ترقیاتی اسکیموں کو جلد از جلد مکمل کیا جائے،میئر حیدرآباد
اشاعت کی تاریخ: 23rd, January 2025 GMT
حیدرآباد (اسٹاف رپورٹر) میئر کاشف علی شورو نے میئر سیکرٹریٹ سوک سینٹر میں مختلف ترقیاتی منصوبوں اور اسکیموں پر پیشرفت کے جائزہ کے حوالے سے اجلاس طلب کیا۔ اجلاس میں کمشنر بلال میمن، ڈپٹی کمشنر زین العابدین میمن، میونسپل کمشنر ظہور احمد لکھن، قاسم آباد ٹائون کے چیئرمین عبدالغفور درس، حیدرآباد ڈیویلپمنٹ اتھارٹی کے MD/CEO سید شجاعت حسین، سلیم الدین کنسلٹنٹ ٹو MD واسا، ایکسئین پنجو ملہو ترا، مسعود اقبال SP، پبلک ہیلتھ انجینئرنگ کے ایکسین سندیش، گلام رسول عباسی، حیدرآباد واٹر اینڈ سیوریج کارپوریشن کے ایگزیکٹو انجینئر ذیشان ملک سمیت سندھ سولڈ ویسٹ، بلدیہ و دیگر اداروں کے متعلقہ افسران شریک تھے۔ اجلاس میں نیاز اسٹیڈیم، جامشورو روڈ پر تعمیر کیے جانے والے اربن فاریسٹ پارک واٹر سپلائی کی اسکیموں سمیت حیدرآباد میں تعمیر و ترقی سے متعلق جاری مختلف ترقیاتی اسکیموں و منصوبوں، کام کی رفتا ر اور اب تک ہونے والی پیشرفت اور شہر کے انفرا اسٹرکچر کو بہتر بنانے، واسا کے فلٹر پلانٹ کو حیسکو کے ایکسپریس فیڈر سے منسلک کرنے و دیگر ضروری کاموں کا بھی تفصیلی جائزہ لیا گیا۔ میئر کاشف علی شورو نے شہر میں جاری کی پرانی اسکیموں سے متعلق معلومات لیں اور ان کی راہ میں حائل رُکاوٹوں کو دور کرنے کی ہدایت کرتے ہوئے کہا کہ تمام کاموں کو جلد مکمل کیا جائے تاکہ کاموں سے متعلق چیف سیکرٹری سے ہونے والے میٹنگ میں مکمل مفصل رپورٹ دی جاسکے، اس کے علاوہ شہر کے لیے نئی اسکیموں کو شروع کرنے کے حوالے سے تفصیلی بات چیت کی۔ اس ضمن میں مئیر اور کمشنر و ڈپٹی کمشنر کو جاری ترقیات کاموں سے متعلق مختلف محکموں کے افسران نے پیشرفت سے متعلق بریفنگ بھی دی۔
.ذریعہ: Jasarat News
پڑھیں:
نومئی کیسز پر ٹرائل 4 ماہ میں مکمل کرنے کا ایک ہی بار آرڈر جاری کرینگے: چیف جسٹس
نومئی کیسز پر ٹرائل 4 ماہ میں مکمل کرنے کا ایک ہی بار آرڈر جاری کرینگے: چیف جسٹس WhatsAppFacebookTwitter 0 15 April, 2025 سب نیوز
اسلام آباد(آئی پی ایس) چیف جسٹس آف پاکستان نے کہا ہے کہ 9 مئی کے تمام کیسز پر ٹرائل 4 ماہ میں مکمل کرنے کا ایک ہی مرتبہ آرڈر جاری کریں گے۔
تفصیلات کے مطابق چیف جسٹس آف پاکستان جسٹس یحییٰ آفریدی کی سربراہی میں سپریم کورٹ کے 3 رکنی بنچ نے9 مئی مقدمات میں نامزد ملزمان کی ضمانت منسوخی کیلئے اپیلوں پر سماعت کی۔
عدالت نے سینیٹر اعجاز چودھری کی درخواست ضمانت پر پنجاب حکومت کو نوٹس جاری کرتے ہوئے کیس کی سماعت جمعرات تک ملتوی کر دی۔
دریں اثنا پی ٹی آئی کے حافظ فرحت عباس اور امتیاز شیخ کی ضمانت قبل از گرفتاری کی درخواستوں پر سماعت کی، سپریم کورٹ نے حافظ فرحت عباس کو جمعرات تک گرفتار کرنے سے روک دیا اور ان کی عبوری ضمانت 50 ہزار روپے کے مچلکوں کے عوض منظور کر لی۔
وکیل لطیف کھوسہ نے عدالت کو بتایا کہ امتیاز شیخ پہلے ہی عبوری ضمانت پر ہیں، جس پر سپریم کورٹ نے امتیاز شیخ کی عبوری ضمانت میں جمعرات تک توسیع کر دی۔
اس کے علاوہ9 مئی واقعات میں نامزد ملزم محمد فہیم قیصر کے وکیل بابر اعوان عدالت میں پیش ہوئے اور بتایا کہ 4 ماہ میں ٹرائل مکمل کرنے کے حکمنامے سے کارکنان کو مشکلات پیش آ رہی ہیں، کوئی چھلیاں بیچنے والا ہے تو کوئی جوتے پالش کرنے والا، جنہیں 200 کلومیٹر کا سفر طے کرنا پڑ رہا ہے، ٹرائل سرگودھا کے بجائے میانوالی میں چلانے کی استدعا ہے۔
چیف جسٹس نے ریمارکس دیئے کہ یہ ہمارا کام نہیں ہے کہ طے کریں عدالت کہاں ہوگی، یہ ٹرائل کورٹ نے خود طے کرنا ہے۔
بابر اعوان نے استدعا کی کہ ایف آئی آر ختم کی جائے، جس پر چیف جسٹس نے کہا کہ ایف آئی آر ختم کرانے کیلئے متعلقہ فورم سے رجوع کریں۔
بابر اعوان نے عدالت کو بتایا کہ انسانی طور پر 4 ماہ میں ٹرائل مکمل ہونا ممکن نہیں ہے، جس پر چیف جسٹس نے کہا کہ قانون میں ٹرائل 3 ماہ میں مکمل کرنے کا ذکر ہے، ہم اپنے تحریری حکمنامے میں ٹرائل مکمل کرنے کیلئے ڈیڈ لائن والی تاریخ بھی لکھ لیں گے۔
بابر اعوان نے کہا کہ چیف جسٹس لاہور ہائیکورٹ تو ہر ہفتے عمل درآمد رپورٹس لے رہی تھیں، ہم 4 ماہ میں ٹرائل مکمل کرنے کے سپریم کورٹ کے فیصلے کو چیلنج کریں گے، جس پر چیف جسٹس نے ریمارکس دئیے کہ ٹھیک ہے آپ چیلنج کر لیجیے گا، ہم اپیل خارج کر رہے ہیں۔
سپیشل پراسیکیوٹر ذوالفقار نقوی نے کہا کہ ضمانت منسوخی کیلئے مجھے گزارشات تو کرنے دیں، ضمانت کا غلط استعمال بھی کیا جاسکتا ہے جس پر چیف جسٹس نے کہا کہ اگر ضمانت کا غلط استعمال کیا گیا تو آپ متعلقہ فورم سے رجوع کر سکتے ہیں۔
بابر اعوان نے کہا کہ ہم سے تعاون کرنے کی بات کی جا رہی ہے اور کیا سر کاٹ کر دے دیں۔
چیف جسٹس نے ریمارکس دیئے کہ 9 مئی کے تمام کیسز پر ٹرائل 4 ماہ میں مکمل کرنے کا ایک ہی مرتبہ آرڈر جاری کریں گے۔
امریکا نے پاکستان کیلئے گلوبل انڈرگریجویٹ ایکسچینج پروگرام ختم کردیا