جامشورو: ڈپٹی کمشنر کی شہباز قلندر کے عرس پر سیکورٹی سخت کرنے کی ہدایت
اشاعت کی تاریخ: 23rd, January 2025 GMT
جامشورو (نمائندہ جسارت) ڈپٹی کمشنر، چیئرمین شہباز میلہ کمیٹی غضنفر علی قادری کی زیرِ صدارت خصوصی اجلاس منعقد کیا گیا جس میں اسسٹنٹ کمشنر سہون و سیکرٹری میلہ کمیٹی محمد وقاص ملوک، ڈائریکٹر سید عبداللہ شاہ انسٹیٹیوٹ سہون ڈاکٹر معین الدین صدیقی، ڈی ایچ او جامشورو ڈاکٹر عبدالحمید کھونہارو، ڈی ایس پی سہون احمد بخش راہوجو سمیت ڈسٹرکٹ پولیس، اسپیشل برانچ، محکمہ اوقاف، محکمہ ثقافت، موٹر وے پولیس، این ایچ اے، حیسکو، محکمہ تعلیم، محکمہ صحت، محکمہ آبپاشی، محکمہ اطلاعات سمیت تمام متعلقہ محکموں کے افسران نے شرکت کی۔ اجلاس میں ڈپٹی کمشنر نے متعلقہ عملداروں کو ہدایت کی کہ 18 سے 20 فروری تک ہونے والے حضرت لعل شہباز قلندر ؒ کے 773 ویں 3 روزہ سالانہ عرس کے موقع پر زائرین کو مکمل سہولیات فراہم کرنے کو یقینی بنائیں، عرس کے دوران ملک بھر سے 20 لاکھ سے زائد زائرین کی آمد متوقع ہے۔ ڈپٹی کمشنر غضنفر علی قادری نے سیکورٹی اداروں کو ہدایت کی کہ وہ عرس میں زائرین کو حفاظتی انتظام مہیا کرنے میں اپنا بھرپور کردار ادا کریں۔ انہوں نے اجلاس کو بتایا کہ عرس کے دوران کمشنر حیدرآباد کی جانب سے ہیوی ٹریفک کے داخلے جبکہ اڑل کینال اور دانستر کینال میں نہانے پر 144 نافذ کیا جائے گا، تمام اُمور کی نگرانی کے لیے 30 سے زائد کمیٹیاں مختلف افسران کی سربراہی میں قائم کی گئی ہیں۔
.ذریعہ: Jasarat News
کلیدی لفظ: ڈپٹی کمشنر
پڑھیں:
کراچی: گراں فروشی، 34 دکانیں سیل، 35 لاکھ جرمانہ
کراچی میں گراں فروشوں کی 34 دکانیں سیل کرکے 35 لاکھ روپے جرمانہ عائد کردیا۔
ضلعی انتظامیہ نے گراں فروشی کی روک تھام کےلیے کارروائی کرتے ہوئے ایک ہفتے میں 17 گراں فروش گرفتار کیے ہیں۔
کمشنر سید حسن نقوی کا کہنا ہے کہ ڈپٹی کمشنرز گراں فروشی کے خلاف کارروائی موثر بنائیں، شہریوں کو بچت بازاروں سے ریلیف ملنا چاہیے یقینی بنائیں کہ اشیاء مناسب قیمت پر دستیاب ہوں۔
ڈپٹی کمشنر نے اجلاس میں اپنے اپنے اضلاع میں پرائس کنٹرول، پارکنگ نظام، بچت بازاروں اور مارکیٹوں میں اشیاء کے رجحان پر بریفنگ دی۔
انہوں نے بتایا کہ شہر میں 12جنوری تا 18 جنوری تک 17 گراں فروشوں کو گرفتار کیا گیا، 34 دکانیں سیل کردیں جبکہ مجموعی طو پر 35 لاکھ روپے جرمانہ عائد کیا گیا۔
ڈپٹی کمشنر جنوبی جاوید نبی کھوسو کے مطابق ضلع جنوبی میں 11 لاکھ 47 روپے سے زائد کا جرمانہ عائد کیا گیا جبکہ 3 گراں فروش گرفتار کیے گئے، 4 دکانیں سیل کی گئیں۔
ڈپٹی کمشنر شرقی ابرار جعفر کے مطابق ضلع شرقی میں 6 لاکھ 83 ہزار روپے جرمانہ عائد کیا گیا اور 4 گراں فروش گرفتار جبکہ 16 دکانیں سیل کی گئیں۔
ڈپٹی کمشنر ضلع غربی احمد علی صدیقی کے مطابق ضلع غربی میں 69 ہزار روپے جرمانہ عائد کیا گیا جبکہ ڈپٹی کمشنر وسطی طحہ سلیم کے مطابق 10 گراں فروش گرفتار کیے گئے، 2 دکانیں سیل کی گئیں اور 5 لاکھ 20 ہزار روپے جرمانہ عائد کیا گیا۔
ایڈیشنل ڈپٹی کمشنر ضلع ملیر کے مطابق ایک لاکھ 69 ہزار روپے جرمانہ عائد کیا گیا اور 3 دکانیں سیل کی گئیں۔
ڈپٹی کمشنر کیماڑی راجہ طارق چانڈیو کے مطابق 2 لاکھ 4 ہزار روپے جرمانہ اور 2 دکانیں سیل کی گئیں۔
ڈپٹی کمشنر کورنگی مسعود بھٹو کے مطابق 5 لاکھ 23 ہزار روپے جرمانہ عائد کیا گیا جبکہ 7 دکانیں سیل کی گئیں۔
عمران خان نے کہا ہے جتنا جیل میں رہنا پڑا رہوں گا: وکیل بانی پی ٹی آئی