صارم اغوا اور قتل میں ملزمان کی عدم گرفتاری پر احتجاج، پولیس کی 2 روز میں پیشرفت کی یقین دہانی
اشاعت کی تاریخ: 22nd, January 2025 GMT
کراچی:
شہر قائد کے علاقے نارتھ کراچی سے اغوا اور زیادتی کے بعد قتل ہونے والے 7 سالہ صارم کے ورثا نے ملزمان کی عدم گرفتاری پر احتجاج کیا ہے۔
صارم قتل میں ملزمان کی عدم گرفتاری پر ورثا نے سڑک بلاک کر کے احتجاج کیا جبکہ پولیس افسران کی جانب سے ورثا کو یقین دہانی کرائی گئی کہ غفلت و لاپرواوہی برتنے والے پولیس افسران کے خلاف قانون ک مطابق کارروائی کی جائے گی اور اغوا اور قتل میں ملوث ملزمان کو جلد گرفتار کرنے کی ہر ممکن کوشش کرینگے جس کے بعد ورثا نے احتجاج موخر کر دیا۔
تفصیلات کے مطابق بلال کالونی کے علاقے نارتھ کراچی سیکٹر فائیو کے بیت العنم کے مکینوں نے کمسن صارم کے اغوا اور قتل میں ملوث ملزمان کی عدم گرفتاری پر چوہدری فضل الہی روڈ صائمہ فلیٹ چوک جانب پاور ہاؤس چورنگی ٹریفک کے لیے بند کر کے احتجاج کیا گیاْ
مظاہرین نے پولیس اور انتظامیہ کے خلاف شدید نعرے بازی کی، احتجاج کا سلسلہ کئی گھنٹے تک جاری رہا۔
مقتول صارم کے والد کا کہنا تھا کہ پوسٹ مارٹم کی رپورٹ کے مطابق لاش پانچ دن پرانی تھی جبکہ بچے کو گیارہ روز قبل گرفتار کیا گیا تھا، جب تک بچہ زندہ تھا پولیس نے کیا انویسٹی گیشن کی؟
ان کا کہنا تھا کہ کیا وجہ ہے کہ اس سے پہلے پولیس نے بچے کو بازیاب نہیں کرایا، انویسٹی گیشن پولیس یا لیڈی پولیس گھر میں آتی تھی الماریاں کھلی دیکھ کر واپس چلی جاتی تھی۔
ان کا کہنا تھا کہ پہلے پولیس افسر سلیم یہ بولتے رہے کہ ہم صارم کو ڈھونڈ رہے ہیں تفتیش جاری ہے اب جبکہ صارم کی لاش مل گئی تو ملزم کی گرفتاری کے لیے بھی تفتیش جاری ہے یہ کسی انویسٹی گیشن تھی۔
بچے کے والد کا کہنا تھا کہ کچھ لوگوں کو گرفتار کیا گیا ہے ان کی ڈی این اے ٹیسٹ کی رپورٹ آنے کے بعد ہی قاتلوں کا تعین کیا جائے گا۔
بعدازاں ایس ایس پی سینٹرل دیگر پولیس افسران کے ہمراہ موقع پر پہنچے اور مظاہرین سے کامیاب مذاکرات کیے جس پر ورثا اور مکینوں نے احتجاج مؤخر کردیا۔
مظاہرین کا کہنا تھا ہمارے پولیس افسران سے بات چیت ہوئی ہے ان کا کہنا تھا کہ ہم دو سے تین دن میں انکوائری رپورٹ مکمل کر کے افسران بالا کو پیش کرینگے۔
مکینوں کے مطابق افسران نے یقین دہانی کرائی ہے کہ اس حوالے سے ایس ایچ او یا آئی او نے کسی قسم کی غفلت یا لاپرواہی کی ہوگی اس کے خلاف قانون کے مطابق کارروائی عمل میں لائی جائے گی۔
بعدازں ورثا نے فلحال احتجاج موخر کر دیا، تاہم ملزمان کی اگر گرفتاری عمل میں نہیں لائی گئی تو دو دن بعد دوبارہ احتجاج کرینگے۔
.ذریعہ: Express News
کلیدی لفظ: ملزمان کی عدم گرفتاری پر کا کہنا تھا کہ پولیس افسران اغوا اور کے مطابق قتل میں
پڑھیں:
رواں سال لاہور پولیس کی کارکردگی کیا رہی ؟ رپورٹ جاری
لاہور:لاہور پولیس نے رواں سال شہر میں ہونے والی پولیس کارروائیوں اور جرائم کے سدباب کے حوالے سے اپنی رپورٹ جاری کر دی ہے۔
ترجمان لاہور پولیس کے مطابق رواں سال 8 ہزار440 سے زائد اشتہاری مجرمان 6 ہزار670 عدالتی مفرور اور2 ہزار900 سے زائد عادی مجرمان گرفتار کیے گئے۔
کینٹ ڈویژن سے1849،سول لائنزسے742، سٹی سے1751، اقبال ٹاؤن سے1728، صدرسے1154اورماڈل ٹاؤن سے1219اشتہاری مجرمان گرفتارکئے گئے۔
کینٹ ڈویژن سے1260،سول لائنزسے792، سٹی سے1412، اقبال ٹاؤن سے1898، صدرسے 641اورماڈل ٹاؤن سے667عدالتی مفرور زیر حراست لیے گئے۔
کینٹ ڈویژن سے426،سول لائنزسے246، سٹی سے911، اقبال ٹاؤن سے720، صدرسے 322اورماڈل ٹاؤن سے278عادی مجرمان پابند سلاسل کیے گئے۔
سی سی پی او لاہور بلال صدیق کمیانہ کا کہنا ہے کہ اشتہاری و عادی مجرمان کے خلاف کارروائیاں جاری ہیں، اشتہاری و عادی مجرمان کی گرفتاری سے کرائم کنٹرول میں بہتری آئی ہے۔
انہوں نے ہدایت کی کہ اشتہاریوں کی گرفتاری کیلئے جاری کارروائیوں کو مدعیوں سے مسلسل رابطےاور انفارمیشن شیئرنگ سے مزید موثر بنایا جائے اور جرائم کی روک تھام اور اشتہاری مجرمان کی گرفتاری کے لیے ہارڈ کور پولیسنگ اپنائی جائے۔
بلال صدیق کمیانہ نے لاہور پولیس کو ہدایت کی کہ مجرمان کی گرفتاری کیلئے آپریشنزاور انوسٹی گیشن ونگز مشترکہ کارروائیاں کریں، ہیومن انٹیلی جنس اورجدید ٹیکنالوجی کی مدد سے اشتہاری مجرمان کو قانون کے کٹہرے میں لایا جائے۔
سی سی پی او کا مزید کہنا تھا کہ موثرتفتیش سے مقدمات کے چالان جلدمکمل کرکے مجرمان کو قرارواقعی سزائیں دلوائی جائیں، اشتہاری و عادی مجرمان اور عدالتی مفروران کی گرفتاری کیلئے سوشل میڈیا پلیٹ فارمز پر بھی نظر رکھی جائے۔
مرزا سلمان بیگ کیخلاف جنسی ہراسگی کی درخواست ثبوت نہ ہونے پر خارج