چیمپیئنز ٹرافی کے لیے آئی سی سی کا نیا پرومو جاری، پاکستان اور بھارت کے کونسے کھلاڑی شامل؟
اشاعت کی تاریخ: 23rd, January 2025 GMT
چیمپیئنز ٹرافی کے لیے انٹرنیشنل کرکٹ کونسل (آئی سی سی) نے نیا پرومو ریلیز کر دیا۔
پرومو میں پاکستان کے مایہ ناز فاسٹ بولر شاہین شاہ آفریدی، قومی کرکٹر شاداب خان اور بھارتی کرکٹ ٹیم کے آل راؤنڈر ہاردیک پانڈیا کو دکھایا گیا ہے۔
یہ بھی پڑھیں:قذافی اسٹیڈیم لاہور کا نیا روپ، چیمپیئنز ٹرافی کے لیے کب تک تیاری ممکن؟
اس کے علاوہ افغانستان کرکٹ ٹیم کے آل راؤنڈ محمد نبی اور انگلش کرکٹر فل سالٹ بھی چیمپئنز ٹرافی کے پرومو میں شامل ہیں۔ پرومو میں کھلاڑیوں کو ٹرافی کے حصول کی جدوجہد کرتے ہوئے دکھایا گیا ہے۔
15 Matches, 8 Teams, 1 Champion.
Action begins on 19 February ⏳#ChampionsTrophy pic.twitter.com/SpVWtGfHNB
— ICC (@ICC) January 22, 2025
واضح رہے کہ آئی سی سی چیمپئنز ٹرافی کا آغاز 19 فروری سے پاکستان میں ہوگا، ایونٹ 9 مارچ تک جاری رہے گا جس میں 8 ٹیموں کے درمیان 15 میچز کھیلے جائیں گے۔ جبکہ بھارت اپنا پہلا میچ 20 فروری کو بنگلہ دیش کے خلاف دبئی میں کھیلے گا۔
یہ بھی پڑھیں: چیمپیئنز ٹرافی کے لیے شرٹس پر پاکستان کا نام لکھوانے کا معاملہ، بھارت نے بالآخر گھٹنے ٹیک دیے
پاکستان نے انٹرنیشنل کرکٹ کونسل کے ساتھ ایک معاہدے کے تحت ہائبرڈ ماڈل پر رضامندی ظاہر کی تھی، جس کے تحت پاکستان اور بھارت کے درمیان 2028 تک تمام انٹرنیشنل ایونٹ نیوٹرل وینیو پر ہوں گے، لہذا چیمپئنز ٹرافی 2025 کے لیے بھارت کے تمام میچز متحدہ عرب امارات میں کھیلے جائیں گے۔ بھارت نے ایشیا کپ 2008 کے بعد سے پاکستان میں کوئی میچ نہیں کھیلا۔
آئی سی سی ون ڈے ورلڈکپ 1996 اور 2008 کے ایشیا کپ کے بعد پاکستان کو ایک عرصے بعد پہلی بار چیمپئنز ٹرافی 2025 کی صورت میں آئی سی سی کے کسی بڑے ایونٹ کی میزبانی ملی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی چیمپیئنز ٹرافی 2025 چیمپیئنز ٹرافی دبئی شاداب خان ۔ شاہین آفریدی فل سالٹ محمد نبی ہاردیک پانڈیاذریعہ: WE News
کلیدی لفظ: آئی سی سی چیمپیئنز ٹرافی 2025 چیمپیئنز ٹرافی شاہین ا فریدی چیمپیئنز ٹرافی کے لیے چیمپئنز ٹرافی
پڑھیں:
چیمپئنز ٹرافی کیلئے بھارتی شرٹ پر پاکستان کا نام لکھا ہوگا، بھارتی کرکٹ بورڈ نے تصدیق کردی
بھارتی کرکٹ بورڈ (بی سی سی آئی ) نے انٹرنیشنل کرکٹ کونسل (آئی سی سی) چیمپئنز ٹرافی 2025 کے حوالے سے بھارتی ٹیم کی جرسی پر پاکستان کا نام شامل کرنے کی تصدیق کر دی ہے۔
بی سی سی آئی کے حکام کے مطابق بھارتی جرسی پر آئی سی سی کا منظور شدہ لوگو شامل کیا جائے گا اور چیمپئنز ٹرافی کے لوگو میں پاکستان کا نام شامل ہے۔
بی سی سی آئی کے سیکرٹری دیواجیت سائیکیا نے اس بات کی تصدیق کی کہ بھارتی بورڈ آئی سی سی کی تمام ہدایات کی پابندی کرے گا۔
دوسری جانب پاکستان کرکٹ بورڈ (پی سی بی) نے بھارت کی اس حرکت پر آئی سی سی سے احتجاج ریکارڈ کرایا تھا اور موقف اختیار کیا تھا کہ چونکہ چیمپئنز ٹرافی پاکستان میں ہو رہی ہے، اس لیے بھارتی ٹیم کی جرسی پر پاکستان کا نام لکھنا ضروری ہے۔
آئی سی سی نے پی سی بی کے موقف کی حمایت کرتے ہوئے بھارتی کرکٹ بورڈ کو خبردار کیا کہ اس بات پر عمل کیا جائے۔
ذرائع کے مطابق بھارتی کرکٹ بورڈ نے آئی سی سی سے درخواست کی تھی کہ جرسی پر یو اے ای کا نام لکھا جائے، تاہم آئی سی سی نے اس درخواست کو مسترد کرتے ہوئے پاکستان کا نام شامل کرنے کی ہدایت کی۔
یاد رہے کہ آئی سی سی چیمپئنز ٹرافی 19 فروری سے 9 مارچ تک منعقد کی جائے گی، اور اس کی میزبانی پاکستان کر رہا ہے۔
پی آئی اے پائلٹ کی سنگین غفلت، مرکزی رن وے کے بجائے غلط رن وے پر جہاز اتار دیا