190 ملین پاﺅنڈ کے فیصلے کو عالمی میڈیا نے کرپشنز کی ہیڈ لائنز دیں، وزیر اطلاعات
اشاعت کی تاریخ: 22nd, January 2025 GMT
اسلام آباد(نیوز ڈیسک)وفاقی وزیر اطلاعات عطاءاللہ تارڑ نے 190 ملین پاﺅنڈ میگا کرپشن کیس کے حوالے سے خصوصی گفتگو کرتے ہوئے کہا کہ اس کیس کو عالمی میڈیا نے کرپشن کی سرخیوں میں نمایاں جگہ دی۔ انہوں نے بتایا کہ اس کیس کے ٹھوس شواہد موجود تھے، جن سے ثابت ہوتا ہے کہ میاں بیوی نے رشوت میں دو سو کنال زمین حاصل کی۔ اس کرپشن کے تحت ٹرسٹ بنایا گیا اور قیمتی انگوٹھیاں لی گئیں، جس کی نظیر کم ہی ملتی ہے۔
وزیر اطلاعات نے کہا کہ یہ معاملہ بند لفافے میں کابینہ اجلاس میں لایا گیا اور سپریم کورٹ نے بھی یہ واضح کیا کہ پیسہ ایک ہاتھ سے لے کر دوسرے ہاتھ دے دیا گیا۔ انہوں نے کہا کہ حکومت پاکستان کے پیسے کا غلط استعمال کرتے ہوئے عوام کے اربوں روپے لوٹے گئے۔
عطاءاللہ تارڑ نے مزید کہا کہ ملک ریاض اور ان کے بیٹے کے خلاف بدعنوانی اور زمینوں پر قبضے کے بہت سے مقدمات زیر سماعت ہیں۔ نیب نے واضح کیا ہے کہ دبئی کے منصوبے میں لگایا جانے والا پیسہ منی لانڈرنگ کے زمرے میں آتا ہے۔ انہوں نے 190 ملین پاﺅنڈ کے کیس کو ایک اوپن اینڈ شٹ کیس قرار دیا اور کہا کہ ملک ریاض اور ان کے بیٹے کے خلاف ناقابل تردید شواہد موجود ہیں۔
انہوں نے کہا کہ ملک ریاض کو اشتہاری قرار دیا گیا ہے اور وہ عدالتی مفرور ہیں۔ نیب نے انہیں واپس لانے کا عزم ظاہر کیا ہے۔ وزیر اطلاعات نے مزید انکشاف کیا کہ برطانوی حکومت نے ملک ریاض اور ان کے بیٹے کے ویزے منسوخ کر دیے تھے اور جو پیسہ ضبط کیا گیا وہ حکومت پاکستان کی ملکیت تھا۔
انہوں نے کہا کہ پی ٹی آئی اب اس معاملے کو سیرت کے ساتھ جوڑنے کی کوشش کر رہی ہے، جو افسوسناک ہے۔ انہوں نے اپیل کی کہ مذہب کو سیاست سے باہر رکھا جائے اور کرپشن اور رشوت کا جواب دیا جائے۔ عطاءاللہ تارڑ نے کہا کہ مذہب کے پیچھے چھپ کر گھناﺅنے جرائم کو چھپانے کی کوشش نہ کی جائے۔
.ذریعہ: Daily Mumtaz
کلیدی لفظ: وزیر اطلاعات نے کہا کہ انہوں نے ملک ریاض
پڑھیں:
پانی کا مسئلہ تقریروں سے حل ہو گا نہ جلسے جلوس سے: عظمیٰ بخاری
---فائل فوٹووزیرِ اطلاعات پنجاب عظمیٰ بخاری نے کہا ہے کہ پنجاب اور سندھ دو بھائی ہیں، انہیں مل کر کام کرنا ہے، پانی کا مسئلہ تقریروں سے حل ہو گا نہ جلسے جلوس سے۔
عظمیٰ بخاری نے سوال اٹھایا ہے کہ کیا جلاؤ گھیراؤ اور قومی اثاثوں کو نقصان پہنچانا قومی خدمت ہے۔
انہوں نے مزید کہا کہ جب قوم کا مفاد ہوتا ہے تو یہ ہڑتال پر چلے جاتے ہیں، اللّٰہ تعالیٰ نے مسلم لیگ ن کو قوم کے مفاد کا کام سونپا ہے۔
وزیر اطلاعات پنجاب عظمیٰ بخاری نے خیبرپختونخوا کے مشیر اطلاعات بیرسٹر سیف کے بیان پر ردعمل دے دیا۔
عظمیٰ بخاری کا کہنا ہے کہ بلوچستان میں کچھ سیاست دان دہشت گردوں کی لاشیں لینے کے لیے اسپتال پہنچ جاتے ہیں، دہشت گردوں کی پشت پناہی کرنے والے خود کو سیاست دان کیسے کہہ سکتے ہیں۔
عظمیٰ بخاری نے تھیٹر سے متعلق بات کرتے ہوئے کہا کہ پنجاب حکومت تھیٹر کو فعال بنانے کی بھرپور کوشش کر رہی ہے، تھیٹر میں گانے کا لازمی ہونا ضروری نہیں ہوتا، جو لوگ فیملی تھیٹر چاہتے ہیں وہ میرا ہاتھ ضرور مضبوط کریں گے۔
انہوں نے یہ بھی کہا کہ وزیرِ اعلی نے اسپورٹس بورڈ کو جتنا فنڈ دیا اس سے پہلے کبھی نہیں ملا۔
گھر سے بے دخل خاتون ٹک ٹاکر نے نہر میں چھلانگ لگا دی