پیپلزپارٹی نے صوبے کا وجود خطرے میں ڈال دیا،سندھ پاک آبادگار فورم
اشاعت کی تاریخ: 22nd, January 2025 GMT
حیدرآباد (اسٹاف رپورٹر) 6 نئے کینالوں کے خلاف سندھ پاک آبادگار فورم کی جانب سے ٹنڈو آدم میں احتجاجی ریلی نکالی گئی۔ ریلی میں عوامی تحریک کے مرکزی رابطہ سیکرٹری لال جروار، سندھیانی تحریک کی مرکزی رہنما شمشاد لغاری، میرم انڑ، عطا اللہ انڑ سمیت عوامی تحریک کے کارکنوں کی بڑی تعداد نے شرکت کی۔ اس موقع پر خطاب کرتے ہوئے لال جروار، شمشاد لغاری اور دیگر رہنماؤں نے کہا کہ پیپلز پارٹی چھ نئے کینالوں میں وفاقی حکومت کی ساتھی ہے۔ صدر آصف علی زرداری نے 6 نئے کینالوں کی منظوری دے کر سندھ دشمنی کی اور سندھی عوام کے ساتھ دھوکا کیا ہے۔ انہوں نے کہا کہ دریائے سندھ سندھ کی بقا کا واحد ذریعہ ہے، دریائے سندھ کا پانی بند کر کے سندھ میں رہنے والے کروڑوں انسانوں اور جانوروں کو پانی کی بوند بوند کے لیے ترسا کر مار دیا جائے گا، پیپلز پارٹی کی حکومت نے اقتدار کی خاطر سندھ کے وجود کو خطرے میں ڈال دیا ہے۔ رہنماؤں نے کہا کہ سندھ کو دیوار سے لگانے کا سلسلہ بند کیا جائے، کارپوریٹ فارمنگ کے نام پر سندھ کی لاکھوں ایکڑ زمین پر قبضہ کیا جا رہا ہے۔ انہوں نے کہا کہ کارپوریٹ فارمنگ کے نام پر سندھ کی زمین غیر ملکی سرمایہ کاروں کو دی جا رہی ہے، ارسا ایکٹ میں ترمیم کر کے کارپوریٹ فارمنگ کمپنیوں کو دریائے سندھ کا پانی فروخت کرنے کے لیے قانون سازی کی جا رہی ہے۔ رہنماؤں نے کہا کہ پیپلز پارٹی نے بلاول کو وزیر اعظم بنانے کے لیے پورے سندھ کو بیچ دیا ہے، سندھ کے عوام اپنی زمین اور دریائے سندھ کی سودے بازی برداشت نہیں کریں گے جس طرح سندھ کے عوام نے جنرل ایوب، ضیاء اور مشرف کے خلاف جدوجہد کی تھی، اسی طرح کی جدوجہد پیپلز پارٹی کی حکومت کے خلاف بھی کرنی ہوگی، پیپلز پارٹی کی سندھ دشمن سازشوں کو دفن کیا جائے گا۔
.ذریعہ: Jasarat News
کلیدی لفظ: پیپلز پارٹی دریائے سندھ سندھ کی
پڑھیں:
اسمبلی کورم توڑنے کا پیپلز پارٹی اور پی ٹی آئی کا مشترکہ منصوبہ بے نقاب
اسمبلی کورم توڑنے کا پیپلز پارٹی اور پی ٹی آئی کا مشترکہ منصوبہ بے نقاب WhatsAppFacebookTwitter 0 21 January, 2025 سب نیوز
اسلام آباد (آئی پی ایس )گزشتہ روز قومی اسمبلی اجلاس میں کورم ٹوٹنے کی اندرونی کہانی سامنے آگئی، ذرائع نے انکشاف کیا کہ اسمبلی میں کورم توڑنے کا منصوبہ پیپلز پارٹی اور پی ٹی آئی کا مشترکہ تھا۔
پیپلز پارٹی کے ذرائع نے بتایا کہ پی پی کے سگنل پر پی ٹی آئی نے احتجاج ختم کر کے کورم کی نشاندہی کی، کورم کی نشاندہی پر مشترکہ طور ایوان چھوڑنے کا فیصلہ ہوا تھا، پی پی نے اسمبلی شروع ہونے سے قبل کورم توڑنے کا فیصلہ کر لیا تھا۔
ذرائع کے مطابق پیپلز پارٹی نے کورم توڑنے کے معاملے پر پی ٹی آئی سے مشاورت کی تھی، پی پی کے آغا رفیع اللہ نے کورم کے معاملے پر پی ٹی آئی سے مشاورت کی، اجلاس سے قبل آغا رفیع اللہ نے پارٹی ایم این ایز کو فیصلے سے آگاہ کیا، پیپلز پارٹی کے ایم این ایز کو ہر صورت ایوان چھوڑنے کی ہدایت دی گئی تھی، ایوان نہ چھوڑنے والے ایم این ایز کو انضباطی کارروائی کا پیغام ملا تھا۔
ذرائع نے بتایا کہ پیپلز پارٹی کے ایم این ایز کو لابی میں کورم کی معاملے پر بریفنگ دی گئی تھی، پی پی قیادت نے پلان کی کامیابی پر آغا رفیع اللہ کو شاباش دی ہے۔
اسلام آباد: وزیراعظم شہبازشریف چھوٹے اور درمیانے درجے کے کاروباروں کے فروغ کے حوالے سے اجلاس کی صدارت کررہے ہیں