کوئٹہ: حلقہ پی بی 45پر دوبارہ انتخاب کے حوالے سے جوابات داخل
اشاعت کی تاریخ: 22nd, January 2025 GMT
کوئٹہ (نمائندہ جسرت) الیکشن کمیشن میں بلوچستان اسمبلی کے حلقہ پی بی45کوئٹہ پر دوبارہ انتخاب کے حوالے سے فریقین نے جوابات داخل کرادیے۔ انتخابی عذرداری پر سماعت الیکشن کمیشن کے پنجاب اور خیبر پشتونخوا کے ممبران نے سماعت کی اس دوران فریقین کے وکلاء نے اپنے جوابات داخل کیے جس پر بحث آج 22 جنورہی کو ہوگی۔ 5 جنوری کو پی بی 45 کے 15 پولنگ اسٹیشنز پر دوبارہ انتخاب میں پیپلز پارٹی کے علی مدد جتک کامیاب ہوئے تھے ،جے یو آئی کے میر عثمان پرکانی نے ان کی کامیابی کوچیلنج کر رکھا ہے۔ الیکشن کمیشن نے علی مدد جتک کی کامیابی کا نوٹیفکیشن معطل کر رکھا ہے۔
.ذریعہ: Jasarat News
پڑھیں:
آئین کے مطابق انٹرا پارٹی الیکشن کرائے ،بانی ہی پی ٹی آئی کا نشان ہیں،بیرسٹر گوہر
اسلام آباد(صباح نیوز)پاکستان تحریک انصاف کے چیئرمین گوہرعلی خان نے کہا ہے کہ آئین کے مطابق انٹرا پارٹی الیکشن کرائے، تحریک انصاف کا نشان عمران خان ہیں، پی ٹی آئی دنیا کی چھٹی بڑی سیاسی جماعت ہے۔ چیئرمین پی ٹی آئی بیرسٹرگوہر علی خان نے الیکشن کمیشن کے باہر میڈیا سے گفتگو کرتے ہوئے کہا کہ پی ٹی آئی واحد پارٹی ہے جس نے انٹراپارٹی انتخابات کرائے، پی ٹی آئی کا انٹراپارٹی انتخابات کا سرٹیفکیٹ جاری نہیں کیا جارہا ہے۔گوہر علی خان نے کہا کہ تحریک انصاف دنیا کی چھٹی بڑی سیاسی جماعت ہے، انہوں نے کہا کہ الیکشن کمیشن نے کچھ سوال اٹھائے تھے جن کا جواب ہم نے دیا، کچھ سماعتیں بھی ہوئیں، بعد میں پتا چلا کہ اس کیس میں 5درخواستیں ان لوگوں نے فائل کی تھیں جنہوں نے نہ کبھی ہم سے الیکشن کے لیے فارم لیے تھے نہ ہی کبھی الیکشن لڑا۔ اگلی سماعت پر الیکشن کمیشن کو جواب دیں گے، تحریک انصاف کا نشان خان صاحب ہیں۔بیرسٹر گوہر نے کہا کہ ہم نے جو دستاویزات الیکشن کمیشن میں فائل کی تھیں وہ ایف آئی اے دفتر پر چھاپہ مار کر لے گئی۔ ہم نے عدالت میں درخواست بھی دی ہے کہ ہمیں ہماری دستاویزات لوٹائی جائے مگر ہماری درخواست پر ابھی سماعت نہیں ہوئی ہے۔چیئرمین پی ٹی آئی نے کہا کہ چیف الیکشن کمشنر کی تقرری کے لیے عمرایوب نے اسپیکر کو خط لکھا، شبلی فراز نے چیئرمین سینیٹ کو پارلیمانی کمیٹی کی تشکیل کے لیے خط لکھا ہے، جب تک نئے چیف الیکشن کمشنر نہیں آتے آئینی طور پر یہی کام جاری رکھیں گے۔ چیئرمین پی ٹی آئی نے کہا کہ 26ویں آئینی ترمیم سپریم کورٹ میں چیلنج ہوچکی ہے، جوڈیشل کمیشن کی سماعت میں بھی اس پر بات ہوئی تھی کہ پہلے ججز کی تعیناتی کریں اور 26ویں آئینی ترمیم کا فیصلہ ہو، اس پر عدالت عظمیٰ نے بھی عندیہ دیا تھا کہ اس کے لیے بینچ بنے گا، بہتر یہی ہے کہ پہلے اس معاملے کا فیصلہ ہو پھر آگے بڑھیں۔علاوہ ازیں الیکشن کمیشن نے پاکستان تحریک انصاف انٹرا پارٹی انتخابات کیس کی سماعت11فروری تک ملتوی کر دی ، پی ٹی آئی انٹرا پارٹی انتخابات کیس کی سماعت منگل کو الیکشن کمیشن آف پاکستان میں ہوئی، چیف الیکشن کمشنر سکندر سلطان راجا کی سربراہی میں 3 رکنی کمیشن نے سماعت کی۔چیئرمین پی ٹی آئی بیرسٹر گوہر الیکشن کمیشن میں پیش ہوئے۔
آئینی عدالت،سویلینز کے اب تک کیے گئے ملٹری ٹرائلز کی تفصیلات طلب