حماس اسرائیل معاہدہ انسانی تاریخ کا سب سے بڑا واقعہ ہے‘راشد نسیم
اشاعت کی تاریخ: 22nd, January 2025 GMT
لاہو ر (نمائندہ جسارت) مرکزی رہنما جماعت اسلامی راشد نسیم نے کہا ہے کہ دنیا تبدیلیوں کی زد میں ہے اور تاریخ انسانی کے بڑے واقعات رونما ہو رہے ہیں۔ افغانستان سے امریکی پسپائی ہو یا بنگلا دیش و شام کے انقلابات، امت کے لیے نئی صبحیں نمودار ہورہی ہیں۔ روس یوکرین جنگ اور امریکا میں ٹرمپ کی عہدہ صدارت پر واپسی بھی بڑے واقعات ہیں‘ تاہم غزہ میں حماس کی فتح اور اسرائیل کو گھٹنے ٹیکنے پر مجبور کرنا حالیہ انسانی تاریخ کا سب سے بڑا واقعہ ہے اور بلاشبہ یہ پوری امت مسلمہ کے لیے روشن صبح کی نوید ہے‘ حماس کے مجاہدین نے مزاحمت کی تاریخ رقم کی اور وہ کام کیا جو اس سے قبل نصف درجن کے قریب اسلامی ممالک کی افواج نہ کرسکیں‘ اسرائیل تمام تر ٹیکنالوجی کے باوجود یرغمالیوں کا سراغ نہ لگا سکا اور بالاخر اسے معاہدہ کرکے اپنے یرغمالی رہا کرانے پڑے۔ ان خیالات کا اظہار انہوں نے مسجد بلال اور مسجد قبا کراچی میں تربیتی ورکشاپس سے خطاب کرتے ہوئے کیا۔ امیر بلوچستان مولانا ہدایت الرحمن بھی اس موقع پر موجود تھے۔ مسجد قبا میں ہونے والی ورکشاپ میں بلوچستان بھر سے آئے ہوئے کارکنان جماعت اسلامی نے شرکت کی۔
.ذریعہ: Jasarat News
پڑھیں:
حماس اسرائیل جنگ بندی معاہدہ خوش آئند‘ فریقین پاسداری کریں: ساجد میر
لاہور (خصوصی نامہ نگار) مرکزی جمعیت اہل حدیث پاکستان کے سربراہ سینیٹر پروفیسر ساجد میر نے کہا ہے کہ حماس اسرائیل جنگ بندی کا معاہدہ خوش آئند ہے، فریقین کو جنگ بندی کی پاسداری کرنا ہو گی۔ تاہم یہ جنگ بندی عبوری سیٹلمنٹ ہے۔جب تک مسئلہ فلسطین حل نہیں ہوتا، تب تک جنگ کے خطرات منڈلاتے رہیں گے۔ اس کے لیے اقوام متحدہ اور بڑی طاقتیں اپنا کردار ادا کریں۔اقوام متحدہ کی جو قراردادیں مسئلہ فلسطین کے حل کے لیے منظور ہو چکی ہیں ان پر عمل کرایا جائے۔مرکزی دفتر راوی روڈ میں تربیتی نشست سے خطاب اور میڈیا کے نمائندوں سے بات کرتے ہوئے ان کا کہنا تھا کہ بہتر ہوتا کہ جنگ بندی کے معاہدے پر دستخط اور اعلان ہوتے ہی اس پر عمل بھی شروع کر دیا جاتا۔ یہ معاہدہ خطے اور پوری انسانیت کے لیے فائدہ مند ہوگا، خاص طور پر فلسطینی بھائیوں کے لیے پائیدار امن اور استحکام کی راہ کھولے گا۔تقریب میں مولانا عبدالمالک مجاہد‘ مولانا عبدالرشید حجازی‘ڈاکٹر عبدالغفور راشد‘ حافظ یونس آزاد‘چوہدری یاسین ظفر‘ ڈاکٹر ریاض الرحمن یزدانی نے بھی شرکت کی۔
جماعت اسلامی کے رکن ‘ پیاسی کے سابق رہنما رفیق اعظمی انتقال کرگئے