موٹروے ایم 5 اوچ شریف سے رحیم یار خان تک دھند کے باعث بند
اشاعت کی تاریخ: 23rd, January 2025 GMT
لاہور:
موٹروے پولیس کے ترجمان سید عمران احمد نے بتایا کہ موٹروے ایم 5 اوچ شریف سے رحیم یار خان تک دھند کی شدت کے باعث بند کر دی گئی ہے۔
انہوں نے مزید کہا کہ موٹرویز کو عوام کی حفاظت اور محفوظ سفر کی ضمانت کے لیے بند کیا جاتا ہے، کیونکہ دھند میں لین کی خلاف ورزی کے باعث حادثات کا خطرہ بڑھ جاتا ہے۔
ترجمان نے روڈ یوزرز کو ہدایت کی کہ وہ دھند میں لین ڈسپلن کو برقرار رکھیں اور اپنی گاڑیوں میں آگے اور پیچھے دھند والی فوگ لائٹس کا استعمال کریں۔
انہوں نے کہا کہ شہریوں کو سفر کے لیے دن کے اوقات کی ترجیح دینی چاہیے، خصوصاً صبح 10 بجے سے شام 6 بجے تک، جب کہ دھند کے موسم میں یہ سب سے بہتر سفری اوقات ہیں۔
موٹروے پولیس نے عوام سے درخواست کی کہ وہ غیر ضروری سفر سے گریز کریں اور تیز رفتاری سے پرہیز کریں۔ ڈرائیور حضرات کو اگلی گاڑی سے مناسب فاصلہ رکھنے کی بھی ہدایت کی گئی ہے۔ معلومات اور مدد کے لیے ہیلپ لائن 130 پر رابطہ کیا جا سکتا ہے۔
.ذریعہ: Express News
پڑھیں:
قبرستان آنے والے عوام کو ہر ممکن سہولت فراہم کریں ‘سید محمد مظفر
چیئرمین ناظم آباد ٹائون محمد مظفر ‘وائس چیئرمین نعمان صدیقی کے ہمراہ مختلف قبرستانوںکادورہ کررہے ہیںکراچی (اسٹاف رپورٹر) چیئرمین ناظم آباد ٹائون سید محمد مظفر کاوائس چیئرمین نعمان صدیقی کے ہمراہ ناظم آباد ٹائون میں قائم مختلف قبرستانوں کا دورہ،جس میں پاپوش نگر قبرستان، کھجی گراونڈ قبرستان، اور خاموش کالونی قبرستان شامل ہیں،ا س موقع پر،ڈائریکٹر سینی ٹیشن ظہیر احمد، ڈائریکٹر پارکس آصف حسین، بی اینڈ آر کے عثمان، XEN واٹر اینڈ سیوریج بورڈ کے ظفر ملک و دیگر بلدیاتی افسران بھی موجود تھے،انہوں نے قبرستانوں کی گزرگاہوں پر صفائی ستھرائی،گڑھوں کی بھرائی اور روشنی کے انتظامات کا بھی تفصیلی جائزہ لیا اور موقع پر افسران کو ہدایت جاری کرتے ہوئے کہا کہ عزیز و اقارب کی قبروں پر فاتحہ خوانی کی غرض سے آنے والے افرادکو ہر ممکنہ سہولت فراہم کی جائے، اس سلسلے میں ناظم آبادٹائون کا محکمہ سینی ٹیشن کا عملہ قبرستان اور ان کے اطراف صفائی،ستھرائی،محکمہ پارکس کا عملہ قبرستانوں میں خودرو جھاڑیوں کی چٹھائی، محکمہ الیکٹریکل کا عملہ قبرستانوں کے اطراف روشنی کے مناسب انتظامات کرنے میں مصروف ہے، جبکہ محکمہ بی اینڈ آر کا عملہ قبرستان کو جانے والی گزرگاہوں کی مرمت او درستگی کے کاموں میں مصروف ہے تاکہ عوام کو کسی قسم کی پریشانی و مشکلات نہ پیش آئیں۔
لائیواسٹاک نمائش : کیٹل فارم میں کرنٹ لگنے سے قیمتی جانور ہلاک