جی ایچ کیو حملہ کیس، عجیب و غریب چارج فریم کیا گیا ہے، فیصل چوہدری
اشاعت کی تاریخ: 22nd, January 2025 GMT
فائل فوٹو
بانی چیئرمین پاکستان تحریک انصاف (پی ٹی آئی) کے وکیل فیصل چوہدری نے کہا ہے کہ 9 مئی جی ایچ کیو حملہ کیس میں عجیب و غریب قسم کا چارج فریم کیا گیا ہے۔
اڈیالہ جیل راولپنڈی کے باہر میڈیا سے گفتگو میں بانی پی ٹی آئی کے وکیل نے کہا کہ جی ایچ کیو حملہ کیس میں مضحکہ خیز قسم کی کارروائی کی جارہی ہے۔
انہوں نے کہا کہ کیس میں عجیب و غریب قسم کا چارج فریم کیا گیا اور کہا گیا کہ بانی پی ٹی آئی کی ایما اور سازش پر حملہ ہوا۔
انسداد دہشت گردی عدالت (اے ٹی سی) راولپنڈی میں 9 مئی جی ایچ کیو حملہ کیس مشال یوسفزئی کو وکالت نامہ جمع کرانا مہنگا پڑگیا۔
بانی پی ٹی آئی کے وکیل نے مزید کہا کہ جو گواہ ریکارڈ ہوئے، اُن دونوں کے بیان ایک جیسے ہیں، پراسیکیوشن کو ایک خاتون وکیل سے اتنی تکلیف نہیں ہونی چاہیے۔
اُن کا کہنا تھا کہ خاتون وکیل کے معطل لائسنس پر وکالت نامہ کرانے کا معاملہ لیگل کمیٹی دیکھے گی، مشال نے عدالت کو آگاہ کیا کہ لائسنس بحال ہوگیا، مشال بشریٰ بی بی کی ترجمان ہیں۔
پاکستان تحریک انصاف (پی ٹی آئی) رہنما مشال یوسفزئی نے کہا ہے کہ یہ اپنوں اور پرائوں کی ملی بھگت کی سازش ہے۔
فیصل چوہدری نے یہ بھی کہا کہ 26ویں آئینی ترمیم پر بانی پی ٹی آئی نے کہا کہ ہم خدشات کا اظہار کرتے رہے ہیں، ہم قانون کی حکمرانی، آزاد عدلیہ اور میڈیا، انٹرنیٹ کی بحالی چاہتے ہیں۔
انہوں نے کہا کہ انٹرنیٹ میں تعطل کے باعث 1 اعشاریہ 70 ارب ڈالر کا آئی ٹی کا نقصان ہوچکا ہے، پاکستانیوں کےلیے بانی پی ٹی آئی ہمیشہ درد دل رکھتے ہیں، بانی پی ٹی آئی نے بشریٰ بی بی کےخلاف سوشل میڈیا مہم کی سخت مذمت کی ہے۔
وکیل نے بتایا کہ بانی چیئرمین نے کہا سپریم کورٹ میں تعصب کی فضا ہوگی تو نظام انصاف کےلیے فائدہ مند نہیں، انسانی حقوق کی ہماری پٹیشنز عدالت عظمیٰ میں زیرالتوا پڑی ہیں۔
انسداد دہشت گردی عدالت (اے ٹی سی) راولپنڈی میں 9 مئی جی ایچ کیو حملہ کیس اڈیالہ جیل میں سماعت ہوئی۔
ان کا کہنا تھا کہ ہم چاہتے ہیں آئینی بینچ ان پٹیشنز کو فوری طور پر سنے، حکومت کو خدشہ ہے عدلیہ ان پٹیشنز کو سن نہ لے، کل صبح تک پٹیشنز کو جلد سننے کے لیے آئینی بینچ کو خط بھیج دیے جائیں گے۔
فیصل چوہدری نے کہا کہ بانی نے سعودی جیلوں سے پاکستانیوں کی رہائی پر محمد بن سلمان کا شکریہ ادا کیا اور کہا کہ پاکستان انسان حقوق اور عدم تشدد کے عالمی معاہدوں پر عمل درآمد کا پابند ہے، ہم آزاد جوڈیشل کمیشن چاہتے ہیں جو 9 مئی واقعات اور 26 نومبر کے واقعات کو سنے۔
.ذریعہ: Jang News
کلیدی لفظ: مئی جی ایچ کیو حملہ کیس بانی پی ٹی ا ئی فیصل چوہدری نے کہا کہ
پڑھیں:
ایک ملازم ایسا بھی ہے جس کے انکریمنٹ لگ لگ کر مراعات جج کے برابر ہو چکیں،وکیل درخواستگزارکے ہائیکورٹ چیف جسٹسز کے اختیارات سے متعلق کیس میں دلائل
اسلام آباد(ڈیلی پاکستان آن لائن)سپریم کورٹ میں ہائیکورٹ چیف جسٹسز کے اختیارات سے متعلق کیس میں وکیل درخواست گزار نے کہاکہ چیف جسٹسز نے بعض ملازمین کو ایک کروڑ کا انکریمنٹ دیا، ایک ملازم ایسا بھی ہے جس کے انکریمنٹ لگ لگ کر مراعات جج کے برابر ہو چکیں،ایک شخص کیلئے ایک ہی دن میں 3،3نوٹیفکیشنز ہوتے ہیں۔
نجی ٹی وی چینل ایکسپریس نیوز کے مطابق سپریم کورٹ میں ہائیکورٹ چیف جسٹسز کے اختیارات سے متعلق کیس کی سماعت ہوئی،ایڈیشنل ایڈووکیٹ جنرل نے کہا کہ پنجاب ہائیکورٹ کا جواب جمع ہو چکا ہے،جسٹس جمال مندوخیل نے کہاکہ جب تک ہائیکورٹ کے رولز نہیں بنیں گے ایسا ہی چلے گا، درخواست گزار نے کہاکہ چیف جسٹسز نے بعض ملازمین کو ایک کروڑ کا انکریمنٹ دیا، ایک ملازم ایسا بھی ہے جس کے انکریمنٹ لگ لگ کر مراعات جج کے برابر ہو چکیں،ایک شخص کیلئے ایک ہی دن میں 3،3نوٹیفکیشنز ہوتے ہیں۔
پی اے ایف مسرور بیس پر حملے کی بڑی سازش ناکام بنادی گئی
جسٹس جمال مندوخیل نے کہاکہ ہمیں اپنے اختیارات کو ہضم کرنا چاہئے،جسٹس حسن اظہر رضوی نے کہاکہ جواب میں الزامات سے انکار نہیں کیا گیا، جسٹس محمد علی مظہر نے کہاکہ درخواست میں شواہد صرف لاہور ہائیکورٹ سے متعلق ہیں،بہتر ہوگا درخواست کو صرف لاہور ہائیکورٹ تک محدود رکھیں،جسٹس حسن رضوی نے کہاکہ ہائیکورٹ نے درخواستگزار کے الزامات کو تسلیم کرلیا، عدالت نے درخواستگزار کو ہدایت کی کہ درخواست میں ترامیم کرلیں،ہائیکورٹ کی جانب سے بھی اپنا وکیل کرلے،عدالت نے کیس کی مزید سماعت3ہفتوں کیلئے ملتوی کردی۔
مزید :
افغان مہاجرین کی واپسی، یکم اپریل سے اب تک 1355 تارکین وطن واپس بھیجے جاچکے