امیتابھ بچن کی ’بہو‘ کے ساتھ تصویر وائرل
اشاعت کی تاریخ: 22nd, January 2025 GMT
بالی ووڈ کی اداکارہ انوشا ڈنڈیکر کی امیتابھ بچن سے ملاقات، فلم ’ویرودھ‘کی یادیں تازہ ہوگئیں۔
اداکارہ انوشا ڈنڈیکر نے حال ہی میں امیتابھ بچن سے ملاقات کی ہے، جس نے انہیں فلم ’ویرودھ، فیملی کمز فرسٹ‘ کے سیٹ پر گزارے گئے لمحات یاد دلا دیئے۔
اس خوبصورت ملاقات کی تصویر فوٹو اینڈ ویڈیو شیئرنگ ایپ انسٹاگرام پر شیئر کرتے ہوئے انوشا نے لکھا، ’میرے پہلے سُسر… خوش نصیب ہوں کہ آپ کے ساتھ کام کیا‘۔ ساتھ ہی اداکارہ نے ہیش ٹیگ ویرودھ ری یونین کا ٹیگ بھی استعمال کیا۔
View this post on InstagramA post shared by Anusha Dandekar (@anushadandekar)
مداحوں نے بھی اس ملاقات کے بعد فلم ’ویرودھ‘ کو یاد کیا اور اس کی خوب تعریف کی۔ ایک صارف نے تبصرہ کیا، ’ یہ ایک شاندار اور جذباتی فلم تھی۔ آپ اور امیتابھ جی نے بہترین کام کیا۔ بدقسمتی سے یہ فلم جولائی 26 کی بارشوں کے باعث متاثر ہوئی‘۔ ایک اور مداح نے لکھا کہ ’ یہ فلم اپنے وقت سے آگے تھی۔ اگر آج ریلیز ہوتی تو شاید فلم فیئر ایوارڈ جیت لیتی‘۔
A post shared by Anusha Dandekar (@anushadandekar)
واضح رہے کہ گزشتہ سال جولائی میں ’ویرودھ‘ کو ریلیز ہوئے 19 سال مکمل ہوئے تھے۔ اس موقع پر انوشا نے ایک پوسٹ میں فلم کی ٹیم کا شکریہ ادا کرتے ہوئے لکھا، ’میری پہلی شادی… کتنی شاندار تھی! 19 سال مکمل ہو گئے۔ یہ فلم میرے لیے خاص ہے۔‘
2005 میں ریلیز ہونے والی فلم ریرودھ مہیش منجریکر کی ہدایت کاری میں فلمائی گئی تھی اس فلم میں شرمیلا ٹیگور، جان ابراہم اور سنجے دت بھی شامل تھے۔
.ذریعہ: Daily Mumtaz
پڑھیں:
چاہت فتح علی خان کی بولنگ وائرل، جوانی یاد آگئی
چاہت فتح علی خان، جو پاکستانی موسیقی کی دنیا میں اپنے منفرد انداز سے پہچانے جاتے ہیں، نے حال ہی میں ایک نئی ویڈیو شیئر کی ہے جس میں وہ کرکٹ کے میدان میں اپنی مہارتوں کا مظاہرہ کرتے نظر آ رہے ہیں۔
اس ویڈیو میں وہ ہلکے سبز رنگ کا ریشمی لباس زیب تن کیے ہوئے ہیں اور نہ صرف بولنگ بلکہ بیٹنگ کی پریکٹس بھی کرتے دکھائی دیتے ہیں۔ ان کا یہ اعتماد سے بھرپور انداز اور کھیل میں دلچسپی مداحوں اور سوشل میڈیا صارفین کے لیے دلچسپی کا باعث بن گیا ہے۔
چاہت فتح علی خان کا کہنا ہے کہ وہ خود بھی ماضی میں ایک سابق کرکٹررہ چکے ہیں، جس کا اندازہ ان کی حالیہ ویڈیو کو دیکھ کر بخوبی لگایا جاسکتا ہے۔
https://dailyausaf.com/wp-content/uploads/2025/04/chahat-fateh-ali-khan-is-doing-bowling-batting-practice-and-showcasing-his-skills.he-has-also-been-a-former-cricketer.mp4
پاکستانی نژاد برطانوی گلوکار، چاہت فتح علی خان، نے کچھ عرصہ پہلے اپنے یوٹیوب چینل پر ملکۂ ترنم نور جہاں کے مشہور گانے ”اکھ لڑی بدو بدی“ کا نیا ورژن جاری کیاتھا۔ اس گانے نے تیزی سے مقبولیت حاصل کی اور ایک ماہ میں 27 ملین سے زائد ویوز حاصل کیے۔ تاہم، یوٹیوب نے کاپی رائٹ کی خلاف ورزی کے باعث یہ گانا ڈیلیٹ کر دیا گیا تھا۔
اس کے بعد، چاہت فتح علی خان نے ”بدو بدی 2“ کے نام سے گانے کا نیا ورژن جاری کیا، جس میں نوے کی دہائی کے مشہور گانے ”نچاں گے ساری رات سونیا وے“ کی طرز اور بول شامل کیے گئے ہیں۔ یہ گانا یوٹیوب کی بجائے فیس بک، انسٹاگرام اور ایکس جیسے سوشل میڈیا پلیٹ فارمز پر ریلیز کیا گیا تاکہ کاپی رائٹ مسائل سے بچا جا سکے۔
چاہت فتح علی خان کی گلوکاری اور مزاحیہ انداز پر مختلف آراء موجود ہیں، جہاں کچھ سامعین ان کی آواز کو پسند کرتے ہیں، وہیں دیگر اسے تنقید کا نشانہ بھی بناتے ہیں۔ اس کے باوجود، انہوں نے اپنی گلوکاری جاری رکھی ہے اور نئے گانے ریلیز کرتے رہتے ہیں۔
حال ہی میں، چاہت فتح علی خان نے بالی وڈ کے مشہور گانے ”چھیاں چھیاں“ کا بھی اپنا ورژن جاری کیا، جس میں ایک خاتون ماڈل کے ساتھ پرفارم کرتے دکھائی دیے۔ یہ گانا انسٹاگرام اور فیس بک پر ریلیز کیا گیا تھا۔
مزیدپڑھیں:ملک میں گیر شٹر ڈاؤن ہڑتال کا اعلان ،ٹریفک پلان بھی جاری
پارٹی رہنماوں کے ایک دوسرے پر الزامات، عمران خان نے وارننگ دیدی