پنجاب؛ سنگین مقدمات میں مطلوب اشتہاریوں کے سر کی قیمت مقرر کر دی گئی
اشاعت کی تاریخ: 23rd, January 2025 GMT
لاہور:
پنجاب حکومت نے سنگین مقدمات میں مطلوب اشتہاریوں کے گرد گھیرا تنگ کرتے ہوئے وزیراعلیٰ پنجاب کی ہدایت پر اشتہاریوں کے سر کی قیمت مقرر کرنے کی منظوری دے دی۔
دہشت گردی، ٹارگٹ کلنگ، فرقہ واریت، دھماکا خیز مواد کی ترسیل، سہولت کاری، اغوا برائے تاوان و قتل میں ملوث اشتہاریوں کے سر کی قیمت اور انعام کی رقم مقرر کی گئی۔ صوبے بھر میں 130 اشتہاریوں کے سر کی قیمت اور انعام کی رقم مقرر کی گئی۔
بلیک بک (انوسٹی گیشن ونگ) کے 101 اشتہاریوں اور ریڈ بک ( سی ٹی ڈی ونگ) کے 13 اشتہاریوں کے سر کی قیمت اور انعام کی رقم مقرر کی گئی۔ ریڈ بک میں شامل 16 اشتہاریوں کی سر کی قیمت اور انعام کی رقم میں اضافہ کیا گیا۔
جرائم کی نوعیت کے مطابق اشتہاریوں کے سر کی قیمت 2 لاکھ سے 1 کروڑ تک مقرر کی گئی جبکہ کچے کے ڈاکوؤں کی سر کی قیمت اور انعامی رقم تین کیٹیگریز میں بالترتیب 1 کروڑ، 50 لاکھ اور 25 لاکھ مقرر کی گئی ہے۔
صوبائی وزیر قانون ملک صہیب احمد بھرتھ کی زیر صدارت صوبائی ریوارڈ منی کمیٹی کا محکمہ داخلہ میں اجلاس ہوا جس میں اسپیشل سیکریٹری داخلہ فضل الرحمٰن، سیکریٹری پراسکیوشن احمد عزیز تارڑ، ایڈیشنل آئی جی انویسٹیگیشن اظہر اکرم، ایڈیشنل سیکریٹری داخلہ ڈاکٹر محمد ذیشان حنیف، سی ٹی ڈی اور محکمہ فنانس کے متعلقہ افسران نے شرکت کی۔
ٹارگٹ کلنگ میں مطلوب اشتہاری مرید حسین کے سر کی قیمت ہیڈ مَنی یا ریوارڈ مَنی 2 لاکھ سے بڑھا کر 25 لاکھ کرنے کی منظوری دی گئی جبکہ اشتہاری محمد صفدر کی ہیڈ مَنی 5 لاکھ سے بڑھا کر 40 لاکھ کرنے کی منظوری دے دی گئی۔
خودکش دھماکے میں سہولت کار اشتہاری سعد منیر ڈار اور محمد اعجاز کی ریوارڈ منی 2 لاکھ سے بڑھا کر 25 لاکھ فی کس کرنے کی منظوری دی گئی۔ بم دھماکے میں ملوث اشتہاری عمران ستار کی ریوارڈ منی 3 لاکھ سے 70 لاکھ کرنے کی منظوری دی گئی۔
بم دھماکا، ٹارگٹ کلنک اور دھماکا خیر مواد میں ملوث اشتہاری سمیع اللہ کی ریوارڈ منی 2 لاکھ سے بڑھا کر 60 لاکھ جبکہ بم دھماکا اور دھماکا خیز مواد میں ملوث اشتہاری عبدالمجید رشید کی ریوارڈ منی 5 لاکھ سے بڑھا کر 25 لاکھ کرنے کی منظوری دی گئی۔
اسی طرح، بم دھماکے اور گرجا گھر میں فائرنگ میں ملوث اشتہاری حافظ سلیمان کی ریوارڈ منی 3 لاکھ سے بڑھا کر 40 لاکھ جبکہ بم دھماکوں اور دھماکا خیز مواد میں ملوث عبیدالرحمٰن کی ریوارڈ منی 10 لاکھ سے بڑھا کر 40 لاکھ کرنے کی منظوری دی گئی۔
ٹارگٹ کلنگ میں ملوث اشتہاری تنویر نقوی کی ہیڈ منی اور ریوارڈ منی 5 لاکھ سے بڑھا کر 25 لاکھ کرنے کی منظوری دی گئی جبکہ ٹارگٹ کلنگ میں ملوث اشتہاری عمران زیدی کی ریوارڈ منی 1 لاکھ سے بڑھا کر 25 لاکھ کرنے کی منظوری دے دی گئی۔
بم دھماکے میں ملوث اشتہاری امجد عباس کی ریوارڈ منی 20 لاکھ سے بڑھا کر 25لاکھ، ٹارگٹ کلنگ میں ملوث اشتہاری رضوان علی کی ریوارڈ منی 1 لاکھ سے بڑھا کر 40 لاکھ، ٹارگٹ کلنگ میں ملوث اشتہاری بنیاد حسین کی ریوارڈ منی 1 لاکھ سے بڑھا کر 25 لاکھ، ٹارگٹ کلنگ میں ملوث اشتہاری ملزمان تنویر حسین اور عنایت اللہ شاہ کی ریوارڈ منی فی کس 25 لاکھ کرنے کی منظوری دی گئی۔
شیخوپورہ رینج کے تین اشتہاریوں کی ہیڈ منی اور ریوارڈ منی فی کس 2 لاکھ مقرر کرنے کی منظوری دی گئی جبکہ گوجرانوالہ رینج کے 5 اشتہاریوں کی ہیڈ منی اور ریوارڈ منی 2 لاکھ فی کس مقرر کرنے کی منظوری دی گئی۔ منڈی بہاالدین میں مطلوب اشتہاری کی ہیڈ منی اور ریوارڈ منی 20 لاکھ مقرر کرنے کی منظوری دی گئی۔
سرگودھا رینج کے دو اشتہاریوں کی ہیڈ منی اور ریوارڈ منی 3 لاکھ فی کس، دو اشتہاریوں کی 5 لاکھ فی کس اور ایک اشتہاری کی 20 لاکھ مقرر کرنے کی منظوری دی گئی۔ ملتان رینج کے 5 اشتہاریوں کی ہیڈ منی اور ریوارڈ منی 2 لاکھ فی کس، دو اشتہاریوں کی 10 لاکھ فی کس جبکہ 3 اشتہاریوں کی 5 لاکھ فی کس مقرر کرنے کی منظوری دی گئی۔
فیصل آباد رینج کے ایک اشتہاری کی ہیڈ منی اور ریوارڈ منی 2 لاکھ مقرر کرنے کی منظوری دے دی گئی۔ ڈی جی خان پولیس کو مطلوب 3 اشتہاریوں کی ہیڈ منی اور ریوارڈ منی مقرر کرنے کی منظوری بھی دی گئی۔
ہیڈ منی اور ریوارڈ منی پولیس ٹیم اور گرفتاری میں مدد کرنے والے افراد میں تقسیم کی جائے گی۔
صوبائی وزیر قانون ملک صہیب احمد بھرتھ کا کہنا تھا کہ مطلوب اشتہاریوں کی گرفتاری میں پیش رفت کا ماہانہ بنیادوں پر جائزہ لیا جائے گا، عوام الناس کے جان و مال کے تحفظ کے لیے حکومت پنجاب ہر ممکن اقدامات کر رہی ہے، صوبے میں امن و امان کو قائم کرنے کے لیے تاریخی اقدامات کیے جا رہے ہیں۔
.ذریعہ: Express News
کلیدی لفظ: سر کی قیمت اور انعام کی رقم مقرر کرنے کی منظوری دی گئی لاکھ کرنے کی منظوری دی گئی لاکھ مقرر کرنے کی منظوری کرنے کی منظوری دے دی میں مطلوب اشتہاری کی ریوارڈ منی 1 مقرر کی گئی لاکھ فی کس گئی جبکہ رینج کے
پڑھیں:
وزیراعلیٰ پنجاب اور یو اے ای صدر کیخلاف سوشل میڈیا مہم، مزید 5 ملزمان گرفتار
ایف آئی اے نے وزیر اعلیٰ پنجاب اور یو اے ای صدر کے بارے میں سوشل میڈیا پر طوفان بدتمیزی کرنے والے مزید 5 ملزمان کو گرفتار کرلیا، ایف آئی اے کا کہنا ہے کہ سائبر ونگ پر سخت قوانین بنائے جائیں تاکہ ملزمان کو عدالتوں سے ریلیف نہ مل سکے۔
ایف آئی اے حکام کا کہنا ہے کہ وزیراعلیٰ پنجاب اور صدر یو اے ای کیخلاف مہم چلانے پر اب تک 17 مقدمات درج ہوئے ہیں۔ ایف آئی اے سائبر کرائم کے مطابق گرفتار ہونیوالوں میں 18افراد شامل ہیں جبکہ 4 روز میں 8 ملزمان کو گرفتار کیا گیا۔
ایف آئی اے سائبر کرائم کے ایڈیشنل ڈائریکٹر چوہدری سرفراز احمد کا کہنا تھا کہ ملزم عمران ریاض اور عادل راجہ اور شہباز گل کو بھی گرفتار کیا جائے گا، جو وطن عزیز میں انتشار پھیلانا چاہتے ہے، ان سے آہنی ہاتھوں سے نمٹا جائے گا۔
چوہدری سرفراز احمد نے کہا کہ ملزمان کے خلاف ایف آئی اے نے لاہور میں 6، فیصل آباد میں 5، ملتان میں 2 مقدمات درج کئے گئے، 4 کیٹگری کے ملزمان کو گرفتار کیا جا رہا ہے۔
گذشتہ روز ایف آئی اے سائبر کرائم نے وزیراعلیٰ پنجاب اور یو اے ای کے صدر کیخلاف سوشل میڈیا مہم چلانے پر 4 افراد کو گرفتار کرکے مقدمہ درج کیا تھا۔
ایف آئی اے سائبر کرائم یونٹ کے مطابق گرفتار 4 افراد میں محمد یاسین، محمد بلال، محمد ریاض اور ریاض احمد شامل ہیں، اس حوالے سے رپورٹ وزیر اعظم آفس کو بھجوا دی گئی۔
ایف آئی اے کے مطابق لاہور سمیت ملک بھر میں 12 مقدمات کا اندراج کیا گیا، ایف آئی اے نے ڈاکٹر شہباز گل سمیت تحریک انصاف کے 15 سوشل میڈیا ہینڈلرز کے خلاف مقدمات کا اندراج کیا، ایف آئی اے لاہور نے 3، فیصل آباد 4 اور پشاور نے 2 مقدمات درج کئے۔
ترجمان ایف آئی اے نے بتایا کہ مقدمات میں 12 ملزمان کوگرفتار کیا گیا، کسی ملزم کو تاحال عدالت نے ضمانت پر رہا نہیں کیا، مقدمات میں 11 ملزمان ایف آئی اے کے پاس ریمانڈ پر تحویل میں ہیں، ایک ملزم کو جوڈیشل ریمانڈ پر جیل بھجوا دیا گیا، جبکہ بیرون ملک بیٹھے سوشل میڈیا ایکٹویسٹ کے خلاف قانونی کارروائی کا آغاز کیا جا چکا ہے۔
ادھر یو اے ای کے صدر اور وزیراعلیٰ پنجاب فیک ویڈیو کیس کے معاملہ پر ایف آئی اے سائبر کرائمز لاہور نے عمران ریاض اور پی ٹی آئی رہنما شہباز گل کی ٹریول ہسٹری کے لئے متعلقہ حکام کو خط لکھ دیا اور ملزمان کے نام ای سی ایل میں ڈالنے کی درخواست بھی دیدی ہے۔
ایف آئی اے کے مطابق صحافی و یوٹیوبر عمران ریاض اور پی ٹی آئی رہنما شہباز گل کو اشتہاری قرار دلانے کیلئے سیکشن 87 کی کارروائی کا بھی آغاز ہوچکا ہے۔
ایف آئی اے حکام نے بتایا کہ کارروائی میں جائیداد قرقی کا معاملہ شروع ہوگا، وزیراعلیٰ کیس میں ملزمان کے نام ای سی ایل میں ڈالنے کی درخواست کی گئی جبکہ شہباز گل کا پاسپورٹ اور شناختی کارڈ بھی بلاک کیا جائے گا۔
پہلا ٹیسٹ؛ ساجد نعمان کی تباہ کن بالنگ، ویسٹ انڈیز 137 پر آل آؤٹ