پاکستانی معیشت کی بحالی دیکھ کر خوشی ہوئی، چینی سفیر جیانگ ژی ڈونگ
اشاعت کی تاریخ: 22nd, January 2025 GMT
پاکستان میں چینی سفیر جیانگ ژی ڈونگ نے کہا ہے کہ پاکستانی معیشت کی بحالی دیکھ کر خوشی ہوئی، پاکستان کا کرنٹ اکاؤنٹ سر پلس میں گیا۔ امید ہے پاکستانی حکومت کی سربراہی میں پاکستان بہتری کی جانب جائےگا۔
اسلام آباد میں چینی جشن بہاراں کے حوالے سے منعقدہ تقریب سے خطاب کرتے ہوئے پاکستان میں چینی سفیر جیانگ ژی ڈونگ کا کہنا تھا کہ تقریب سے پاکستان اور چینی رابطے مزید مضبوط ہوئے ہیں۔ دنیا کو اس وقت مختلف مسائل کا سامنا ہے۔ کراچی سےگوادر ایئرپورٹ پر پہلی پرواز کا جانا سنگ میل کی حیثیت رکھتا ہے۔ وزیر اعظم شہباز شریف اور احسن اقبال کو اس کام پر سراہتے ہیں۔ چین اور پاکستان مل کر مزید کام بھی کریں گے۔
مزید پڑھیں: سی پیک کے جوائنٹ ورکنگ گروپ کا پانچواں اجلاس، باہمی تعاون بڑھانے کے عزم کا اعادہ
معیشت بہتری کی جانب گامزن ہے، پاکستان کو مشرق وسطیٰ کے 2 بینکوں سے ایک ارب ڈالر قرض ملےگا، وزیر خزانہواضح رہے کہ چینی سفیر سے قبل وفاقی وزیر خزانہ محمد اورنگزیب نے کہا تھا کہ پاکستان کی معاشی صورتحال میں تیزی سے بہتری آرہی ہے، کمزوریاں دور کرنے کا یہی وقت ہے۔ غیرملکی خبر ایجنسی کو انٹرویو دیتے ہوئے انہوں نے کہا تھا کہ پاکستان مشرق وسطیٰ کے 2 بینکوں سے معاہدے پر تیار ہے، معاہدے کے تحت پاکستان کو ایک ارب ڈالر قرض ملے گا۔
انہوں نے کہا تھا کہ آئی ایم ایف کا وفد فروری میں پاکستان کا دورہ کرےگا، فروری میں آئی ایم ایف وفد سے کلائمٹ فنڈنگ پر بات چیت کریں گے، پاکستان نے 6 سے 9 ماہ میں آئی ایم ایف سے کلائمٹ فنڈنگ کا ہدف مقرر کیا ہے۔
مزید پڑھیں: سی پیک سے کتنے میگاواٹ بجلی قومی گرڈ میں شامل ہوئی؟
ڈیووس میں ورلڈ اکنامک فورم میں گفتگو کرتے ہوئے انہوں نے کہا تھا کہ پاکستان کی جی ڈی پی بہتر ہورہی ہے اور شرح سود میں نمایاں کمی آئی ہے۔ پاکستان کا سب سے بڑا مسئلہ بڑھتی ہوئی آبادی اور ماحولیاتی تبدیلی ہے، پاکستان ورلڈ بینک کے ساتھ مل کر بہت سے پروگرامز پر کام کررہا ہے۔
انہوں نے کہاکہ پاک چائنا اکنامک کوریڈور کے فیز ون پر کام جاری ہے، پاکستان میں نوجوانوں کے لیے روزگار کے بہترین مواقع موجود ہیں۔ پرائیویٹ سیکٹر ملک میں روزگار کی فراہمی کے لیے بہتر کردار ادا کررہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احسن اقبال پاکستان پاکستانی معیشت چینی سفیر جیانگ ژی ڈونگ ورلڈ اکنامک فورم وزیراعظم شہباز شریف.ذریعہ: WE News
کلیدی لفظ: احسن اقبال پاکستان پاکستانی معیشت ورلڈ اکنامک فورم وزیراعظم شہباز شریف نے کہا تھا کہ انہوں نے کہا کہ پاکستان
پڑھیں:
پاکستان کی معاشی بحالی کا انحصار ایس ایم ایز کو بااختیار بنانے پر ہے. ویلتھ پاک
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔21 جنوری ۔2025 )پاکستان کی اقتصادی بحالی کا انحصار چھوٹے اور درمیانے درجے کے کاروباری اداروں کو بااختیار بنانے، مالیاتی نظم و ضبط کو برقرار رکھنے اور نجی شعبے کی مکمل صلاحیتوں کو کھولنے کے لیے مربوط پالیسیاں اپنانے پر ہے.(جاری ہے)
سسٹین ایبل ڈیویلپمنٹ پالیسی انسٹی ٹیوٹ کے ڈپٹی ایگزیکٹو ڈائریکٹر ڈاکٹر ساجد امین جاویدنے ویلتھ پاک سے گفتگو کرتے ہوئے فوری اقتصادی اثرات کے حامل شعبوں کو ترجیح دینے کی ضرورت پر روشنی ڈالی انہوں نے کہا کہ مینوفیکچرنگ اور ایس ایم ای سیکٹرز پر توجہ دی جانی چاہیے جس سے عوام کو براہ راست فائدہ پہنچے اگرچہ دوست ممالک سے براہ راست غیر ملکی سرمایہ کاری ضروری ہے انہوں نے کہاکہ اس میں اکثر طویل فزیبلٹی اسٹڈیز کی وجہ سے تاخیر ہوتی ہے اس وقت، حکومت کو ان سرمایہ کاری پر توجہ دینی چاہیے جو مختصر مدت میں حاصل کی جا سکتی ہیں چاہے وہ مقامی ہوں یا غیر ملکی اور انہیں ایس ایم ایزجیسے پیداواری شعبوں میں منتقل کرنا چاہیے.
ڈاکٹرساجد امین جاوید نے حکومتی اقدامات جیسے یوران پاکستان کو انفراسٹرکچر اور لاجسٹک حقائق کے ساتھ ہم آہنگ کرنے کی اہمیت پر بھی روشنی ڈالی اور کہاکہ اگر آئی ٹی ایک ترجیحی شعبہ ہے تو قابل اعتماد انٹرنیٹ تک رسائی اور وسیع تر کوریج ضروری ہے اسی طرح ایس ایم ایز کے پھلنے پھولنے کے لیے بینکنگ سیکٹر کو چھوٹے اور آسان قرضے فراہم کرنے چاہئیںانہوں نے 2024 کو استحکام کے سال کے طور پر شناخت کیا انہوں نے کہاکہ 2025ترقی کا سال ہونا چاہیے جو ایس ایم ایزمیں پائیدار اقدامات، خاص طور پر خواتین کی شرکت کی حوصلہ افزائی کرنے والے اقدامات کے ذریعے ہو گا اس طرح کے اقدامات روزگار کے مواقع پیدا کریں گے اور طویل مدتی سرمایہ کاری کو راغب کریں گے. فیڈریشن آف پاکستان چیمبرز آف کامرس اینڈ انڈسٹری کے سینئر ریسرچر محمد ارمغان نے پاکستان میں پالیسی میں تسلسل کے فقدان کی نشاندہی کی انہوں نے کہا کہ پاکستان جیسے اقدامات کو اکثر پالیسی جدت کے بغیر دوبارہ برانڈنگ کا سامنا کرنا پڑتا ہے ملک کے نقطہ نظر میں ایک اہم خامی کو اجاگر کرتے ہوئے انہوں نے وضاحت کی کہ عمل درآمد کی حکمت عملیوں میں ردوبدل کیے بغیر یا سخت تشخیص کو یقینی بنائے بغیر پراجیکٹ کے ناموں کو تبدیل کرنا معاشی تبدیلی کو فروغ دینے میں بہت کم کام کرتا ہے. انہوںنے اس بات پر زور دیا کہ کس طرح قلیل مدتی، سیاسی طور پر مفید منصوبے طویل مدتی پیشرفت میں رکاوٹ ہیںہر حکومت کی فوری جیت پر توجہ ٹیکس دہندگان کا پیسہ ضائع کرتی ہے اور ترقی کو نقصان پہنچاتی ہے واضح قابل عمل منشور کے بغیر، اقتصادی پالیسیاں اکثر کم پڑ جاتی ہیں. انہوں نے حکومت پر زور دیا کہ وہ پالیسی سازی کے لیے نظم و ضبط اور مربوط انداز اپنائے یوران پاکستان جیسے اقدامات سے بامعنی نتائج حاصل کرنے کے لیے مالیاتی نظم و ضبط اور اسٹریٹجک فریم ورک ضروری ہیں. دونوں ماہرین اس بات پر متفق ہیں کہ نجی شعبے کی ترقی کو فروغ دینے کے لیے بنیادی ڈھانچے، پالیسی میں مستقل مزاجی اور فنانسنگ تک رسائی میں اہم خلا کو ختم کرنے کی ضرورت ہے انہوں نے اس بات پر زور دیا کہ ایک پائیدار اقتصادی ترقی کو چھوٹے کاروباروں کو بااختیار بنانا چاہیے، شمولیت کو فروغ دینا چاہیے اور پالیسی پر عمل درآمد میں جوابدہی کو یقینی بنانا چاہیے.
خیبر پختونخوا میں دہشتگردی، سیاسی و عسکری قیادت کی اہم بیٹھک