پاک فوج اور محکمہ صحت عامہ کے تحت آزاد کشمیر میں فری میڈیکل کیمپ
اشاعت کی تاریخ: 23rd, January 2025 GMT
پاک فوج اور محکمہ صحت عامہ کے زیر اہتمام آزاد کشمیر میں جہلم ویلی کے علاقے ساون میں فری میڈیکل کیمپ کا انعقاد کیا گیا، جس میں شہدا اور غازیوں کے لواحقین سمیت علاقہ عوام کی کثیر تعداد نے شرکت کی ۔
فری میڈیکل کیمپ میں ڈاکٹرز نے مریضوں کا طبی معائنہ کیا۔ اس موقع پر مفت ادویات بھی فراہم کی گئیں۔ میڈیکل کیمپ میں شعبہ گیسٹرو انٹرالوجسٹ، گائنا کالوجسٹ، میڈیکل اسپشلسٹ و دیگر ماہرین صحت موجود تھے۔
علاقہ عوام نے فری میڈیکل کیمپ کے انعقاد پر پاک فوج کی اس کاوش کا خیر مقدم کیا اور مستقبل میں بھی اس طرح کے اقدامات کا سلسلہ جاری رکھنے کی خواہش کا اظہار کیا۔
بعد ازاں پاک فوج کی جانب سے ریٹائرڈ فوجیوں اور شہدا کے اہل خانہ کی فلاح و بہبود کے لیے پروگرام کا انعقاد بھی کیا گیا، جس میں کثیر تعداد میں ریٹائرڈ فوجیوں اور شہدا کے اہل خانہ نے شرکت کی ۔
پروگرام میں ایک موبائل شکایت سیل قائم کیا گیا، جہاں ویٹرنز کی شکایات سنی گئیں اور ان کے حل کے لیے اقدامات کو عملی جامہ پہنایا گیا۔
پاک فوج کی جانب سے آزاد کشمیر کے دور دراز کے علاقوں میں اس طرح کے میڈیکل کیمپس کا سلسلہ سال بھر جاری رہتا ہے، جسے مقامی افراد کی جانب سے بھرپور پذیرائی ملتی ہے۔
.
ذریعہ: Express News
کلیدی لفظ: فری میڈیکل کیمپ پاک فوج
پڑھیں:
ایرانی نمائندے کا آئی اے ای اے کے آزاد، تکنیکی و غیر جانبدارانہ کردار پر زور
ڈائریکٹر جنرل عالمی جوہری توانائی ایجنسی (IAEA) کیساتھ ملاقات میں عالمی ایٹمی توانائی ایجنسی کیلئے ایران کے نئے سفیر و مستقل نمائندے نے بین الاقوامی ایٹمی توانائی ایجنسی کے آزاد، تکنیکی و غیر جانبدارانہ کردار پر زور دیتے ہوئے امید ظاہر کی کہ ڈائریکٹر جنرل آئی اے ای اے کے آئندہ دورۂ تہران سے باہمی تعاون کو تقویت ملیگی اسلام ٹائمز۔ بین الاقوامی ایٹمی توانائی ایجنسی میں اسلامی جمہوریہ ایران کے نئے سفیر و مستقل نمائندے رضا نجفی نے آج ڈائریکٹر جنرل عالمی جوہری توانائی ایجنسی (IAEA) رافائل گروسی کے ساتھ ملاقات کی اور انہیں اپنی تقرری کی اسناد پیش کیں۔ رضا نجفی نے ایران و آئی اے ای اے کے درمیان باہمی تعاون اور رافائل گروسی کے آئندہ دورۂ تہران پر بھی تبادلہ خیال کیا۔ اس دوران رافائل گروسی نے ایران و عالمی جوہری توانائی ایجنسی کے درمیان تعاون کے تسلسل کی اہمیت کی جانب اشارہ کرتے ہوئے تمام فریقوں کے درمیان مثبت و تعمیری ماحول پیدا کرنے کی کوشش پر زور دیا۔ اس ملاقات میں پر امن ایرانی جوہری پروگرام میں پیشرفت پر بھی تبادلہ خیال کیا گیا۔ ایران کے نئے سفیر و مستقل نمائندے نے اس سلسلے میں عالمی جوہری توانائی ایجنسی کے آزاد، تکنیکی و غیر جانبدارانہ کردار پر زور دیا اور آئی اے ای اے کے ساتھ تعاون کے عمل کے بارے اسلامی جمہوریہ ایران کے نقطۂ نظر کی وضاحت کرتے ہوئے امید ظاہر کی کہ ڈائریکٹر جنرل آئی اے ای کے آئندہ دورۂ تہران سے باہمی تعاون کو تقویت ملے گی۔
بانی پی ٹی آئی نے عالیہ حمزہ کو پنجاب میں فیصلوں کا اختیار دے دیا