وکی کوشل اور رشمیکا مندنا کی فلم ’چھاوا‘ کا سنسنی خیز ٹریلر جاری
اشاعت کی تاریخ: 23rd, January 2025 GMT
بالی وڈ کے مشہور اداکار وکی کوشل اور ساؤتھ انڈین فلم انڈسٹری کی سپر اسٹار رشمیکا مندانا کی تاریخ اور سنسنی سے بھرپور فلم ’چھاوا‘ کا ٹریلر ریلیز کر دیا گیا ہے۔
اس فلم میں وکی کوشل، رشمیکا مندانا اور اکشے کھنہ مرکزی کردار ادا کر رہے ہیں، جبکہ اس کی ہدایتکاری معروف فلمساز لکشمن اُتیکر نے کی ہے اور یہ میڈاک فلمز کے بینر تلے بنائی گئی ہے۔
چھاوا کے ٹریلر میں چھترپتی سبھاجی مہاراج کی زندگی کی جھلکیاں دکھائی گئی ہیں، جو چھترپتی شیواجی مہاراج کی موت کے بعد شاہی تخت سنبھالنے کے سفر پر مبنی ہیں۔ ٹریلر میں وکی کوشل، سبھاجی مہاراج کے کردار میں بے مثال نظر آتے ہیں اور یہ فلم ان کے کیریئر کی بہترین فلم قرار دی جا رہی ہے۔
View this post on InstagramA post shared by Maddock Films (@maddockfilms)
فلم میں رشمیکا مندانا نے سبھاجی مہاراج کی اہلیہ کا کردار نبھایا ہے، جبکہ اکشے کھنہ مغل بادشاہ اورنگزیب کے روپ میں ولن کے کردار میں نظر آ رہے ہیں۔
ٹریلر کے بیک گراؤنڈ میوزک کو اے آر رحمان نے کمپوز کیا ہے، یہ فلم 14 فروری 2025 کو سینما گھروں کی زینت بنے گی۔
View this post on InstagramA post shared by Maddock Films (@maddockfilms)
.
ذریعہ: Express News
کلیدی لفظ: وکی کوشل
پڑھیں:
پاکستان کی سڑکوں پر ٹیسلا سائبر ٹرک کی دھوم، ویڈیو وائرل
پاکستان کی سڑکوں پر ٹیسلا سائبر ٹرک کی جھلک نے سب کو حیران کر دیا ہے اور سوشل میڈیا پر وائرل ویڈیو خوب وائرل ہو رہی ہے جس نے صارفین کو حیرت اور تجسس میں مبتلا کر دیا ہے۔
ویڈیو میں دکھایا گیا ہے کہ ایک گاڑی، جو ٹیسلا سائبر ٹرک سے مشابہت رکھتی ہے، پاکستان کی سڑکوں پر دوڑ رہی ہے اور لوگوں کی توجہ کا مرکز بنی ہوئی ہے۔
تاہم، یہ حقیقت میں ٹیسلا کا اصلی ٹرک نہیں بلکہ ایک مقامی طور پر تیار کردہ ماڈل ہے، جسے انتہائی مہارت کے ساتھ اس انداز میں ماڈیفائی کیا گیا ہے کہ پہلی نظر میں اصل اور نقل کے درمیان فرق کرنا مشکل ہو جاتا ہے۔
View this post on InstagramA post shared by Pakistan drag racing PDR ???????? (@pakistandragracing_pdr)
یہ ’سائبر ٹرک‘ گوجرانوالہ کے ولی محمد نامی انجینیئر نے اپنی ورکشاپ میں تیار کیا ہے، علی محمد کا کہنا ہے کہ اس نے گاڑی کو کلائنٹ کی فرمائش پر تیار کیا ہے۔ یہ گاڑی سیالکوٹ روڈ، سول لائنز برانچ نے تیار کی ہے۔ کمپنی کے مطابق اس گاڑی پر 30 لاکھ تک اخراجات آئے ہیں اور گاڑی تیار ہو کر کلائنٹ کے حوالے کر دی گئی ہے۔
سوشل میڈیا صارفین نے اس ویڈیو پر دلچسپ تبصرے کیے ہیں، جن میں سابق نگران وزیر اطلاعات مرتضیٰ سولنگی کا تبصرہ نمایاں رہا۔ انہوں نے کہا، ’جگاڑ راکڈ، ایلون مسک شاکڈ‘۔
View this post on InstagramA post shared by Dialogue Pakistan (@dialoguepakistan)
ایک صارف نے مزاحیہ انداز میں لکھا ’ایسی کوئی گاڑی نہیں جس کو پاکستانی سوزوکی میں نہ بدل سکیں‘۔ ایک اور صارف نے ایلون مسک کو ٹیگ کرتے ہوئے لکھا کہ اب پاکستان میں ٹیسلا پلانٹ کھولنے کا وقت آگیا ہے۔
ویڈیو کی وائرل ہونے کے بعد یہ منفرد ’جگاڑ‘ عوامی توجہ کا مرکز بن گئی ہے اور پاکستان میں ہنر مند افراد کی تخلیقی صلاحیتوں کا ثبوت فراہم کرتی ہے۔
جواداحمد کی اہلیہ کے پارلر کو 13 لاکھ کا ڈیٹیکشن بل بھیج دیاگیا