سہون،شہباز قلندر ؒ کا عرس 18 فروری کو عقیدت سے منایا جائیگا
اشاعت کی تاریخ: 23rd, January 2025 GMT
سہون (نمائندہ جسارت ) برصغیر کے عظیم صوفی بزرگ سہوانی شہباز قلندر کا سہ روزہ عرس 18 فروری سے سہون میں نہایت عقیدت سے منایا جائے گا اس سلسلے میں ڈپٹی کمشنر وچیئرمین شہباز میلہ کمیٹی غضنفر علی قادری نے متعلقہ عملداروں کو ہدایت کی ہے کہ 18سے 20 فروری 2025ء تک ہونے والے حضرت لعل شہباز قلندرؒ کے 773ویں تین روزہ سالانہ عرس کے موقع پر زائرین کو مکمل سہولیات فراہم کرنے کو یقینی بنائیں۔انہوں نے کہا کہ عرس کے دوران ملک بھر سے 20 لاکھ سے زائد زائرین کی آمد متوقع ہے۔ان خیالات کا اظہار انہوں نے آج سہون میں سید عبداللہ شاہ انسٹیٹیوٹ آف میڈیکل سائنسز میں عرس کے انتظامات کا جائزہ لینے کے سلسلے میں ضلع افسران سے اجلاس کی صدارت کرتے ہوئے کیا۔اجلاس میں، اسسٹنٹ کمشنر سہون و سیکرٹری میلہ کمیٹی محمد وقاص ملوک، ڈائریکٹر سید عبداللہ شاہ انسٹیٹیوٹ سہون ڈاکٹر معین الدین صدیقی،ڈی ایچ او جامشورو ڈاکٹر عبدالحمید کھونہارو، ڈی ایس پی سہون احمد بخش راہوجو، سمیت ڈسٹرکٹ پولیس، اسپیشل برانچ، محکمہ اوقاف، محکمہ ثقافت، موٹروے پولیس، این ایچ اے، حیسکو، محکمہ تعلیم،محکمہ صحت،محکمہ آبپاشی، محکمہ اطلاعات سمیت تمام متعلقہ محکموں کے افسران نے شرکت کی۔اجلاس میں ڈپٹی کمشنر جامشورو غضنفر علی قادری نے سیکورٹی اداروں کو ہدایت کی کہ وہ عرس میں زائرین کو حفاظتی انتظام مہیا کرنے میں اپنا بھرپور کردار ادا کریں۔انہوں نے اجلاس کو بتایا کہ عرس کے دوران کمشنر حیدرآباد کی جانب سے ہیوی ٹریفک کے داخلے جبکہ اڑل واہ اور دانستر واہ میں نہانے پر 144 نافذ کیا جائے گا ، جبکہ تمام امور کی نگرانی کیلیے 30 سے زائد کمیٹیاں مختلف افسران کی سربراہی میں قائم کی گئی ہیں۔انہوں کہا کہ عرس کے دوران ملاکھڑا سگھڑ جی کچہری، ادبی کانفرنس اور محفل موسیقی سمیت دیگر تقریبات کا انعقاد کیا جائے گا۔انہوں نے حیسکو عملداروں کو بھی ہدایت کی کہ وہ سہون میں عرس کے دوران بجلی کی غیر اعلانیہ لوڈشیڈنگ سے گریز کریں اور پہلے سے فنی خرابیوںکودرست کرنے کو یقینی بنائیں۔ اس موقع پر ڈپٹی کمشنر جامشورو نے محکمہ صحت کے افسران کو ہدایت کی کہ ایمبو لنس اور ادویات کی دستیابی کو بھی یقینی بنایا جائے اور متعلقہ محکموں کو ہدایت کی کہ اپنی ذمے داریاں خوش اسلوبی سے ادا کریں کیونکہ یہ ایک میگا ایونٹ ہے اس میں کسی بھی قسم کی لاپرواہی برداشت نہیں کی جائے گی۔حضرت لال شہباز قلندرؒ زائرین ہمارے مہمان ہیں انہیں زیادہ سے زیادہ سہولیات فراہم کریں کیونکہ یہ کوئی نیا ایونٹ نہیں بلکہ ہر سال قلندر لال شہباز ؒ کے مزار پرلاکھوں کی تعداد میں زائرین پہنچ کر اپنی عقیدت کا اظہار کرتے ہیں، اس لیے ہمیں چاہیے کہ ہم سب مل کر کام کریں۔انہوں نے کہا کہ عرس کے موقع پر شہر بھر میں سی سی ٹی وی کیمرے نصب کیے جائیں گے جس کے ذریعے شھر بھر کی سیکورٹی کی نگرانی کی جائے گی۔ ڈپٹی کمشنر نے سہون میں عرس سے قبل تجاوزات کے خلاف بھرپور آپریشن کرنے کا بھی اعلان۔ اس موقع پر ڈائریکٹر سید عبداللہ شاہ انسٹیٹیوٹ آف میڈیکل سائنس سہوں نے عرس کے دوران صحت کے شعبے کے حوالے سے اپنے انتظامات کے حوالے سے تفصیلی بریفنگ دی، جس پر ڈپٹی کمشنر جامشورو نے انہیں یقین دلایا کہ زائرین ہر ممکن سہولیات فراہم کرنے کیلیے کوشش کریں گے۔انہوں نے ریسکیو 1122 کے افسران کو بھی ہدایت کی کہ وہ عرس کے دوران زائرین کو سہولیات فراہم کرنے کیلیے کانٹیجنسی پلان بنا کر پیش کرنے کی ہدایت کی اور کہا کہ ان کے مسائل کے حل کیلیے بھی انتظامیہ کی جانب سے ہر ممکن کوشش کی جائے گی۔ انہوں نے این ایچ اے کے افسران کو ہدایت کی وہ عرس سے پہلے اپنا تمام کام مکمل کرلیں تاکہ زائرین کو آنے اور جانے میں کسی قسم کی دشواری کا سامنا نہ کرنا پڑے۔ڈپٹی کمشنر جامشورو غضنفر علی قادری نے محکمہ بلدیات کو شہر کی صفائی ستھرائی اور فائر بریگیڈ فعال حالت دستیابی کو یقینی بنائیں ،انہوں نے پبلک ہیلتھ انجینئرنگ کو ہدایت کی وہ سہون میں پینے کے صاف پانی کی فراہمی کو یقینی بنائیں جس پر متعلقہ محکمہ افسران نے یقین دلایا کہ مذکورہ مسئلہ ا بہت جلد حل ہوجائے گا۔
.ذریعہ: Jasarat News
کلیدی لفظ: ڈپٹی کمشنر جامشورو کو یقینی بنائیں سہولیات فراہم عرس کے دوران کو ہدایت کی زائرین کو کے افسران کہ عرس کے سہون میں انہوں نے جائے گا کہا کہ
پڑھیں:
امن کے شہزادے کی یروشلیم آمد؛ مسیحیوں نے آج پام سنڈے منایا
سٹی42: پاکستانی مسیحیوں نے آج کھجوروں کے اتوار ( پام سنڈے) کی عبادات کیلئے دعائیہ تقریبات منعقد کیں۔
مسیحی روایات کے مطابق پام سنڈے خضرت عیسیٰ المسیح کی یروشلیم تشریف آوری کے دن کی یاد میں ہر سال ایسٹر کی عید سے ایک ہفتہ پہلے والے اتوار کو ہوتا ہے۔پام سنڈے کو مسیحی روایات کے مطابق مقدس ہفتہ کے آغاز کا دن تصور کیا جاتا ہے۔ آج پام سنڈے کے اجتماعات میں ملک بھر میں لاکھوں مسیھیوں نے شرکت کی۔
موسم کے حوالے سے خبر آگئی
کھجوروں کے اتوار ( پام سنڈے) کو دنیا بھر کی طرح پاکستان میں بھی مسیحی عبادت گاہوں میں خصوصی دعائیہ اجتماعات ہوتے ہیں جو ہر اتوار کی عمومی عبادت کے ہال میں بھی ہوتے ہیں ور جہاں شرکا کی تعداد زیادہ ہو یا چرچ کا ہال چھوٹا ہو وہاں کھجوروں کے اتوار کی عبادت کھلی جگہوں پر شامیانے لگا کر بھی کی جاتی ہے۔
آج صبح پاکستان بھر کے گرجا گھروں میں مسیحیوں نے روایت کے مطابق کھجور کی ڈالیاں ہاتھوں میں پکڑ کر شرکت کی۔ بعض علاقوں میں مسیھی بستیوں مین پام سنڈے کے جلوس بھی نکالے گئے جن میں بچوں بڑوں، مرد و خواتین نے کھجور کے پتے ہاتھوں مین اٹھا کر یسوع المسیح کی یروشلم آمد کی خوشی کے اظہار پر مبنی گیت گائے۔
جماعت اسلامی نے حماس کے ساتھ یکجہتی کے لئے ملک گیر ہڑتال کروانے کا اعلان کر دیا
سیکرڈ ہارٹ کیتھیڈرل میں پام سنڈے کی عبادت کا مرکزی اجتماع
رومیل الیاس: آج شہربھرمیں مسیحی برادری پام سنڈےجوش و جذبہ سےمنانےمیں مصروف رہی۔ سیکرڈہارٹ کیتھیڈرل چرچ ریگل چوک اور این ایس پی چرچ کریم نگر میں پام سنڈے کی خصوصی عبادت کااہتمام کیا گیا۔ آرچ بشپ آف لاہوربشپ سبیسٹین فرانسس شا کی قیادت میں پام سنڈےکی عبادت انجام دی گئی جس مین مسیحیوں کی بڑی تعداد نے شرکت کی۔
آرمی چیف سے امریکی کانگریس کے وفد کی ملاقات، سکیورٹی و دفاعی تعاون پر تبادلہ خیال
مسیحی برادری کی جانب سے کریم نگر میں پام سنڈے کا جلوس نکالا گیا،پام سنڈے جلوس پاسٹر گلزار کی قیادت میں نکالا گیا۔
خیال رہے کہ پاکستان میں پام سنڈے کو کھجوروں کا اتوار کہا جاتا ہے۔مسیحی مرد و خواتین اور بچے ہاتھوں میں کھجوروں کی ڈالیاں تھامے شریک ہوئے ،جلوس میں مسیحی بچوں کی جانب سے خصوصی گیت پیش کیے گئے۔گرجاگھروں میں سکیورٹی کےفول پروف انتظامات کئے گئے۔
چیئرمین پی پی بلاول بھٹو زرداری دبئی روانہ