ویسٹ انڈیز کیخلاف دوسرا ٹیسٹ میچ بھی جیتنے کیلئے میدان میں اتریں گے، سعود شکیل
اشاعت کی تاریخ: 23rd, January 2025 GMT
ملتان: پاکستان ٹیسٹ ٹیم کے نائب کپتان سعود شکیل نے کہا ہے کہ ویسٹ انڈیز کے خلاف دوسرا ٹیسٹ میچ بھی جیتنے کے لیے میدان میں اتریں گے۔
ملتان میں پریس کانفرنس کرتے ہوئے قومی ٹیسٹ ٹیم کے نائب کپتان کا کہنا تھا کہ ٹیسٹ میچ میں سب اہم چیز بڑا سکور کرنا ہوتا ہے، جب آپ اس طرح کی کنڈیشن میں بڑا اسکور کرنے میں کامیاب ہوجاتے ہیں تو میچ میں گرفت مضبوط ہوجاتی ہے۔
انہوں نے کہا کہ ویسٹ انڈیز کے خلاف پہلے ٹیسٹ میچ میں جیت کے بعد ڈریسنگ روم کا اس وقت ماحول بہت اچھا ہے اور ہم مہمان ٹیم کے خلاف دوسرے ٹیسٹ میچ میں بڑے اسکور کی اپروچ سے کھیلیں گے، کنڈیشن کو دیکھتے ہوئے اسکور کرنے کی کوشش کریں گے، ایسی پیچز پر 500 رنز کرنا مشکل ہوتا ہے لیکن 300 سے 400 کے درمیان رنز کرنے والی ٹیم میچ میں ان ہوتی ہے۔
آئی سی سی بیٹنگ رینکنگ میں ٹاپ ٹین میں موجود ہونے سے متعلق سوال پر ان کا کہنا تھا کہ ہمیشہ کوشش ہوتی ہے کہ میری کارکردگی سے ٹیم جیتے اور رینکنگ بھی بہتر کرنا ضروری ہوتا ہے لیکن اس کے ساتھ اگر ٹیم جیت بھی رہی ہے تو یہ میرے لیے سب سے اہم ہے اور میرا فوکس بھی اس پر ہے۔
سعود شکیل نے کہا کہ دوسرے ٹیسٹ میچ بھی جیتنے کے لیے پوری ٹیم پر امید ہے اور جب ٹیم جیت رہی ہوتی ہے تو یہی کوشش ہوتی ہے کہ اسی پلینگ الیون کو برقرار رکھا جائے لیکن پچ کی کنڈیشن اگر وہی ہوئی تو میرا نہیں خیال کہ کوئی تبدیلی کرنی کی ضرورت ہے، سب لڑکے کارکردگی دکھارہے ہیں۔
.ذریعہ: Jasarat News
کلیدی لفظ: ٹیسٹ میچ میچ میں ہوتی ہے
پڑھیں:
یونین کی محنت اجتماعی جدو جہد ہی کا نتیجہ ہے، شکیل شیخ
حیدرآباد (اسٹاف رپورٹر) ٹریڈ کارپوریشن ایمپلائز یونین سی بی اے کی الیکشن میں زبردست کامیابی اور چارٹر آف ڈیمانڈ کی منظوری پر نیشنل لیبر فیڈریشن کے صدر شکیل احمد شیخ ، این ایل ایف حیدرآباد زون کے صدر عبد القیوم بھٹی، سینئر نائب صدر مبین احمد راجپوت، سیکرٹری اعجاز حسین، انفارمیشن سیکرٹری محمد احسن شیخ اور دیگر نے سی بی اے یونین کے صدر محمد علی، جنر ل سیکرٹری فہیم عباسی کو شاندار کامیابی پر مبارکباد دیتے ہوئے کہا کہ آپکی محنت اور جدو جہد اور محنت کشوں کو درپیش مسائل کے حل کے سلسلے میں انتھک جدو جہد کرنے پر این ایل ایف خراج تحسین پیش کرتی ہے۔ اس موقع پر شکیل احمد شیخ نے خطاب کرتے ہوئے کہا کہ یونین کی محنت اور اجتماعی جدو جہد ہی کا نتیجہ ہے کہ انتظامیہ کی جانب سے چارٹر آف ڈیمانڈ جو کہ محنت کشوں کے معاملات اور مراعات کے سلسلے میں پیش رفت ہے اس کو پایا تکمیل کو پہنچنے پر بھی انتظامیہ کا بھی اعتماد یونین کو حاصل ہے ٹریٹ کارپوریشن ایمپلائز یونین سی بی اے ایک تاریخ ساز ریکارڈ رکھتی ہے اور حیدرآباد کی قدیم یونین ہونے کا اعزاز بھی اس یونین کو حاصل ہے موجودہ قیادت ، موجودہ صدر محمد علی اور جنرل سیکرٹری فہیم عباسی کی قیادت میں سی بی اے یونین ملازمین کے بہتر مستقبل کے لیے بھی کوشاں ہے۔
موجودہ ‘ڈمی’ اسمبلی میں بیٹھنے میں کوئی دلچسپی نہیں، مولانا فضل الرحمان