٹوں پر 243 رنز کا ٹوٹل بورڈ پر سجایا۔
دفاعی چیمپئن ٹیم کی پہلی وکٹ تو 9 رنز پر گرگئی، لیکن دوسری وکٹ پر صاحبزادہ فرحان اور کولن منرو کے درمیان 144 رنز کی برق رفتار پارٹنرشپ بنی جس نے ٹیم کے لیے بڑے ٹوٹل کی بنیاد رکھی۔
صاحبزادہ فرحان نے پی ایس ایل میں اپنی پہلی سنچری بنائی، وہ 52 گیندوں پر 106 رنز بنا کر آؤٹ ہوئے۔ انکی اننگز میں 5 چھکے اور 13 چوکے شامل تھے۔
کولن منرو 40، اعظم خان 16 اور سلمان علی آغا 30 رنز بنا کر آؤٹ ہوئے جبکہ جیسن ہولڈر 20 اور بین ڈورشیس 18 رنز بنا کر ناقابلِ شکست رہے۔
پشاور زلمی کی جانب سے حسین طلعت اور الزاری جوزف نے دو دو کھلاڑیوں کو آؤٹ کیا۔
پشاور زلمی کی ٹیم میں میکس برائینٹ کی جگہ جارج لنڈا کو شامل کیا گیا ہے جبکہ اسلام آباد یونائیٹڈ میں محمد شہزاد اور رائلی میریدتھ کی جگہ پر سعد مسعود اور بین ڈورشیس کو شامل کیا گیا تھا۔
اسلام آباد یونائیٹڈ کی ٹیم کپتان شاداب خان، کولن منرو، اینڈریس گاس، صاحبزادہ فرحان، سلمان علی آغا، اعظم خان، جیسن ہولڈر، عماد وسیم، سعد مسعود، نسیم شاہ اور بین ڈورشیس پر مشتمل تھی۔
پشاور زلمی کی کپتان بابر اعظم کر رہے ہیں جبکہ اسکے دیگر کھلاڑی صائم ایوب، محمد حارث، ٹام کوہلر کیڈمور، مچل اووین، حسین طلعت، جارج لِنڈا، الزاری جوزف، محمد علی، صفیان مقیم اور علی رضا شامل تھے۔
ایونٹ کے پہلے میچ میں اسلام آباد یونائیٹڈ نے لاہور قلندرز کو یکرفہ مقابلے کے بعد ہرادیا تھا۔ دوسری جانب پشاور زلمی کو ایونٹ کے اپنے پہلے میچ میں کوئٹہ گلیڈی ایٹرز کے ہاتھوں بھاری مارجن سے
شکست کا سامنا کرنا پڑا تھا
بانی پی ٹی آئی نے عالیہ حمزہ کو پنجاب میں فیصلوں کا اختیار دے دیا