امریکی خاتون نے صدر ٹرمپ کی طرف سے معافی قبول کرنے سے انکار کیوں کیا؟
اشاعت کی تاریخ: 23rd, January 2025 GMT
امریکی صدر ڈونلڈ ٹرمپ نے 6 جنوری کو کیپیٹل پر حملے میں ملوث شہریوں کو معاف کرنے کے وعدے پر عمل کردیا ہے تاہم انہیں اپنے اس عمل پر مختلف حلقوں کی جانب سے شدید تنقید کا سامنا ہے۔
حیرت انگیز طور پر ان ناقدین میں ایک سزا یافتہ خاتون بھی شامل ہیں جنہوں نے صدر کی جانب سے معافی قبول کرنے سے انکار کردیا ہے، بوائز، ایڈاہو کی رہائشی 71 سالہ پامیلا ہیمفل کہتی ہیں کہ وہ صدر ٹرمپ کی معافی قبول نہیں کریں گی۔
یہ بھی پڑھیں:کیپٹل ہل حملہ کیس: سابق اور حاضر امریکی فوجیوں کو سزاؤں کا سامنا
پامیلا ہیمفل کو کیپٹل ہل حملہ کیس میں جرم کا اعتراف کرنے کے بعد 2 ماہ قید کی سزا سنائی گئی تھی، ان کا موقف ہے کہ معافی کو قبول کرنا کیپیٹل پولیس افسران، قانون کی حکمرانی، ہماری قوم کی توہین ہو گی۔
پامیلا ہیمفل نے اس روز حملے کے بعد خود کیپیٹل میں داخل ہونے کی ویڈیوز پوسٹ کی تھیں، انہوں نے میڈیا کو بتایا کہ وہ ٹرمپ کی معافی کو مسترد کرنے کا خط دائر کرنے کا منصوبہ بنا رہی ہیں۔
مزید پڑھیں: کیپٹل ہل حملہ کیس: ڈونلڈ ٹرمپ اور انکے ساتھیوں کیخلاف گھیرا تنگ
کیپیٹل ہل کی ویڈیوز وائرل ہونے کے بعد پامیلا ہیمفل نے ڈونلڈ ٹرمپ کو مسترد کر دیا تھا اور 6 جنوری کے مدعا علیہان کی بطور مظلومین کردار سازی کو کو بھی تنقید کا نشانہ بنایا ہے۔
’میں اس دن جو کچھ ہوا اسے دوبارہ زندہ کرنے کی ان کی کوشش کا حصہ نہیں بننا چاہتی، ہم اس دن غلط تھے، ہم نے قانون توڑا، کوئی معافی نہیں ملنی چاہیے۔‘
مزید پڑھیں: ٹرمپ نے کرپٹوکرنسی لانچ کردی، نومنتخب صدر پر عہدہ کیش کرنیکا الزام
امریکی صدارت سنبھالنے کے بعد، صدر ڈونلڈ ٹرمپ نے 6 جنوری کو تقریباً 1,500 مدعا علیہان کے لیے معافی جاری کی اور 14 دیگر کی سزاؤں میں کمی کردی تھی، انہوں نے 6 جنوری کو زیر التوا سینکڑوں مقدمات کو خارج کرنے کا بھی حکم دیا تھا۔
این بی سی نیوز نے رپورٹ کیا کہ معافی کی وسیع نوعیت نے صدر ٹرمپ کے کچھ اتحادیوں کو حیرت میں ڈال دیا ہے، اور ایسا کرنے کا فیصلہ ان کی حلف برداری سے چند روز قبل کیا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پامیلا ہیمفل.ذریعہ: WE News
کلیدی لفظ: ڈونلڈ ٹرمپ کرنے کا کے بعد
پڑھیں:
ڈونلڈ ٹرمپ نے 47 ویں امریکی صدر کےعہدے کا حلف اٹھالیا
واشنگٹن: ڈونلڈ ٹرمپ نے 47ویں امریکی صدر کے عہدے کا حلف اٹھا لیا، جبکہ نائب صدر جے ڈی وینس نے بھی عہدے کا حلف اٹھایا۔
میڈیا رپورٹس کے مطابق ڈونلڈ ٹرمپ نے سبکدوش ہونے والے صدر جو بائیڈن کے ہمراہ کیپیٹل ہل داخل ہوتے ہوئے کہا کہ ’گڈ مارننگ‘، جبکہ جوبائیڈن نے اس سوال پر کہ کیسا محسوس کرتے ہیں، کہا کہ اچھا ہوں۔
حلف برداری کی تقریب میں سابق صدور بل کلنٹن اور ان کی اہلیہ ہیلری کلنٹن، جارج بش اور ان کی اہلیہ اور بارک اوباما بھی شریک رہے۔اس کے علاہ برطانیہ کے سابق وزیراعظم بورس جانسن، دنیا کے امیر ترین آدمی ایلون مسک، میٹا کے مالک مارک زکر برگ، گوگل کے چیف ایگزیکٹیو اور دیگر بھی تقریب میں موجود ہیں۔
قبل ازیں، نومنتخب امریکی صدر ڈونلڈٹرمپ اہلیہ کے ساتھ وائٹ ہاؤس پہنچے تھے، جہاں جو بائیڈن اور ان کی اہلیہ نے ڈونلڈ ٹرمپ اور میلانیا کا استقبال کیا۔
ڈونلڈ ٹرمپ ایگزیکٹو پاور کی حدود کو آگے بڑھانے، لاکھوں تارکین وطن کو ملک بدر کرنے، اپنے سیاسی دشمنوں کے خلاف انتقام اور عالمی سطح پر امریکا کے کردار کو تبدیل کرنے کے وعدے کے ساتھ 4 سالہ ایک اور ہنگامہ خیز میعاد کا آغاز کریں گے۔
حلف اٹھانے کے بعد وائٹ ہاؤس میں عہدہ سنبھالنے والے عہدیدار نے صحافیوں کو بتایا تھا کہ صدر جنوبی سرحد پر قومی ایمرجنسی کا اعلان کریں گے، وہاں مسلح دستے بھیجیں گے اور سیاسی پناہ کے متلاشیوں کو میکسیکو میں اپنی امریکی عدالتی تاریخوں کا انتظار کرنے پر مجبور کرنے والی پالیسی دوبارہ شروع کریں گے۔
پی آئی اے پائلٹ کی سنگین غفلت، مرکزی رن وے کے بجائے غلط رن وے پر جہاز اتار دیا