انٹرنیشنل کرکٹ کونسل ایوارڈز کا اعلان 24 سے 28 جنوری تک ہوگا
اشاعت کی تاریخ: 23rd, January 2025 GMT
انٹرنیشنل کرکٹ کونسل (آئی سی سی) نے اپنے سالانہ ایوارڈز کی تاریخوں کا اعلان کر دیا ہے جو 24 سے 28 جنوری کے درمیان ہوں گے۔
انٹرنیشنل کرکٹ کونسل کے مطابق مختلف کیٹیگریز میں ایوارڈز کی تقریب میں 24 جنوری کو ون ڈے اور ٹیسٹ کرکٹ کی بہترین ٹیموں کا اعلان کیا جائے گا۔
آئی سی سی نے بتایا کہ 25 جنوری کو ٹی 20 ٹیم آف دی ایئر اور بہترین کھلاڑیوں کے نام سامنے آئیں گے۔
رپورٹ کے مطابق آئی سی سی کے ایوارڈز کا سلسلہ 26 جنوری کو امپائر آف دی ایئر اور ایمرجنگ پلیئر آف دی ایئر کے انتخاب کے ساتھ جاری رہے گا۔
آئی سی سی کے مطابق 27 جنوری کو ون ڈے اور ٹیسٹ کرکٹ کے بہترین کھلاڑیوں کا اعلان ہوگا۔
رپورٹ کے مطابق ایوارڈز کی اختتامی تقریب 28 جنوری کو منعقد ہو گی، جس میں مینز اور ویمنز کرکٹر آف دی ایئر کے نام سامنے آئیں گے۔
.ذریعہ: Jasarat News
کلیدی لفظ: آف دی ایئر کا اعلان کے مطابق جنوری کو
پڑھیں:
سندھ کے بی فیڈر،ایک ارب روپے کے ٹھیکے من پسند ٹھیکیداروں کو جاری
پروکیورمنٹ کمیٹی کا بولی واپس لینے کا دعویٰ بالکل غلط قرار ، ٹھیکے من پسند وں کو عجلت میں جاری کئے گئے
کینال کی پشتوں اور پلوں کی تعمیر کے ایک ارب روپے کے تین ٹھیکوں کی ٹرانسپرنسی انٹرنیشنل کو شکایت
کراچی کو پانی فراہم کرنے والے کے بی فیڈر کی ری ماڈلنگ، کینال کی پشتوں اور پلوں کی تعمیر کے ایک ارب روپے کے تین ٹھیکے من پسند ٹھیکیداروں کو جاری، سیپرا میں نظرثانی درخواست دائر، ٹرانسپرنسی انٹرنیشنل کو بھی شکایت موصول، نیب اور اینٹی کرپشن سندھ کو انکوائری کی سفارش۔ جرأت کی رپورٹ کے مطابق کراچی کو پانی کینجھر جھیل کے ذریعے فراہم ہوتا ہے اور دریائے سندھ سے پانی کلری بگھار (کے بی فیڈر) کینال کے ذریعے پہنچایا جاتا ہے ، ضلع ٹھٹھہ کی تحصیل میرپور ساکرو کی حدود میں کے بی فیڈر پر مختلف برجز (پلوں) کی تعمیر کا 9کروڑ روپے کا ٹھیکہ جاری انٹرنیشنل، کے بی فیڈر کے پشتوں کو مضبوط کرنے کا 52 کروڑ روپے کا ٹھیکہ 52 کروڑ 90 لاکھ روپے کا ٹھیکہ گل ٹریڈرز اور کے بی فیڈر کی آر ڈی 103 سے ری ماڈلنگ کا 56 کروڑ روپے کا ٹھیکہ ایچ بی ای ایس اینڈ کمپنی کو جاری کیا گیا ہے ۔ ٹھیکوں کی بولی میں شامل میسرز ابڑا کنسٹرکشن کمپنی نے ٹرانسپرنسی انٹرنیشنل کو شکایت کی ہے ، ٹرانسپرنسی انٹرنیشنل نے شکایت کا مکمل طور جائزہ لینے کے بعد شکایت وزیراعلیٰ سندھ مراد علی شاہ کو ارسال کی ہے ۔ میسرز ابڑا کنسٹرکشن کمپنی کے مطابق ایگزیکٹو انجینئر میرپور ساکرو ڈویژن محمد اقبال بلوچ، اسسٹنٹ ایگزیکٹو انجینئر دیدار علی بلیدی اور اسسٹنٹ ایگزیکٹو انجینئر نبی بخش شاہ پر مشتمل پروکیورمنٹ کمیٹی نے دعویٰ کیا ہے کہ ہم نے بولی واپس لے لی ہے جو کہ بالکل غلط ہے ، ٹھیکے من پسند ٹھیکیداروں کو عجلت میں جاری کئے گئے ہیں، سیپرا میں نظرثانی درخواست دائر کی ہے اور سیپرا کے فیصلے کا انتظار ہے ، نیب اور اینٹی کرپشن سندھ کے بی فیڈر پر ایک ارب روپے کے ٹھیکے من پسند ٹھیکیداروں کو جاری کرنے کی انکوائری کریں۔
پارٹی رہنماوں کے ایک دوسرے پر الزامات، عمران خان نے وارننگ دیدی