گوجرانوالہ: بیوی کا گھر چلنے سے انکار، شوہر نے ساس اور برادرِ نسبتی کو قتل کر دیا
اشاعت کی تاریخ: 23rd, January 2025 GMT
— فائل فوٹو
گوجرانوالہ میں داماد نے فائرنگ کر کے اپنی ساس اور برادرِ نسبتی کو قتل کر دیا جبکہ فائرنگ سے ایک اور برادرِ نسبتی زخمی ہو گیا۔
پولیس کے مطابق مکی روڈ پر شوہر ناراض بیوی کو منانے میکے آیا تھا تاہم بیوی کے گھر جانے سے انکار پر جھگڑا ہوا اور ملزم نے فائرنگ شروع کر دی۔
کراچی کے علاقے بلدیہ میں نشے کے عادی شوہر نے بیوی کو گلا دبا کر قتل کردیا۔
ملزم کی فائرنگ کے نتیجے میں ساس اور برادرِ نسبتی موقع پر جاں بحق ہو گئے جبکہ ایک اور برادرِ نسبتی زخمی ہو گیا۔
ملزم واقعے کے بعد فرار ہو گیا جس کی پولیس نے تلاش شروع کر دی ہے۔
.ذریعہ: Jang News
پڑھیں:
ندا یاسر نے ٹی وی اور شوہر کا لیپ ٹاپ کیوں توڑا؟
معروف ٹی وی میزبان و اداکارہ ندا یاسر اور ان کے شوہر یاسر نواز کا شمار پاکستان کی مقبول اور کامیاب ترین جوڑیوں میں ہوتا ہے۔
حال ہی میں یاسر نواز نے اپنی بیوی کے غصے سے متعلق کچھ باتیں ٹی وی پر شیئر کی تھیں۔ یاسر نواز نے بتایا کہ ایک بار ان کا ندا سے کسی بات پر جھگڑا ہوا تھا اور وہ غصے تھیں۔
یاسر نواز کے مطابق ’میں نے اس دوران ٹی وی آن کیا اور آواز کو تیز کر دیا، ندا نے اس پر شدید غصے کا اظہار کرتے ہوئے ایک اسٹیل کی بوتل ٹی وی پر دے ماری، جس سے اسکرین ٹوٹ گئی‘۔
یہ بھی پڑھیں: غصہ آنے پر ندا یاسر کیا کرتی ہیں، یاسر نواز نے مخبری کردی
ایک اور واقعہ بیان کرتے ہوئے یاسر نواز نے بتایا کہ ’ندا نے مجھ سے ڈرامے میں ایک اداکارہ کو کاسٹ نہ کرنے کا مطالبہ کیا، جب میں نے انکار کیا تو ندا نے شدید غصے میں آ کر میرا لیپ ٹاپ توڑ دیا‘۔
اب ندا یاسر نے ایک پروگرام میں لیپ ٹاپ توڑنے کی حیران کن وجہ بتاتے ہوئے کہا کہ ’یاسر نواز نے اپنے لیپ ٹاپ کی اسکرین پر ہیروئن کے ساتھ تصویر لگائی ہوئی تھی، وہ مجھے ایسے جلاتے تھے‘۔ ندا نے کہا کہ ’میں نے لیپ ٹاپ اس لیے توڑ دیا تاکہ یاسر آئندہ مجھے نہ جلائے‘۔
ٹی وی توڑنے سے متعلق ندا یاسر نے کہا کہ ’میں اپنے شوہر سے کسی بات پر ناراض تھی اور صبح میں نے مارننگ شو کے لیے آنا تھا لیکن یاسر نے ٹی وی کی آواز تیز کر دی جس پر مجھے غصہ آ گیا اور میں نے اپنا لایا ہوا ٹی وی ہی بوتل پھینک کر توڑ ڈالا‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مارننگ شو ندا یاسر ندا یاسر غصہ یاسر نواز
قومی اسمبلی کا اجلاس پیر کو شام 5 بجے شروع ہوگا، 12 نکاتی ایجنڈا جاری