سکھر: ملک برادری کے تحت فلاحی کاموں کا آغاز ہو چکا
اشاعت کی تاریخ: 23rd, January 2025 GMT
سکھر (نمائندہ جسارت) ملک برادری جماعت، ملک فلاحی جماعت اور الحق فاؤنڈیشن پنجاب کے چیئرمین ملک محمد بلال رئیس نے کہا ہے کہ انشاء اللہ اس ماہ میں رحیم یار خان شہر سے ملک برادری جماعت، ملک فلاحی جماعت اور الحق فاؤنڈیشن کے یونٹ کو شروع کرنے والے ہیں اور اس میں ہمارے ساتھ ملک برادری کے افراد کے ساتھ دیگر برادری الحق فاؤنڈیشن کے لیے ٹیم کام کر رہی ہے، انشاء اللہ ملک فلاحی جماعت اور ملک برادری جماعت کے جماعت کے پلیٹ فارم سے ملک برادری کے لوگوں کا کام کریں گے اور الحق فاؤنڈیشن کے پلیٹ فارم سے دیگر برادریوں کا فلاحی کام کریں گے، انشاء اللہ رحیم یار خان شہر سے کام کا باقاعدہ آغاز ہو چکا ہے اور عنقریب پنجاب کے دوسرے شہروں میں بھی فلاحی یونٹس بنائیں جائیں گے، ان یونٹوں میں مستحق لوگوں کو جس میں لوڈر چنگچی، سولر پلیٹیس، فریج و دیگر کاروبار کے لیے بلاسود قرض فراہم کریں گے، ملک برادری جماعت، ملک فلاحی جماعت اور الحق فاؤنڈیشن کے بانی ملک محمد رضوان الحق نے ہدایت کی ہے کہ پنجاب میں یونٹ آغاز ہونے کے بعد سب سے پہلے رحیم یار خان کی باڈی تشکیل اور یہ تمام سہولتیں مستحقین تک پہنچانے کی ہر ممکن کوشش کی جائے۔
.ذریعہ: Jasarat News
کلیدی لفظ: ملک برادری جماعت
پڑھیں:
محراب پور شہر کھنڈرات میں تبدیل ،نکاسی آب کا نظام تباہ
محراب پور(جسارت نیوز)محراب پور چیئرمین ٹاؤن کمیٹی ،چیئرمین میونسپل کمیٹی نوشہرو فیروز اور افسران نااہلی سے محراب پور شہر اور ضلعی ہیڈ کوارٹر کھنڈرات میں تبدیل، محراب پور میں باب فردوس تا اسٹیشن روڑ نکاسی آب نظام متاثر،شمشی توانائی کی اسٹریٹ لائٹ ناکارہ،نکاسی آب نالی اور نالوں کی عدم صفائی، سڑکوں پر کھڑے گندے پانی سے اسٹیشن روڈ، سیال آباد روڈ سمیت اہم سڑکیں ٹوٹ پھوٹ کا شکار،کئی سالوں سے ترقیاتی کاموں کے نام پر فنڈز کی ہیراپھیری ہے محکمہ بلدیہ محراب پور کو سندھ سے ماہانہ 4 کروڑ کے لگ بھگت گرانٹ ملتی ہے جو گھوسٹ ملازمین اور افسران میں بندر بانٹ کی نظر ہو رہی ہے اہم پوسٹ پر ایک جونیئر انجینئرنگ برانچ کے کلرک بلا ل آرائیں کو رکھا ہوا ہے ٹاؤن کمیٹی خرچ، بجلی بل، ڈسپوزل جرنیٹر، موٹر مرمت، تیل مداور دیگر فرضی کمپنیوں کے بلوں، فرضی کاموں میں خرد برد ہورہی ہے، محراب پور ٹاؤن کمیٹی میں ترقیاتی کاموں کے مختص فنڈز،سوشل ویلفیئر فنڈز،تعلیم فنڈز، صحت فنڈز ،پینے کے صاف پانی کے فنڈز،ہنگامی نقصانات کے فنڈز،پریس کلبوں کے فنڈز میں بھی کرپشن سامنے آئی ہے، جبکہ ضلعی ہیڈ کوارٹرنوشہرو فیروز شہر کے 16 وارڈز کچرے کے ڈھیر بن گئے، نوشہرو فیروز کے سامنے سڑکیں، اسکول اور مسجدیں جگہ جگہ کچرے کے ڈھیروں سے کھنڈر کا منظر پیش کر رہی ہیں میونسپل کمیٹی کا بجٹ 3 کروڑ سے زائد ہے۔اس سلسلے میں چیئرمین ٹاؤن اور چیئرمین میونسپل، ٹاؤن و میونسپل افسران سے مؤقف کیلئے رابطہ کیا گیا لیکن انہوں نے موبائل نمبر کال نہیں اٹھائی جس سے ان کا مؤقف نہیں مل سکا۔
عمران خان نے کہا ہے جتنا جیل میں رہنا پڑا رہوں گا: وکیل بانی پی ٹی آئی