افسران کی گریڈ 17سے 18میں ترقی کیلئے ڈیپارٹمنٹل پروموشن کمیٹی کا کل ہونے والا اجلاس ری شیڈول ، نوٹیفکیشن سب نیوز پر
اشاعت کی تاریخ: 22nd, January 2025 GMT
افسران کی گریڈ 17سے 18میں ترقی کیلئے ڈیپارٹمنٹل پروموشن کمیٹی کا کل ہونے والا اجلاس ری شیڈول ، نوٹیفکیشن سب نیوز پر WhatsAppFacebookTwitter 0 22 January, 2025 سب نیوز
اسلام آباد (سب نیوز)وفاقی حکومت کی طرف سے افسران کی گریڈ 17سے 18میں ترقی کیلئے ڈیپارٹمنٹل پروموشن کمیٹی کا 23جنوری کو طلب کیا گیا اجلاس ری شیڈول کر دیا گیا ، اجلاس اب 29جنوری بروز بدھ کو صبح دس بجے منعقد ہو گا ۔ اس سے قبل یہ اجلاس 23جنوری کو صبح 10 بجے اسٹیبلشمنٹ ڈویژن میں طلب کیا گیا۔
ڈیپارٹمنٹل پروموشن کمیٹی کے اجلاس کو ری شیڈول کرنے کا نوٹیفکیشن بھی جاری کر دیا گیا ہے ، ڈیپارٹمنٹل پروموشن کمیٹی کے اجلاس کی سربراہی سیکریٹری اسٹیبلشمنٹ ڈویژن انعام اللہ خان دھاریجو کریں گے، اجلاس میں پاکستان ایڈمنسٹریٹو سروس، پولیس سروس اور آفس مینجمنٹ گروپ کے گریڈ 17کے افسران کی گریڈ 18میں ترقیوں کا جائزہ لیا جائیگا ۔ اسٹیبلشمنٹ ڈویژن کے مطابق پاکستان ایڈمنسٹریٹو سروس گروپ کے گریڈ 17کے 50اور پولیس سروس کے 20آفیسرترقی کیلئے پینل پر موجود ہیں۔
ذرائع کے مطابق پولیس سروس گروپ کے گریڈ17کے جن 20افسروں کے نام ترقی کیلئے زیر غور آئیں گے ان میں عدیل اکبر،محمد مراد،عاطف ا میر،کیپٹن (ر)سردار محمد شہر یار خان،عثمان امین چیمہ ،فلائٹ لیفٹنٹ(ر)ذ یشان علی،رانا محمد دلاور،شہزاد اکبر،خدیجہ عمر،احمد طلحہ ولی،حسین وارث،مس انعم تجمل۔ اختر نواز،عادل عامر،محمد عثمان،اویس علی خان ، کائنات اظہر ،ر حمن اللہ ،خرم مہیسر اور عبد اللہ خان شامل ہیں۔پا کستان ایڈ منسٹر یٹو سروس سے تعلق رکھنے والے گریڈ 17کے جن 50افسران کے نام ترقی کیلئے زیر غور اآئیں گے۔ ان افسروں میں نعمان اصغر ،عمر حیات گوندل ،انیشہ ہشام،نادر شہزاد خان،فیصل نور،کیپٹن(ر)عبد الوہاب خان،زارا زاہد،ابرار احمد، مچل نعیم ،شگفتہ جبین، محمد ابراہیم شاہ، انیق انور،نبیل احمد میمن ،محمد ماجد الطاف،سیمل مشتاق،عیسی خان،کیپٹن (ر)اریب احمد مختار،زینب طاہر، حسن ظفر، صاحبزادہ محمد یوسف، لبیقہ اکرم،فلائٹ لیفٹنٹ (ر)خالد شمس ملیحہ سحر،حافظ محمد ذ یشان ارشد، عائشہ خان ،نادیہ نواز،فلائٹ لیفٹنٹ (ر) خذیمہ انور،تنویر احمد،سید ابرار علی شاہ،عمار شاکر ججہ،فرحان احمد،محمد ابو بکر،اذکیفاطمہ ،شذہ رحمن،محمد عاطف جالب ،کیپٹن(ر)چوہدری اویس افضل،قر العین،ثنا طارق سید،فضہ ارشد،اننعم فاطمہ،آ منہ احسان،ساگر کمار،علوینہ فیض،عبد اللہ خان،کامران صغیر،سارہ امجد،فضل الر حمن ،صدام حسین میمن ،سلمون اور محمد عثمان اشرف شامل ہیں۔
ذریعہ: Daily Sub News
کلیدی لفظ: افسران کی گریڈ ترقی کیلئے ری شیڈول سب نیوز
پڑھیں:
توشہ خانہ ایکٹ 2024 پر نظر ثانی کیلئے خواجہ آصف کی سربراہی میں کمیٹی قائم
اسلام آباد: وزیراعظم شہباز شریف کے زیر صدارت وفاقی کابینہ کے اجلاس میں اہم فیصلے کئے گئے، اجلاس کا اعلامیہ جاری کر دیا گیا۔
وزیراعظم کے زیر صدارت وفاقی کابینہ کا اجلاس وزیراعظم ہاؤس میں ہوا، اجلاس میں پاکستان میں کام کرنے والے بیرون ملک کے 86 پائلٹس کے لائسنسز کی توثیق میں 2 سال توسیع کی منظوری دی گئی۔
اعلامیہ کے مطابق 2025 میں نئے پائلٹس کی شمولیت کی فارن ویلیڈیشن میں 3 سال کی توسیع کی منظوری کورونا اور پاکستانی پائلٹس پر پابندی کی وجہ سے بیرون ملک سے پائلٹس کی خدمات حاصل کرنا پڑیں، کابینہ ڈویژن کی سفارش پر مکمل قانونی کارروائی کے بعد عمل درآمد کیا جائیگا۔
اجلاس میں توشہ خانہ ایکٹ 2024 پر نظر ثانی کیلئے وزیر دفاع خواجہ آصف کی سربراہی میں کمیٹی تشکیل دی گئی، نیشنل سیڈ ڈویلپمنٹ اینڈ ریگولیٹری اتھارٹی کے چیئرمین، ممبران کی تعیناتی کے حوالے سے قواعد و ضوابط کی منظوری دی گئی۔
اعلامیہ کے مطابق پریوینشن آف الیکٹرانک کرائمز ایکٹ 2016 کی ذمہ داری وزارت آئی ٹی سے وزارت داخلہ کو منتقل کرنے کیلئے رولز ترمیم اور نیپرا اپیلٹ ٹریبونل کے ممبر فنانس کے طور پر ڈاکٹر عمار حبیب خان کی تعیناتی کی منظوری دی گئی۔
وفاقی کابینہ کے اجلاس میں یوٹیلیٹی سٹورز کارپوریشن کی تعمیر نو کے عمل کو تیز کرنے اور موثر نگرانی کیلئے کمیٹی تشکیل دی گئی۔
وزیر اعظم شہباز شریف نے کہا کہ پرائم منسٹر ریلیف پیکیج مستحقین تک پہنچانے کے لیے نئی مؤثر حکمت عملی بنائی جائے۔
اجلاس میں اقتصادی رابطہ کمیٹی کے 6 جنوری 2025 اور 17 جنوری 2025 کے اجلاس میں کئے گئے فیصلوں کی توثیق کی گئی۔
ہفتہ وار مہنگائی میں کمی، ادارہ شماریات نے رپورٹ جاری کر دی