جنوبی کیلی فورنیا میں تیز ہواؤں سے آگ کے پھیلاؤ میں اضافے کا خطرہ
اشاعت کی تاریخ: 22nd, January 2025 GMT
ویب ڈیسک —
منگل کے روز جنوبی کیلی فورنیا میں تیز اور خطرناک ہوائیں دوبارہ چلنا شروع ہو گئیں جس سے وہاں مختلف علاقوں میں پہلے سے بھڑکتی ہوئی آگ کی شدت میں اضافہ ہوا اور کئی نئے علاقوں تک آگ کے شعلے پہنچ گئے۔
حکام نے بتایا ہے کہ اس ہفتے کے آخر میں بارش ہونے کا 60 سے 80 فی صد تک امکان ہے ۔ اگرچہ بارش کی پیش گوئی ایک انچ کے لگ بھگ ہے لیکن یہ مقدار پانی کے بہاؤ کے لیے کافی ہے۔
حکام کے مطابق آگ سے جلنے والی آبادیوں کی زہریلی راکھ کو بارش کے پانی کے بہاؤ میں شامل ہونے سے بچانے کے لیے اقدامات کیے جا رہے ہیں۔
حکام کا کہنا تھا کہ آگ سے پہلے ہی آبادیوں کو کافی نقصان پہنچ چکا ہے۔ جب کہ بارش کے پانی میں راکھ شامل ہو کر نئے مسائل پیدا کر سکتی ہے، کیونکہ راکھ میں زہریلے اجزا موجود ہو سکتے ہیں۔ اس لیے ہم لوگوں کو احتیاطی تدابیر کے بارے میں آگاہ کر رہے ہیں۔
سین ڈیاگو کے علاقے میں آگ پر قابو پانے کے لیے ہوائی مدد لی جا رہی ہے۔ 21 جنوری 2025
موسمیات کی پیش گوئی کے مطابق ساحلی علاقے میں ہواؤں کی رفتار 113 کلومیٹر فی گھنٹہ اور پہاڑوں اور ان کی وادیوں میں اس کی رفتار 160 کلو میٹر فی گھنٹہ تک ہو سکتی ہے۔ یہ امکان ظاہر کیا جا رہا ہے کہ ہوائیں منگل کی سہ پہر اپنی رفتار برقرار رکھیں گی۔
موسمیات کے ادارے نے خبردار کیا ہے کہ فضا میں نمی کی کمی اور ہواؤں کی تیز رفتار کے باعث لاس اینجلس، وینچور اور سین ڈیاگو کے علاقوں میں آگ کی صورت حال تشویش ناک شکل اختیار کر سکتی ہے۔ تیز ہوائیں جمعرات تک جاری رہ سکتی ہیں۔
کیلی فورنیا کے ڈیپارٹمنٹ آف فاریسٹری اینڈ فائر پروٹیکشن کے ترجمان ڈیوڈ ایکونیا نے بتایا کہ جنگل کی آگ سے متاثرہ علاقوں میں آگ پر قابو پانے کے لیے ہوائی جہازوں سے مدد فائدہ مند ثابت ہوئی ہے۔
الٹیڈینا کے علاقے میں آگ نے تمام گھر جلا کر راکھ کر دیے لیکن حیرت انگیز طور پر ایک گھر مکمل طور پر محفوظ رہا۔ 21 جنوری 2025
ان کا مزید کہنا تھا کہ ہوائیں چنگاریوں کو اڑا کر اپنے ساتھ لے جاتی ہیں جو آگ کے مزید پھیلاؤ کا سبب بن جاتی ہیں۔
حکام نے بتایا ہے کہ سین ڈیاگو کاؤنٹی کے بونسال علاقے میں آگ نے 85 ایکٹر کے لگ بھگ رقبے کو نقصان پہنچایا، تاہم فائر فائٹرز نے آگ کو آگے بڑھنے سے روک دیا ہے اور علاقے سے انخلا کی ہدایات اب واپس لے لی گئیں ہیں۔
لاس اینجلس کی آگ کا آغاز 7 جنوری کو ہوا تھا جو کئی آبادیوں کو خاکستر کرتی ہوئی مسلسل پھیل رہی ہے۔ آگ سے اب تک کم از کم 27 افراد ہلاک ہو چکے ہیں اور 14000 سے زیادہ مکانات اور عمارتیں تباہ ہو گئی ہیں۔
صدر ٹرمپ نے پیر کے روز اپنی پہلی صدارتی تقریر میں کیلی فورنیا میں آگ بجھانے کی کوششوں پر تنقید کی تھی۔ ان کا کہنا ہے کہ وہ جمعے کو کیلی فورنیا کا دورہ کریں گے۔
(اس رپورٹ کے لیے معلومات اے پی سے لی گئیں ہیں)
.ذریعہ: Al Qamar Online
کلیدی لفظ: پاکستان کھیل علاقے میں کے لیے
پڑھیں:
ملک کے بیشتر علاقوں میں موسم سرد اور خشک رہنے کا امکان
ملک کے بیشتر علاقوں میں موسم سرد اور خشک رہنے کا امکان ہے۔
کشمیر،گلگت بلتستان ، بالائی خیبر پختونخوا ,شمال مغربی بلوچستان میں بارش اور پہا ڑوں پر برفباری کی توقع ہے جبکہ اسلام آباد اور گرد و نواح میں موسم سرد اور مطلع جزوی ابرآلود رہنے کا امکان ہے۔
خیبرپختونخواکے بیشتر اضلاع میں موسم سرد اور مطلع جزوی ابر آلود رہے گا۔ چترال، دیر، سوات، شانگلہ، کوہستان، مانسہرہ، بٹگرام، ایبٹ آباد اور وزیرستان میں چند مقامات پر ہلکی بارش اور ہلکی برفباری کا ہوسکتی ہے۔ پنجاب کے مختلف اضلاع میں موسم سرد اور خشک رہنے کی توقع ہے۔
محکمہ موسمیات کے مطابق مری، گلیات اور گرد و نواح میں ہلکی بارش اور ہلکی برفباری ہوسکتی ہے۔ سندھ کے مختلف علاقوں میں موسم سرد اور خشک رہنے کا امکان ہے جبکہ بلوچستان کے بیشتر اضلاع میں موسم سرد اور مطلع جزوی ابرآلود رہے گا۔ کوئٹہ، زیارت ، چمن، پشین ، قلعہ عبداللہ ، بارکھان اور چاغی میں تیز ہوائیں چلنے کے ساتھ ہلکی بارش اور پہاڑوں پر ہلکی برفباری ہوسکتی ہے۔ کشمیر اور گلگت بلتستان میں مطلع ابر رہنے اور بارش اور برفباری کی توقع ہے۔
اسلام آباد: وزیراعظم شہبازشریف چھوٹے اور درمیانے درجے کے کاروباروں کے فروغ کے حوالے سے اجلاس کی صدارت کررہے ہیں