میٹا کا واٹس ایپ میں ایک بڑی تبدیلی کرنے کا اعلان
اشاعت کی تاریخ: 23rd, January 2025 GMT
میٹا نے میسیجنگ ایپلیکیشن واٹس ایپ میں ایک اہم تبدیلی کا اعلان کیا ہے۔
اس تبدیلی کے تحت صارفین اپنے واٹس ایپ اکاؤنٹس کو اکاؤنٹس سینٹر میں شامل کر سکیں گے، میٹا کا اکاؤنٹس سینٹر ایک مرکزی پلیٹ فارم کے طور پر کام کرتا ہے، جہاں فیس بک، انسٹاگرام اور میٹا کے دیگر اکاؤنٹس کو بھی ایک ہی جگہ سے منظم کیا جا سکتا ہے۔
واٹس ایپ کے اس سینٹر میں شامل ہونے سے صارفین کو یہ فائدہ ہوگا کہ وہ اپنے واٹس ایپ اسٹیٹس کو فیس بک اور انسٹاگرام پر بھی باآسانی کراس پوسٹ کر سکیں گے۔ اس کا مطلب یہ ہے کہ اب انہیں اپنے واٹس ایپ اسٹیٹس کو الگ سے فیس بک یا انسٹاگرام پر پوسٹ کرنے کی ضرورت نہیں پڑے گی۔
رپورٹس کے مطابق ایک نیا سنگل سائن ان فیچر متعارف کرایا جا رہا ہے، جس کی بدولت صارفین ایک ہی اکاؤنٹ سے میٹا کی مختلف ایپس میں لاگ ان کر سکیں گے، صارفین کو یہ اختیار دیا جائے گا کہ وہ اپنے اکاؤنٹس سینٹر کو لنک کر سکیں، تاہم یہ فیچر بطور ڈیفالٹ غیرفعال ہوگا۔
میٹا نے یہ بھی وضاحت دی ہے کہ واٹس ایپ کے پیغامات اور کالز کو مکمل اینڈ ٹو اینڈ انکرپشن کی حفاظت حاصل رہے گی اور اکاؤنٹس سینٹر میں شامل ہونے کے باوجود کوئی بھی غیر مجاز شخص ان تک رسائی حاصل نہیں کر سکے گا۔
ذریعہ: Jasarat News
کلیدی لفظ: اکاؤنٹس سینٹر واٹس ایپ کر سکیں
پڑھیں:
جماعت اسلامی کا اسرائیل کیخلاف 20اپریل کو ملک گیر مارچ کرنے کا اعلان
اسلام آباد:جماعت اسلامی نے فلسطین پر اسرائیلی مظالم کے خلاف 20اپریل کو ملک گیر مارچ کرنے کا اعلان کر دیا۔
اسلام آباد میں پریس کانفرنس کرتے ہوئے امیر جماعت اسلامی حافظ نعیم الرحمٰن نے کہا کہ ملک بھر سے قافلے آئیں گے اور امریکی ایمبیسی کے سامنے جاکر احتجاج کریں گے، 20 اپریل کو اسلام آباد میں ملک کی تاریخ کا بڑا مارچ ہوگا۔
حافظ نعیم الرحمٰن نے کہا کہ فلسطینی بھائیوں سے اظہار یکجہتی کے لیے 22اپریل کو ملک گیر ہڑتال ہوگی اور 22 اپریل سے متعلق کوئی کنفویژن نہیں ہے، ہم ہڑتال کریں گے۔
انہوں نے کہا کہ لوگ اسرائیل اور امریکا کے خلاف نفرت کر رہے ہیں، نفرت کی لہر پوری دنیا میں موجود ہیں، اسرائیل چھوٹے چھوٹے بچوں کو گولیاں مار کر قتل کر رہا۔
حافظ نعیم الرحمٰن نے کہا کہ امریکا نے ایک دفعہ پھر اپنے آپ کو دہشت گرد ثابت کیا ہے، امریکا نے ہیرو شیما اور ناگا ساگی پر بم پھینکا۔
انہوں نے کہا کہ حماس جمہوری طریقے سے جیتے تھ مگر ان کی حکومت نہیں بننے دی، حماس سے کہا جا رہا ہے کہ وہ ہتھیار ڈال دے، جب تک لوگوں کا سمندر بار بار سڑکوں پر نہیں آئے گا اسی طرح قتل عام جاری رہے گا۔
حافظ نعیم الرحمٰن نے کہا کہ اسرائیل توسیع پسندانہ کام کر رہا ہے، عرب ممالک کو اس بارے سوچنا چاہیے اور پاکستان کو اس بارے میں سوچنا چاہیے کہ فوجی سطح پر حکمت عملی بنانی پڑے گی اور اسرائیل کے خلاف متحد ہونا پڑے گا۔
امیر جماعت اسلامی نے کہا کہ عوام کو مثبت طریقے سے سڑکوں پر لا رہے ہیں، ہم انسانیت کے لیے یہ فریضہ سر انجام دے رہے ہیں۔ میں اپیل کرتا ہوں ان تمام چیزوں کا بائیکاٹ کریں جن سے صیہونیوں کو فائدہ ملتا ہے اور ہمیں معلوم ہے ہم نے کن چیزوں کا بائیکاٹ کرنا ہے۔
حافظ نعیم الرحمٰن نے کہا کہ بڑی سیاسی جماعتیں اسرائیل کی مذمت کیوں نہیں کرتیں، جو لوگ پاکستانی پاسپورٹس پر اسرائیل گئے ان کے خلاف کارروائی کی جائے اور بتایا جائے ان کے خلاف کیا کارروائی کی گئی ہے۔ 18تاریخ کو ملتان میں بھی اسرائیل کے خلاف احتجاج کریں گے۔
امیر جماعت اسلامی نے کہا کہ علامہ اقبال نے 96سال پہلے بتایا تھا کہ فلسطینی بچوں کو گاجر مولی کی طرح قتل کیا جارہا ہے، قائداعظم نے اسرائیل کو استعمار کی ناجائز اولاد قرار دیا تھا، جو عناصر اسرائیل کے لیے سافٹ کارنر رکھتے ہیں انہیں مطالعہ کرنا چاہیے۔
اسٹیک ہولڈرز کی شمولیت سے ہی بہتر عدالتی اصلاحات ممکن ہے، چیف جسٹس