قیصر معصوم بننے کا ڈرامہ کرتے ہیں: فضیلہ قاضی
اشاعت کی تاریخ: 22nd, January 2025 GMT
پاکستان شوبز انڈسٹری کی نامور فنکارہ فضیلہ قاضی نے اپنے شوہر کو بڑا اداکار قرار دیتے ہوئے کہا ہے کہ وہ جب کبھی کسی پروگرام میں جاتے ہیں تو معصوم بن جاتے ہیں۔
حال ہی میں سینئر اداکارہ نے ساتھی فنکاروں ندا یاسر، یاسر نواز اور دانش نواز کے یوٹیوب چینل کو انٹرویو دیا۔
دورانِ انٹرویو دانش نواز اور یاسر نواز نے فضیلہ قاضی سے مذاق کرتے ہوئے کہا کہ ان کے شوہر و سینئر اداکار قیصر خان نے آپ کو شو میں مدعو کرنے سے قبل بہت ڈرا دیا تھا، ہمیں یوں محسوس ہوا کہ شاید کوئی اسکول ٹیچر آ رہی ہیں۔
شو کے میزبانوں کی بات پر سینئر اداکارہ نے کہا کہ نہیں قیصر نے ڈرایا نہیں ہے بلکہ وہ اس طرح کا برتاؤ کرتے ہیں جیسے وہ بہت معصوم ہیں، جب کبھی ہم کسی شو پر جاتے ہیں تو وہ معصوم و مظلوم بن جاتے ہیں اور میں نارمل رہتی ہوں تو لوگ مجھے پتہ نہیں کیا سمجھتے ہیں اور برا بھلا کہتے ہیں۔
اداکارہ نے بتایا کہ مجھے خواتین کے باقاعدہ پیغامات موصول ہوتے ہیں کہ میں اپنے شوہر کے ساتھ اچھا برتاؤ رکھوں وہ بہت معصوم ہیں، جس پر میرا دل چاہتا ہے کہ میں انہیں جواب دوں اور بتاؤں کہ ہم ماشاء اللّٰہ سے 30 برس سے ساتھ ہیں، اگر اس طرح کا برتاؤ ہے تو اس کی بھی کوئی وجہ ہو گی۔
فضیلہ قاضی نے یہ بھی کہا کہ یہ میری ہمت ہے کہ میں نے ان کے ساتھ 30 برس گزار لیے، جس پر یاسر نواز نے کہا کہ یہ تو ہم قیصر بھائی سے پوچھیں گے کہ کیا حقیقت ہے؟
جس پر اداکارہ نے کہا کہ اب وہ معصوم بن جائیں گے، وہ بہت بڑے اداکار ہیں۔
.ذریعہ: Daily Mumtaz
کلیدی لفظ: فضیلہ قاضی اداکارہ نے جاتے ہیں کہا کہ
پڑھیں:
بلاول کے سابق ترجمان کا تحریک تحفظ آئین پاکستان کا حصہ بننے کا اعلان
اسلام آ باد ( مانیٹر نگ ڈ یسک )پیپلزپارٹی (پی پی) کے سابق سینیٹر اور بلاول زرداری کے سابق ترجمان مصطفی نواز کھوکھر نے پاکستان تحریک انصاف (پی ٹی آئی) سمیت اپوزیشن جماعتوں کے اتحاد تحریک تحفظ آئین پاکستان کا حصہ بننے کا اعلان کردیا۔اسلام آباد میں پی ٹی آئی رہنما عمر ایوب سمیت تحریک تحفظ آئین پاکستان کی قیادت کے ساتھ میڈیا سے گفتگو کرتے ہوئے مصطفی نواز کھوکھر نے تحریک تحفظ آئین کا شکریہ ادا کرتے ہوئے کہا کہ ہماری بہت لمبی نشست رہی، ملک کے حالات اور وطن عزیز کو جن بحرانوں کا سامنا ہے۔
ملک بھر میں انٹرنیٹ کی سست روی کا مسئلہ حل کردیا گیا، پی ٹی سی ایل کا دعویٰ