خیبرپختونخوا: گورنر کے بجائے وزیراعلیٰ یونیورسٹیوں کے چانسلر بن گئے، نیا قانون لاگو
اشاعت کی تاریخ: 21st, January 2025 GMT
وزیراعلیٰ خیبرپختونخوا علی امین گنڈاپور گورنر سے اختیارات لے کر خود یونیورسٹیز کے چانسلر بن گئے۔
خیبرپختونخوا یونیورسٹیز ترمیمی بل 2024 باقاعدہ قانون بن گیا ہے، جس کا اسمبلی سیکریٹریٹ نے نوٹیفکیشن بھی جاری کردیا۔
یہ بھی پڑھیں علی امین گنڈاپور نے گورنر فیصل کریم کنڈی سے چانسلر کے اختیارات چھین لیے
اس قانون کے تحت اب وزیراعلیٰ خیبرپختونخوا صوبے کی جامعات کے چانسلر ہوں گے۔
نئے قانون کا نوٹیفکیشن جاری ہونے سے قبل جامعات سے متعلق اختیارات گورنر کے پاس تھے، تاہم اب یہ وزیراعلیٰ کو منتقل ہوگئے ہیں۔
نئے قانون کے تحت اب وزیراعلیٰ اکیڈمک سرچ کمیٹی کی جانب سے تجویز کردہ تین ناموں میں سے کسی ایک کو وائس چانسلر مقرر کرنے کا فیصلہ کریں گے۔
نئے قانون کے مطابق وائس چانسلر کا تقرر 4 سال کے لیے کیا جائےگا، تاہم کارکردگی غیرتسلی بخش ہونے کی صورت میں کسی بھی وقت یہ تقرری ختم ہوسکتی ہے۔
یہ بھی پڑھیں سرکاری یونیورسٹیوں سے متعلق رپورٹ سپریم کورٹ نے ایک ماہ میں طلب کرلی
واضح رہے کہ خیبرپختونخوا اسمبلی نے گزشتہ دنوں کے پی یونیورسٹیز ترمیمی بل 2024 پاس کرکے منظوری کے لیے گورنر کو منظوری کے لیے بھیجا تھا، تاہم گورنر فیصل کریم کنڈی نے بل اعتراض کے ساتھ واپس کردیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews جامعات خیبرپختونخوا علی امین گنڈاپور گورنر وائس چانسلر وزیراعلی وی سی تقرر وی نیوز یونیورسٹی چانسلر.ذریعہ: WE News
کلیدی لفظ: جامعات خیبرپختونخوا علی امین گنڈاپور گورنر وائس چانسلر وزیراعلی وی سی تقرر وی نیوز یونیورسٹی چانسلر کے لیے
پڑھیں:
خیبرپختونخوا کے درجہ حرارت میں غیر معمولی اضافے کا امکان، ایڈوائزری جاری
خیبرپختونخوا میں محکمہ موسمیات نے آنے والے دنوں میں صوبے کے بیشتر اضلاع میں متوقع ہیٹ ویو سے قبل الرٹ جاری کر دیا ہے۔
صوبائی ڈیزاسٹر مینجمنٹ اتھارٹی (PDMA) نے ہفتے کے روز اعلان کیا کہ کل بروز پیر سے دن کے وقت درجہ حرارت میں مسلسل اضافہ ہونے کا امکان ہے۔
یہ بھی پڑھیں:ہیٹ ویو: فالج سے کیسے بچا جا سکتا ہے؟
امکان ہے کہ درجہ حرارت میں یہ اضافہ 4 سے 6 ڈگری سینٹی گریڈ تک ہو سکتا ہے، جبکہ دوپہر اور شام کے اوقات میں خشک اور گرد آلود ہوائیں مختلف علاقوں کو متاثر کر سکتی ہیں۔
محکمہ موسمیات نے خبردار کیا ہے کہ مسلسل گرم اور خشک حالات ہیٹ اسٹروک کے خطرے کو بڑھا سکتے ہیں۔احتیاطی نقطہ نظر سے پی ڈی ایم اے نے تمام ضلعی انتظامیہ اور متعلقہ اداروں کو حفاظتی اقدامات پر عمل درآمد کرنے کی ہدایت کی ہے۔
محکمے کی جانب سے لوگوں کو صبح 10 بجے سے شام 5 بجے تک دھوپ سے باہر رہنے کا مشورہ دیا گیا ہے۔ خاص طور پر بزرگ شہریوں اور بچوں کو جو گرمی سے متعلق بیماریوں کا زیادہ خطرہ رکھتے ہیں۔
ہیٹ ویو کے مضر اثرات کو کم کرنے میں مدد کے لیے محکمہ صحت سے کہا گیا ہے کہ وہ ہیٹ اسٹروک کے علاج کے مراکز کی دستیابی کو یقینی بنائے، اور ہنگامی طبی عملے اور ریسکیو یونٹوں کو الرٹ پر رکھا گیا ہے۔اس حوالے سے کسانوں سے بھی اپیل کی گئی ہے کہ وہ اپنی فصلوں کے لیے وافر پانی محفوظ رکھیں۔
ایڈوائزری میں گرم موسم کے دوران مویشیوں اور پالتو جانوروں کی دیکھ بھال کے لیے رہنمائی بھی شامل ہے، جبکہ گاڑی چلانے والوں کو مشورہ دیا جاتا ہے کہ وہ سفر سے پہلے اپنی گاڑیوں کے کولنٹ لیول اور ٹائر پریشر کو چیک کریں۔
پی ڈی ایم اے کے مطابق اس کا ایمرجنسی آپریشن سینٹر فعال ہے اور شہری 1700 پر کال کرکے گرمی سے متعلق ہنگامی صورتحال کی اطلاع دے سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایڈوائزری پی ڈی ایم اے خیبرپختونخوا ہیٹ ویو
ڈاکٹرز کا صدرآصف علی زرداری کو مزید ایک دو روز ہسپتال میں گزارنے کا مشور ہ