پیکا ایکٹ ترمیمی بل قومی اسمبلی میں پیش، فیک نیوز پر 20لاکھ روپے جرمانہ اور 5 سال کی سزا ہو گی
اشاعت کی تاریخ: 22nd, January 2025 GMT
وفاقی حکومت نے پیکا (دی پریوینشن آف الیکٹرانک کرائم ایکٹ ) میں مزید ترامیم کے لیے نیا بل قومی اسمبلی میں پیش کر دیا۔
قومی اسمبلی کے اجلاس کی صدارت اسپیکر سردار ایاز صادق نے کی، وزیر قانون اعظم نذیر تارڑ نے پیکا ایکٹ ترمیمی بل 2025 ایوان میں پیش کیا۔
ذرائع کے مطابق پیکا ایکٹ ترمیمی بل 2025 میں سوشل میڈیا اور جعلی خبروں سے متعلق اہم قانون سازی کی جا رہی ہے۔ اس بل میں جعلی خبریں پھیلانے کے حوالے سے سزاؤں اور جرمانوں کا تعین بھی کیا جائے گا، جس میں فیک نیوز پھیلانے والوں کو 20لاکھ روپے جرمانہ اور پانچ سال تک قید کی سزا دی جانے کی تجویز پیش کی گئی ہے۔
قومی اسمبلی سے خطاب میں وزیر قانون اعظم نذیر تارڑ نے کہا کہ اگر مقررہ مدت میں مقدمات کا فیصلہ نہیں ہو پاتا تو اس کے سنگین نتائج سامنے آئیں گے، اور ٹرائل کورٹ کو مقدمات کا فیصلہ چھ ماہ سے ایک سال کے اندر مکمل کرنا ہو گا۔
وزیر قانون نے اپوزیشن پر شدید تنقید کرتے ہوئے کہا کہ وہ عوامی مسائل سے بے پرواہ ہیں، اور صرف یہاں آ کر لابی میں کھانے کھاتے ہیں یا ایک فرد کی رہائی کے نعرے لگاتے ہیں جبکہ ایوان میں بار بار کورم کی نشاندہی کرتے ہیں۔
انہوں نے کہا کہ عوام کو نظام انصاف میں مشکلات کا سامنا ہے اور وہ اس ایوان سے ان مشکلات کے حل کی توقع رکھتے ہیں کیونکہ موجودہ نظام میں اتنی خامیاں ہیں کہ اکثر کسی شخص پر الزام ثابت ہی نہیں ہوتا۔
اعظم نذیر تارڑ نے کہا کہ ملک میں مجرموں کو سزا دینے کی شرح انتہائی کم ہے جب کہ دنیا کے دیگر ممالک میں یہ شرح 80 فیصد تک ہے۔ انہوں نے اس نظام میں اصلاحات لانے کے لیے ان ترامیم کی ضرورت پر زور دیا۔
وزیر قانون نے کہا کہ اس بل میں ماڈرن ڈیوائسز کو قانون شہادت میں شامل کرنے کی ترامیم بھی کی گئی ہیں۔
.ذریعہ: Jasarat News
کلیدی لفظ: قومی اسمبلی نے کہا کہ
پڑھیں:
آصف زرداری نے ارسا ایکٹ پر دستخط کرکے سندھ کے پانی کا سودا کیا، حلیم عادل شیخ
دھرنے کے دوران میڈیا سے گفتگو کرتے ہوئے پی ٹی آئی سندھ کے صدر نے کہا کہ پوری سندھ کی ایک ہی آواز ہے کہ دریائے سندھ پر متنازعہ کینال منصوبوں کو ہمیشہ کے لیے ختم کیا جائے، دریائے سندھ کا پانی سندھ کی زندگی کی ضمانت ہے اور اگر کسی نے عوام کی زندگی چھیننے کی کوشش کی تو سخت ردعمل آئے گا۔ اسلام ٹائمز۔ پاکستان تحریک انصاف سندھ کے صدر حلیم عادل شیخ نے ملیر میں جاری وکلا برادری کے دھرنے میں شرکت کی۔ وہ گلشن حدید لنک روڈ پر متنازعہ کینال منصوبوں کے خلاف احتجاج میں پی ٹی آئی رہنماں کے ہمراہ شریک ہوئے۔ ان کے ہمراہ پی ٹی آئی کی سینیئر رہنما اور کارکنان کی بڑی تعداد بھی موجود تھی۔ دھرنے کے دوران میڈیا سے گفتگو کرتے ہوئے حلیم عادل شیخ نے سندھ بھر کی وکلا برادری کو خراج تحسین پیش کرتے ہوئے کہا کہ انہوں نے صوبے کے ایک نہایت اہم مسئلے پر یکجہتی کا مظاہرہ کرتے ہوئے جدوجہد کی ہے۔ انہوں نے وکلاء پر گزشتہ دنوں پولیس کی جانب سے کی گئی پولیس تشدد کی شدید الفاظ میں مذمت کرتے ہوئے کہا کہ وکلا برادری ثابت قدم ہے اور اپنے موقف پر ڈٹی ہوئی ہے۔
حلیم عادل شیخ نے کہا کہ صدر آصف علی زرداری نے ارسا (انڈس ریور سسٹم اتھارٹی) ایکٹ پر دستخط کر کے سندھ کے پانی کا سودہ کیا، جبکہ تحریک انصاف کے دور میں یہی ایکٹ سابق صدر ڈاکٹر عارف علوی کے پاس لایا گیا تھا مگر انہوں نے سندھ کے مفادات کا سودا کرنے سے انکار کر دیا تھا۔ انہوں نے الزام عائد کیا کہ پیپلز پارٹی نے اقتدار کی لالچ میں سندھ کے وسائل کو بیچ دیا ہے، مگر اب صوبے کی عوام بیدار ہو چکی ہے اور مزید دھوکہ برداشت نہیں کرے گی۔ پی ٹی آئی سندھ کے صدر نے کہا کہ آج کا سی سی آئی اجلاس وکلا برادری کی انتھک جدوجہد کا نتیجہ ہے، عوام اب کسی دو نمبر فیصلے کو قبول نہیں کرے گی۔
انہوں نے واضح کیا کہ پوری سندھ کی ایک ہی آواز ہے کہ دریائے سندھ پر متنازعہ کینال منصوبوں کو ہمیشہ کے لیے ختم کیا جائے، دریائے سندھ کا پانی سندھ کی زندگی کی ضمانت ہے اور اگر کسی نے عوام کی زندگی چھیننے کی کوشش کی تو سخت ردعمل آئے گا۔ حلیم عادل شیخ نے مزید کہا کہ گزشتہ سترہ سال سے پیپلز پارٹی نے سندھ کے وسائل کی لوٹ مار کی ہے اور اب عوام نے اس جماعت کو مکمل طور پر مسترد کر دیا ہے۔ ان کا کہنا تھا کہ پیپلز پارٹی زرداری مافیا کی ایک عوام دشمن جماعت بن چکی ہے اور آئندہ انتخابات میں سندھ سے پیپلز پارٹی کا صفایا ہو جائے گا۔
سونے کی قیمت میں اضافہ ریکارڈ ، نئی قیمت کیا ؟ جانیں