ملک میں بارشوں کی کمی سے خشک سالی کا خدشہ
اشاعت کی تاریخ: 22nd, January 2025 GMT
ملک میں بارشوں کی کمی کے باعث خشک سالی کا خطرہ ہے۔
محکمہ موسمیات کے مطابق گزشتہ 4 مہینوں میں معمول سے 40 فیصد کم بارشیں ریکارڈ کی گئیں۔ بارشوں کی کمی کے باعث موسم گرما بھی جلد آنے کا امکان ہے۔ یکم ستمبر سے 15 جنوری تک سندھ میں 52 فیصد اور بلوچستان میں 45 فیصد کم بارش ریکارڈ کی گئی۔ پنجاب میں بارشوں میں 42 فیصد کمی ہوئی۔
محکمہ موسمیات کے مطابق پنجاب میں خطہ پوٹھوہار ، لیہ ، بھکر اور ملتان میں ہلکی خشک سالی نمودار ہوچکی ہے۔ پنجاب کے بارانی علاقوں میں زیادہ بارش کا امکان نہیں ہے۔ بارش نہ ہونے سے خشک سالی کی صورتحال میں اضافہ ہوسکتا ہے جبکہ آنے والے دنوں میں درجہ حرارت بڑھنے کا بھی امکان ہے۔
راجن پور،بہاولپور،بہاولنگر سرگودھا،خوشہاب،میانوالی میں ہلکی خشک سالی کا آغاز ہوچکا ہے۔ سندھ میں بھی کراچی ٹھٹھہ بدین حیدرآباد سمیت 10 شہروں میں ہلکی خشک سالی کے آثار ہیں۔ بلوچستان میں اورماڑا خاران تربت کیچ پنجگور سمیت مختلف شہروں میں ہلکی خشک سالی نمودارہوچکی ہے۔
.ذریعہ: Express News
پڑھیں:
محکمہ موسمیات کی آئندہ 2روز کے دوران اسلام آباد سمیت مختلف شہروں میں بارش کی پیشگوئی
محکمہ موسمیات کی آئندہ 2روز کے دوران اسلام آباد سمیت مختلف شہروں میں بارش کی پیشگوئی WhatsAppFacebookTwitter 0 15 April, 2025 سب نیوز
اسلام آباد (سب نیوز)محکمہ موسمیات نے 16سے 18اپریل کے دوران وفاقی دارالحکومت اسلام آباد سمیت ملک کے مختلف شہروں میں بارش کی پیشگوئی کی ہے۔
محکمہ موسمیات پاکستان کی جانب سے جاری بیان کے مطابق ملک کے جنوبی علاقوں میں گرمی کی لہر 18اپریل تک جاری رہنے کا امکان ہے جب کہ اس دوران بالائی علاقوں میں آندھی، جھکڑ چلنے اور وقفہ وقفہ سے بارش کا امکان ہے۔محکمہ موسمیات نے کہا کہ 16سے 20 اپریل کے دوران دیر سوات شانگلہ بنیر مردان پشاور میں بارش اور ژالہ باری کا امکان ہے، اس کے علاوہ مری،ڈیرہ اسماعیل خان ٹانک بنو گلیات وزیرستان میں بارش اور ژالہ باری کا امکان ہے۔
محکمہ موسمیات نے پیش گوئی کی کہ 16سے 18اپریل کے دوران اور 20اپریل کی شام کو اسلام آباد تل گنگ جہلم چکوال میں بارش کا امکان ہے، اس کے علاوہ جھنگ ٹوبہ ٹیک سنگھ گجرات گجرانوالہ میں بھی بارش اور ژالہ باری ہونے کا امکان ہے۔محکمہ موسمیات کے مطابق 18 اور 19 اپریل کے دوران جنوبی پنجاب میں آندھی اور جھکڑ چلنے کا امکان ہے۔
محکمہ موسمیات کی جانب سے جاری ایڈوائزی میں کہا گیا کہ بارش اور آندھی کے دوران شہری کھمبوں درختوں کے قریب کھڑے ہونے سے اجتناب کریں، محکمہ موسمیات نے خدشہ ظاہر کیا کہ مری کشمیر گلگت بلتستان گلیات میں لینڈ سلائیڈنگ کا خطرہ ہے۔
پارٹی رہنماوں کے ایک دوسرے پر الزامات، عمران خان نے وارننگ دیدی