کیا آپ اپنے لیے ایک چینی نام چننا چاہیں گے ؟ چاؤ بن شان کیسا رہےگا ؟
اشاعت کی تاریخ: 21st, January 2025 GMT
بہت سے غیر ملکیوں کے لیے ایک چینی نام کے ساتھ آنا اچھا اور دلچسپ ہے، جس میں لی بائی نامی کینیڈین لڑکی (لی بائی ،مرد، ایک ہزار سال پہلے ایک قدیم چینی شاعر) ، زاؤ زاؤ نامی ایک امریکی لڑکا (زاؤ زاؤ ایک جنگجو تھا جو دو ہزار سال پہلے چین میں شاہی اقتدار پر قبضہ کرنا چاہتا تھا) وغیرہ شامل ہیں ۔اسی طرح، جب چینی لوگ آمنے سامنے کھڑے غیر ملکیوں کو اپنے ذہنوں میں قدیم چینی شخصیات کے ساتھ جوڑتے ہیں تو وہ اس ہنسی میں لوٹ پوٹ ہو جاتے ہیں۔ اور ایسے ہی اگر کوئی چینی دوست آپ کو چاؤ بن شان نامی چینی نام دے تو آپ کو اس مشہور چینی کامیڈی اسٹار کے نام سے جڑنے کے مزاحیہ اثرات بارے میں محتاط رہنا ہوگا .
چاؤ بن شان شمال مشرقی چین کے دیہی علاقے سے تعلق رکھنے والے مزاحیہ گانے اور رقص پرفارمنس “آر زن چوان” کے اداکار ہیں اور گزشتہ چند دہائیوں میں چاؤ بن شان ہر نئے چینی سال کے موقع پر سی سی ٹی وی کی جانب سے منعقد ہونے والے اسپرنگ فیسٹیول گالا کے اسٹیج پر بار ہار نمودار ہوتے آ رہے ہیں، اپنی کامیاب اداکاری کی وجہ سے وہ چین کے سب سے بااثر کامیڈین بن گئے ہیں۔ دنیا کے غیر مادی ثقافتی ورثے جشن بہار کلچر کے ایک اہم حصے کے طور پر ، اسپرنگ فیسٹیول گالا اپنے بے مثال اثر و رسوخ کی بنا پر چاؤ بن شان اور ان گنت نامعلوم اداکاروں کو مشہور اور مقبول بنا چکا ہے اور یہ بھی کہا جا سکتا ہے کہ اسپرنگ فیسٹیول گالا چین اور شاید دنیا میں “سٹارز “بنانے والی سب سے بڑی ڈریم فیکٹری ہے۔
اسپرنگ فیسٹیول گالا کے ناظرین کی تعداد حیران کن حدتک بڑھ چکی ہے یعنی امریکہ کے میجر لیگ سوکر کے سپر باؤل ہاف ٹائم شو کے ناظرین سے بھی زیادہ تعداد اسپرنگ گالا فیسٹیول دیکھنے والوں کی ہے اور گنیز بک آف وررلڈ ریکارڈ نے اس کو دنیا کا سب سے زیادہ دیکھا جانے والا گالا قرار دیا ہے۔
پہلا اسپرنگ فیسٹیول گالا 1983 میں منعقد ہوا۔ اگرچہ پہلا اسپرنگ فیسٹیول گالا تکنیکی طور پر محدود تھا اور اسٹیج پرفارمنسز کی ترتیب سادہ تھی تاہم اداکاروں نے اپنی بہترین مہارت سے سامعین کو منفرد پرفارمنس دی اور ناظرین فون کے ذریعے اپنے پسندیدہ گانے کی فرمائش بھی کر سکتے تھے ، اس سے سامعین اور ناظرین کا گالا کیلئے جوش و خروش مزید بڑھتا تھا، اس تازہ شکل نے اس وقت زبردست سنسنی پیدا کرتے ہوئے اسپرنگ فیسٹیول گالا میں تمام لوگوں کی شرکت کی ایک مثال بھی قائم کر دی ۔ اس کے بعد سے ، اسپرنگ فیسٹیول گالا آہستہ آہستہ چینی نئے سال کا ایک لازمی حصہ بن گیا ہے۔ چینی دنیا میں کہیں بھی آباد ہوں ہر نئے چینی سال کے موقع پر خاندان کے تمام افراد ٹیلی ویژن کے سامنے ضرور بیٹھیں گے اور مل کر اسپرنگ فیسٹیول گالا کو دیکھیں گے . اسپرنگ فیسٹیول گالا چینی ثقافت میں اپنی مضبوط جڑیں رکھتا ہے ۔چینی ثقافت میں خاندان، قوم اور ملک سے محبت ایک لازمہ ہے اور یہ قوم کے اخلاقی اور جمالیاتی معیار اور اصولوں کو ظاہر کرتی ہے۔خاندان مل بیٹھ کر اسپرنگ فیسٹیول گالا کی خوشیوں کو بانٹتا ہے، یہ بالکل ایسا ہی ہے جیسے ایک مغربی خاندان کرسمس کے موقع پر کرسمس کے درخت کے گرد بیٹھتا ہے، جو گرمجوشی اور رسم و رواج کے مضبوط احساس سے بھرا ہوا ہے۔
42 سال گزر چکے ہیں، اس عرصے میں اداکار اور سامعین دونوں بدلتے رہے ہیں، سی سی ٹی وی اب چائنا میڈیا گروپ بھی بن چکا ہے اور اس سال کا اسپرنگ فیسٹیول گالا باضابطہ طور پر 28 جنوری کو بیجنگ کے وقت کے مطابق رات 8 بجے شروع ہوگا۔ثقافتی تبادلوں کے دور میں اسپرنگ فیسٹیول گالا بھی اپنے علیحدہ تشخص کے ساتھ دنیا بھر میں مقبول ہو رہا ہے اور اپنی جگہ بنا رہا ہے۔بہت سے ممالک میں ٹی وی اسٹیشنوں نے اسپرنگ فیسٹیول گالا نشر کرنا بھی شروع کردیا ہے ، تاکہ زیادہ سے زیادہ غیر ملکی دوستوں کو اس شاندار ثقافتی متعارف کرایا جائے اور ان کو لطف اندوز ہونے کا موقع بھی فراہم کیا جائے۔اسپرنگ فیسٹیول گالا ایک کلچرل بزنس کارڈ کی طرح ہے جو دنیا کو ایک حقیقی، سہ جہتی اور جامع چین دکھاتا ہے، جس کے نتیجےمیں غیر ملکی دوستوں کو چینی ثقافت کو سمجھنے میں آسانی ہوتی ہے ،اس کے علاوہ چینی عوام کے ساتھ باہمی افہام و تفہیم اور دوستی میں اضافہ ہوا ہے ۔
آئیے واپس جاتے ہیں اور چاؤ بن شان کے بارے میں بات کرتے ہیں۔ چاؤ بن شان اسپرنگ فیسٹیول گالا کی علامت بن چکے ہیں اور ان کی تخلیق کردہ کلاسک رولز کا ایک سلسلہ، جیسے سادہ اور ایماندار کسان، چینیوں کی یادوں میں گہری جڑیں رکھتے ہیں ، اور چینی نئے سال کے موقع پر پورے ملک کے لوگوں کو لامحدود خوشی کا احساس دلاتے ہیں۔ ان کے پروگرامز نہ صرف سادہ تفریح ہیں بلکہ دیہی اصلاحات سے لے کر شہری زندگی کی تبدیلیوں تک مختلف ادوار میں چینی معاشرے کی ترقی اور تبدیلیوں کی عکاسی بھی کرتے ہیں ۔ ان کے اسپرنگ فیسٹیول گالا پروگرامز میں شرکت کی وجہ سے بہت سے اداکار معروف اداکار بن گئے ہیں ، اور چاؤ بن شان اسپرنگ فیسٹیول گالا سے بے پناہ مقبولیت پانے کی وجہ سے چین میں سب سے زیادہ دولت کمانے والے فنکاروں میں سے ایک بن گئے ہیں ، جو فلم اور ٹیلی ویژن ، پرفارمنگ آرٹس ، ایڈورٹائزنگ ، کھیلوں اور بہت سے دیگر شعبوں میں بہت کامیاب ہوئے ہیں۔ نیچے دی گئی تصاویر اسپرنگ فیسٹیول گالا میں چاؤ بن شان کی پرفارمنس کے دو مشہور مناظر ہیں۔ ان کی تصویر دیکھنے کے بعد اگر کوئی آپ کو چینی نام چاؤ بن شان دے تو آپ ذرا دیکھ لیں کہ کیا چاؤ بن شان کا نام آپ کی شخصیت سے مطابقت رکھتا ہے یا نہیں۔ اس کا کیا اثر پڑے گا؟ اور اگر یہ آپ کیلئے مناسب نہیں ،تو کیوں نہ ایک بہتر چینی نام چن لیا جائے؟
ذریعہ: Daily Mumtaz
پڑھیں:
28 سال بعد ریلیز ہونیوالی پہلی پاکستانی سندھی فلم کا پریمیئر بھارت میں ہوگا
پاکستان میں 28 سال کے طویل وقفے کے بعد تیارکردہ سندھی زبان کی پہلی فلم ’سندھو جی گونج‘ یعنی ’انڈس ایکو‘ جے پور فلم فیسٹیول میں نمائش کے لیے پیش کی جارہی ہے، جہاں اس فلم کا پریمیئر 21 جنوری کو ہوگا۔
یہ بھی پڑھیں:پاکستان میں لڑکیوں کی کم عمری میں شادی پر فلم ’سلمیٰ۔ خاموش چیخ‘ ریلیز
جے پور فلم فیسٹیول میں ’سندھو جی گونج‘ کے پریمیئر کو پاکستان فلم انڈسٹری کے لیے ایک تاریخی لمحہ قرار دیا جارہا ہے کیونکہ 1997 کی آخری سندھی فلم ’ہمت‘ کے بعد پاکستان میں بننے والی یہ پہلی سندھی فلم ہے۔
Pakistan will release its first Sindhi-language film in 28 years at the Jaipur Film Festival in India. Sindhu Ji Goonj (Indus Echoes) will premiere on January 21, 2025, making history for the Pakistani film industry.#SindhuJiGoonj pic.twitter.com/AnlSiuLWtg
— Sahil Chandio (@sahil_chandio1) January 19, 2025
ہدایت کار راہول اعجاز کی فیچر سندھی فلم ’سندھو جی گونج‘ عنقریب پاکستانی سینماؤں میں بھی نمائش کے لیے پیش کی جائے گی، اس فلم کیمکہانی پانچ متوازی کہانیوں کے ذریعے ایک زبردست مرکزی کہانی بیان کرتی ہے۔
فلم ’سندھو جی گونج‘ کی کہانی خطے کے ثقافتی ورثے کی علامت طاقتور دریائے سندھ اور اس کے ارد گرد آباد لوگوں کے گرد گھومتی ہے، راہول اعجاز کے مطابق، طاقتور دریائے سندھ کی استعاراتی اہمیت ثقافتی اور تاریخی حوالوں سے اس فلم کی محرک رہی ہے۔
’فلم خوبصورتی سے کہانیاں بیان کرتی ہے، جس میں سندھ کے قدرتی حسن کو دکھایا گیا ہے۔‘
مزید پڑھیں:پاکستان کی پہلی اینیمیٹڈ فلم ‘دی گلاس ورکر’ آسکر ایوارڈز کے لیے نامزد
فلم ’سندھو جی گونج‘ کی تیاری میں 3 مختلف فلم اسٹوڈیوز نے بین الاقوامی اشتراک کیا ہے، جس میں جنوبی کوریا کی فلم این چپس میڈیا پروڈکشنز، شام فلمز، اور بگ میٹا فلمز شامل ہیں۔
’سندھو جی گونج‘ فلم پاکستان، جنوبی کوریا اور بنگلہ دیش کے درمیان مشترکہ پروڈکشن ہے، جو پاکستانی سنیما کی عالمی رسائی کی غمازی کرتی ہے، اس فلم کے ایگزیکٹو پروڈیوسر شمعون عباسی ہیں۔
مزید پڑھیں:رنگ فلم فیسٹیول، امریکا میں پاکستانی فلم میکرز کا عالمی ایوارڈ میلہ
سندھو جی گونج کا ورلڈ پریمیئر کراچی میں 16 جنوری کو سِنے پیکس سینما میں پہلے ہی ہوچکا ہے، پاکستانی شائقین بھی اینتھم فلمز کے ذریعے پاکستان بھر کے سینما گھروں نمائش کا انتظار کر رہے ہیں، اس ضمن میں حتمی تاریخ کا اعلان نہیں کیا گیا ہے۔
جے پور فلم فیسٹیول میں ’سندھو جی گونج‘ کا نمائش کے لیے پیش کیا جانا سندھی فلم انڈسٹری میں ایک نئے باب کا آغاز بھی ثابت ہوگی جس سے ثقافتوں اور کہانیوں کو دنیا بھر کی سرحدوں کو پار کرنے کا موقع بھی ملے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اینتھم فلمز بنگلہ دیش پاکستان جنوبی کوریا جے پور سندھو جی گونج سندھی زبان سینما گھر فلم فلم اسٹوڈیوز فلم انڈسٹری فلم فیسٹیول
شہباز شریف کی کابینہ کو کس نے روکا ہے؟ این سی اے سے ہونے والا معاہدہ پبلک کردے