فضائی آلودگی کا توڑ، ذہین طالبعلموں کے باکمال تخلیقی پروجیکٹس
اشاعت کی تاریخ: 22nd, January 2025 GMT
خیبر پختونخوا سے تعلق رکھنے والے ایک طالب علم حماد خان نے ریسائیکلنگ کے مسئلے کا حل پیش کرنے کے لیے ایک منفرد پروجیکٹ تیار کیا ہے جس میں سگریٹ فلٹرز اور پلاسٹک ویسٹ جیسے 2 بڑے ویسٹ میٹیریلز کو استعمال کر کے ایک پائیدار اور ورسٹائل میٹیریل ’ماربولس‘ تخلیق کیا گیا ہے۔
یہ میٹیریل بہترین ہیٹ انسولیٹرز میں سے ایک سگریٹ فلٹرز اور پلاسٹک ویسٹ کو انفیوز کر کے بنایا گیا ہے۔ ’ماربولس‘ کو انٹیریئر ڈیزائن، فرنیچر، ٹائلز اور دیگر متعدد ایپلیکیشنز کے لیے استعمال کیا جا سکتا ہے۔ یہ پروجیکٹ نہ صرف ویسٹ میٹیریلز کو دوبارہ قابل استعمال بناتا ہے بلکہ ماحول کو صاف رکھنے میں بھی مددگار ثابت ہوتا ہے۔
یہ بھی پڑھیں: حاملہ خواتین کے لیے انقلابی پروجیکٹ ’ایوا لو‘، یہ خودکار کموڈ کتنا مفید؟
پاکستان میں فضائی آلودگی کے بڑھتے ہوئے مسئلے کو مدنظر رکھتے ہوئے نیشنل کالج آف آرٹس کی پروڈکٹ ڈیزائن کی طالبہ نے ایک سسٹین ایبل ماڈیولر ڈیزائن تیار کیا ہے۔ یہ ماڈیول ایل جی کلچرنگ کے ذریعے کاربن ڈائی آکسائیڈ جذب کرتا ہے اور اضافی آکسیجن خارج کرتا ہے جو ایئر کوالٹی کو بہتر بنانے میں مددگار ہے۔ یہ پروڈکٹ دیواروں، ڈیوائیڈرز اور دیگر آرکیٹیکچرل ڈیزائنز میں استعمال کے لیے مثالی ہے اور ماحولیاتی تبدیلی کے اثرات کو کم کرنے کے لیے ایک جدید حل پیش کرتا ہے۔
ملیے فاطمہ راشد سے جو این سی اے ڈیزائن ڈیپارٹمنٹ کی باصلاحیت طالبہ ہیں اور جنہوں نے پیرامیٹرک انٹیریئر ڈیزائن پر ایک منفرد پروجیکٹ تیار کیا ہے۔ ان کا کام جنریٹو ڈیزائن پر مبنی ہے جہاں وہ ذاتی ساؤنڈ ویوز کو استعمال کرتے ہوئے منفرد انٹیریئر پروڈکٹس تیار کرتی ہیں۔
مزید پڑھیے: پلاسٹک سے پھیلنے والی ماحولیاتی آلودگی سے کیسے نمٹا جاسکتا ہے؟
فاطمہ اپنی آواز کے ووکلز کا تجزیہ کرکے ان سے ذاتی ڈیزائن تخلیق کرتی ہیں۔ یہ ڈیزائن کائنیٹک موومنٹ کے ساتھ ڈائنامک انسٹالیشنز ہو سکتے ہیں یا سٹیٹک ڈیزائنز کی صورت میں ویوفارمز کی جھلک دکھا سکتے ہیں۔ ان کا کام تخلیقی صلاحیت، ٹیکنالوجی اور انفرادیت کا بہترین امتزاج ہے۔
اپنے پروجیکٹ میں وہ سی این سی مشینز، کوڈنگ سافٹ ویئر اور جدید مواد کو استعمال کرتے ہوئے انٹیریئر ڈیزائن میں نئے امکانات تلاش کر رہی ہیں جو نہ صرف ایک تصوراتی سطح پر بلکہ کمرشل میدان میں بھی نمایاں کردار ادا کر سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پلاسٹک ویسٹ سگریٹ فلٹرز ماربولس.ذریعہ: WE News
کلیدی لفظ: سگریٹ فلٹرز ماربولس کے لیے
پڑھیں:
فضائی جنگی مشق ’اسپیئرز آف وکٹری-2025‘، پاکستان ایئر فورس کا دستہ سعودی عرب پہنچ گیا
کثیر القومی فضائی جنگی مشق ’اسپیئرز آف وکٹری-2025‘ میں شرکت کے لیے پاکستان ایئر فورس (پی اے ایف) کا دستہ، جس میں جے ایف-17 تھنڈر بلاکIII جنگی طیارے اور خصوصی فضائی اور زمینی عملہ شامل ہے، سعودی عرب کے شاہ عبدالعزیز ایئر بیس پر پہنچ گیا ہے۔
آئی ایس پی آر کے مطابق اس بین الاقوامی تعیناتی کے دوران، پی اے ایف کے جنگی طیاروں نے پاکستان سے سعودی عرب تک بغیر کسی وقفے کے پرواز کی، جس میں دورانِ پرواز ایئر ٹو ایئر ریفیولنگ انجام دی گئی۔ یہ جے ایف-17 بلاکIII طیاروں کی طویل فاصلے تک کارروائی کرنے کی صلاحیت کو ظاہر کرتا ہے۔
مزید پڑھیں: قطری بحری جہاز کی 36 سال بعد پاکستان آمد تاریخی سنگ میل ہے، آئی ایس پی آر
مشق کے دوران، پی اے ایف کے پائلٹس جدید AESA ریڈار اور توسیع شدہ رینج والے بی وی آر (بیونڈ ویژول رینج) میزائل سے لیس جے ایف-17 تھنڈر طیارے اڑائیں گے۔ وہ دیگر شریک فضائی افواج کے جدید جنگی طیاروں کے خلاف اپنی مہارت آزمائیں گے۔ مشق میں سعودی عرب، پاکستان، بحرین، فرانس، یونان، قطر، متحدہ عرب امارات، برطانیہ، اور امریکا کے جنگی طیارے اور جنگی معاون عناصر شریک ہیں۔
رائل سعودی ایئر فورس اس مشق کے پانچویں مرحلے کی میزبانی کر رہی ہے، جو اتحادی ممالک کے درمیان ہم آہنگی بڑھانے، فضائی جنگی حکمت عملیوں کو بہتر بنانے، اور دفاعی تعاون کو مضبوط کرنے کے لیے ایک شاندار موقع فراہم کرتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’اسپیئرز آف وکٹری-2025‘ پاکستان ایئر فورس سعودی عرب شاہ عبدالعزیز ایئر بیس فضائی جنگی مشق
جماعت اسلامی کے رکن ‘ پیاسی کے سابق رہنما رفیق اعظمی انتقال کرگئے