بشریٰ بی بی کی ترجمان مشعال یوسف زئی یا مسرت جمشید چیمہ؟ پی ٹی آئی میں نیا تنازع
اشاعت کی تاریخ: 22nd, January 2025 GMT
پاکستان تحریک انصاف (پی ٹی آئی) کے بانی عمران خان کی اہلیہ بشریٰ بی بی کا ترجمان کون ہے؟ پارٹی میں نئے تنازعے نے جنم لے لیا۔
وزیراعلیٰ خیبرپختونخوا کی سابق معاون خصوصی مشعال یوسف زئی کے مطابق عمران خان نے انہیں بشریٰ بی بی کا ترجمان نامزد کیا ہے، جبکہ مسرت جمشید کا دعویٰ ہے کہ بانی پی ٹی آئی نے اپنی اہلیہ کی کی ترجمانی کی ذمہ داری انہیں سونپی ہے۔
یہ بھی پڑھیں بشریٰ بی بی نے ہر صورت ڈی چوک جانے کا فیصلہ کیوں کیا؟ ترجمان مشعال یوسف زئی نے سب بتادیا
مسرت جمشید چیمہ کا کہنا ہے کہ مشعال یوسف زئی کو بشریٰ بی بی کے صرف لیگل معاملات دیکھنے کا کہا گیا ہے۔
اس حوالے سے عمران خان کے وکیل فیصل چوہدری نے کہاکہ پارٹی کی جانب سے کسی کو بھی بشریٰ بی بی کا ترجمان بنایا جا سکتا ہے، اس حوالے سے کوئی نوٹیفکیشن سامنے آیا تو بات کروں گا۔
واضح رہے کہ آج جی ایچ کیو حملہ کیس میں مشعال یوسف زئی کا وکالت نامہ چیلنج کیا گیا، اور عدالت نے اس معاملے پر شوکاز نوٹس جاری کیا۔
اڈیالہ جیل کے باہر گفتگو کرتے ہوئے مشعال یوسف زئی نے کہاکہ میں کچھ لوگوں کے لیے تھریٹ بنی ہوئی ہوں، اپنے اور پرائے میرا جیل میں داخلہ روکنے کی کوشش کررہے ہیں۔
انہوں نے کہاکہ بشریٰ بی بی کی ترجمان میں تھی اور میں ہی رہوں گی، مسرت جمشید چیمہ کو کسی نے یہ ذمہ داری نہیں سونپی۔
یہ بھی پڑھیں مشعال یوسف زئی نئی فرح گوگی ہیں، عمران خان کی بہن بشریٰ بی بی کے خلاف سامنے آگئیں
صحافی نے جواب سوال کیاکہ آپ کے راستے میں کون روڑے اٹکا رہا ہے تو اس پر ان کا کہنا تھا کہ یہ باتیں پردے میں ہی رہنے دیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بشریٰ بی بی پی ٹی آئی ترجمان دعویٰ عمران خان مسرت جمشید چیمہ مشعال یوسف زئی نیا تنازع وی نیوز.ذریعہ: WE News
کلیدی لفظ: پی ٹی ا ئی دعوی مسرت جمشید چیمہ مشعال یوسف زئی نیا تنازع وی نیوز مسرت جمشید چیمہ مشعال یوسف زئی پی ٹی ا ئی
پڑھیں:
القادر کی 500 کنال زمین عمران خان اور بشریٰ بی بی کی ملکیت ہے، عرفان صدیقی
سینیٹر عرفان صدیقی نے کہا ہے کہ القادر ٹرسٹ وجود ہی نہیں رکھتا، نہ یہ رجسٹرڈ ہے، اس ٹرسٹ کے نام پر 500 کنال زمین عمران خان اور بشریٰ بی بی کی ملکیت ہے۔
سینیٹ اجلاس میں اظہار خیال کرتے ہوئے سینیٹر عرفان صدیقی نے کہا کہ اگر کوئی ادارہ دینی تعلیم دے رہا ہے یا نبی کریم ﷺ کی تعلیمات کو فروغ دے رہا ہے تو یہ بات کیسے ہوسکتی ہے کہ کسی حکومت کے لیے یا کسی بھی ادارے کے لیے کہ وہ اس کو منہدم کردے یا اس کے خلاف ہوجائے، یہ تصور بھی کیسے کیا جاسکتا ہے۔
یہ بھی پڑھیں: کئی دروازوں سے مذاکرات نہیں چلا کرتے، عرفان صدیقی کی پی ٹی آئی پر شدید تنقید
عرفان صدیقی نے کہا کہ پاکستان میں 20 ہزار سے زائد مدارس رجسٹرڈ ہیں، یہ سارے مدارس نبی کریم کی تعلیمات کو فروغ دے رہے ہیں، کسی مدرسے کو بند نہیں کیا جاتا، جہاں تک اپوزیشن جس ادارے کی بات کررہی ہے، اس کے ساتھ کچھ اور متعلقات جڑے ہوئے ہیں۔
’معاملہ یہ ہوا ہے کہ ایک ٹرانزیکشن جو یوکے سے ہوئی، ایک دعویٰ یہ ہے کہ وہ ریاست کا پیسہ تھا، دوسرا کلیم یہ ہے کہ وہ ملک ریاض کا ہی پیسہ تھا جو ان کے اکاؤنٹ میں چلا گیا، اگر اس وقت کی حکومت نے ملک ریاض کو کوئی رعایت نہیں دی اور ان اپوزیشن کے بقول برطانیہ کی کرائم ایجنسی نے ان کا حق،ان کو دے دیا گیا۔‘
ان کا کہنا تھا کہ اگر پی ٹی آئی حکومت نے ملک ریاض کو رعایت نہیں دی تو ملک ریاض نے 500 کنال زمین اس ٹرسٹ کو کیوں دے دی جس کو جنم لیے ہوئے بھی ابھی 4 دن نہیں ہوئے تھے۔‘
یہ بھی پڑھیں: پی ٹی آئی سے مذاکرات میں موجودہ صورتحال کی ذمہ دار ن لیگ نہیں، عرفان صدیقی
انہوں نے کہا کہ القادر کیس کے فیصلے میں سب کچھ لکھا ہوا ہے، فرحت نامی شہزادی کو بنی گالہ میں 240 کنال زمین دی گئی، وہ کس خوشی میں انہیں دی گئی، پی ٹی آئی کہہ رہی ہے کہ عمران خان نے اس سے ایک پائی کا فائدہ نہیں اٹھایا، تو میرا سوال ہے کہ یہ جو سینکڑوں کنال زمین دی گئی ہے، یہ پتا نہیں پائی میں ملتی ہے یا پیسے میں، ڈالرز میں یا پاؤنڈز میں ملتی ہے، اس کی کوئی قیمت ہے نہ۔
عرفان صدیقی نے کہا کہ جو ٹرسٹ بنایا گیا، وہ ٹرسٹ وجود ہی نہیں رکھتا، 2020 یا 2021 میں پی ٹی آئی حکومت نے ایک قانون بنایا کہ سارے ٹرسٹ نئے سرے سے رجسٹرڈ ہوں گے، القادر ٹرسٹ آج تک رجسٹرڈ نہیں ہے، لہذا یہ ساری ملکیت عمران خان اور ان کی اہلیہ کی ملکیت ہے۔
’حضورﷺ کی سیرت کے لیے کردار و عمل چاہیے‘’اس کے 4 ٹرسٹی تھے، جن میں سے 2 فارغ کردیے گئے ہیں اور 2 اس کے مالک بن چکے ہیں، کہنے کا مطلب یہ ہے کہ حضورﷺ کی سیرت کے لیے کردار و عمل چاہیے، اس کے لیے صرف شلوار قیمض نہیں چاہیے، اس کے لیے لب و لہجہ اور طرز عمل چاہیے، اس کے لیے اسوہ حسنہ کی تلقین چاہیے جو حضورﷺ نے دیا تھا، یہ صرف شلواروں، قمیضوں سے نہیں آتی۔‘
یہ بھی پڑھیں: القادر ٹرسٹ کیس کا فیصلہ، ملک ریاض کو سزا کیوں نہ ہوئی؟
انہوں نے کہا کہ میں ان انگوٹھیوں، ہیروں اور جواہرات کا ذکر نہیں کررہا، اس میں جو پیسہ آیا ہے، اگر اس کا رشتہ جاکے ایسے ادارے کے ساتھ جڑتا ہے اس ادارے کے ساتھ، جس کو آپ اب کہہ رہے ہیں کہ وہ یونیورسٹی ہے، وہ یونیورسٹی نہیں تھی وہ صرف ایک کالج ہے جو لاہور کے ایک کالج سے جڑا ہوا ہے۔
’عمران خان حکومت میں نہیں تھے تو انہوں نے بڑے اچھے کام کرلیے‘ان کا کہنا تھا کہ یہ کیا کوئی آپ دیوبند یا علی گڑھ کھولنے جارہے تھے، یہ کیا ہے، 4 سالوں میں صرف 200 بچے وہاں پڑھ رہے ہیں، وزیراعظم کو اختیار ہے کہ وہ پورے ملک کے اندر یونیورسٹیوں کے جال بچھا سکتا ہے۔
عرفان صدیقی نے کہا کہ ٹرسٹ کا کام وہ لوگ کرتے ہیں جو حکومتوں میں نہیں ہوتے، جیسے عمران خان نہیں تھے تو انہوں نے بڑے اچھے کام کرلیے، جیسے عبدالستار ایدھی نے کام کرلیا، جو حکومت میں ہوتا ہے وہ پورے ملک میں یونیورسٹیاں کھول سکتا ہے، اس کو کیا پڑی ہے کہ جس کو وہ رعایت دیتے ہیں اس کے ساتھ مل کے وہ ایک ادارہ کھڑا کریں۔
انہوں نے مزید کہا کہ القادر کیس کے فیصلے میں حقائق کو پڑھیں، اس میں کوئی ہوائی چیز نہیں ہے، ساری کی ساری چیزیں فی الواقعی موجود ہیں، ہمیں کسی ادارے سے کوئی دشمنی نہیں ہے، نہ دینی تعلیم سے دشمنی ہے، یہ چیزیں نہ لائیں بیچ میں، سیاست ہے تو سیاست ہی رہنے دو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news القادر ٹرسٹ کیس بشریٰ بی بی پاکستان پی ٹی آئی سینیٹ اجلاس عرفان صدیقی عمران خان مسلم لیگ ن
دنیا کو بتانا چاہتے ہیں عمران خان نے کوئی جرم نہیں کیا، ہائیکورٹ میں اپیل کریں گے، بیرسٹرگوہر