اقرار الحسن کی چوتھی شادی پر بات کرنے کی ویڈیو وائرل
اشاعت کی تاریخ: 21st, January 2025 GMT
کراچی(نیوز ڈیسک)ٹی وی میزبان اقرار الحسن کی جانب سے چوتھی شادی پر بات کرنے کی ویڈیو وائرل ہوگئی، جس پر صارفین نے دلچسپ تبصرے کرنے سمیت انہیں آڑے ہاتھوں بھی لیا۔
اقرار الحسن کو پہلے ہی ایک سے زائد شادیاں کرنے پر تنقید کا نشانہ بنایا جاتا رہا ہے، انہوں نے تین ٹی وی میزبان و صحافی خواتین سے شادیاں کر رکھی ہیں۔
حال ہی میں اقرار الحسن فلاحی پروگرام میں شرکت کے لیے برطانیہ گئے، جہاں انہوں نے دیگر معاملات پر بات کرنے کے ساتھ ساتھ ایک سے زائد شادیوں پر بھی بات کی۔
اقرار الحسن کی جانب سے تقریب میں اپنی تین شادیوں پر بات کرنے کی ویڈیو وائرل ہوگئی، جس میں انہوں نے چوتھی شادی کا ذکر بھی چھیڑا۔
تقریب سے خطاب کے دوران ٹی وی میزبان کا کہنا تھا کہ وہ اپنی ایک سے زائد شادیوں پر اس لیے بات نہیں کرتے، کیوں کہ وہ نہیں چاہتے کہ وہ اس عمل کو خوبصورت اور مثال کے طور پر پیش کریں۔
ان کا کہنا تھا کہ ان کا تین شادیاں کرنے کا کوئی ارادہ نہیں تھا لیکن ان کی زندگی کے حالات ایسے بن گئے کہ انہیں ایک سے زائد شادیاں کرنی پڑیں۔
اقرار الحسن نے واضح کیا کہ وہ کسی کو یہ مشورہ نہیں دیں گے کہ وہ ایک سے زائد شادیاں کریں اور ہر کوئی ان کے حالات اور مسائل بھی نہیں جانتا اور نہ سمجھ سکتا ہے۔
ٹی وی میزبان کے مطابق ہر کسی کی زندگی کے اپنے مسائل ہوتے ہیں اور ہر کوئی زندگی کو اپنے حساب سے آگے بڑھاتا ہے۔
اقرار الحسن نے کہا کہ اگرچہ انہوں نے نہ چاہتے ہوئے بھی تین شادیاں کیں لیکن ان کا چوتھی شادی کا کوئی ارادہ نہیں۔
ٹی وی میزبان کی جانب سے چوتھی شادی کی بات کرنے پر تقریب میں موجود افراد ہنس پڑے اور انہوں نے تالیاں بھی بجائیں۔
اگرچہ اقرار الحسن نے واضح کیا کہ انہوں نے حالات کی وجہ سے تین شادیاں کیں لیکن انہوں نے حالات کی وضاحت نہیں کی اور یہ نہیں بتایا کہ ایسی کیا مجبوری ہوگئی تھی کہ انہیں نہ چاہتے ہوئے بھی شادیاں کرنی پڑیں۔
View this post on InstagramA post shared by Murtaza Ali Shah (@murtazaviews)
خیال رہے کہ اقرا الحسن نے پہلی شادی سابق نیوز کاسٹر قرت العین سے 2010 سے قبل کی تھی، جن سے انہیں ایک بیٹا بھی ہے۔
ٹی وی میزبان نے دوسری شادی نیوز کاسٹر فرح سے کی اور ان سے شادی کو بھی ایک دہائی سے زائد عرصہ گزر چکا ہے۔
اقرار الحسن نے تیسری شادی تقریبا دو سال قبل صحافی عروسہ خان سے کی، انہوں نے بعد میں کی جانے والی اپنی دونوں شادیوں کو کچھ عرصے تک خفیہ بھی رکھا۔
مئی 2024 میں انہوں نے ایک انٹرویو میں بتایا تھا کہ ان کی تینوں بیویاں ایک ساتھ نہیں رہتیں، تاہم تینوں کے آپس میں اچھے تعلقات ہیں۔
View this post on InstagramA post shared by Murtaza Ali Shah (@murtazaviews)
مزیدپڑھیں:سعودی کمپنی ’منارا منرلز‘ پاکستان کے ریکوڈک منصوبے میں سرمایہ کاری کیلئے تیار
ذریعہ: Daily Ausaf
کلیدی لفظ: اقرار الحسن نے ٹی وی میزبان ایک سے زائد پر بات کرنے چوتھی شادی انہوں نے
پڑھیں:
وینا ملک اور متھیرا کی ذومعنی باتوں پر سوشل میڈیا صارفین بھڑک اٹھے؛ ویڈیو وائرل
پاکستان کی بولڈ اداکاراؤں متھیرا اور وینا ملک کی جانب سے ٹی وی شو میں ذو معنی جملوں کے استعمال پر سوشل میڈیا صارفین بھڑک اٹھے۔
ٹی وی کے ایک پروگرام میں میزبان متھیرا اور اداکارہ وینا ملک کے درمیان ہونے والی ذومعنی گفتگو پر انھیں شدید تنقید کا سامنا ہے جبکہ ناراض صارفین نے پیمرا سے مذکورہ پروگرام پر پابندی کا بھی مطالبہ کردیا ہے۔
اداکارہ وینا ملک حال ہی میں ایک ٹی وی شو میں نظر آئیں جس کی میزبانی متھیرا کررہی تھی۔ وینا نے اس پروگرام میں اپنی ذاتی زندگی سمیت شوبز کیریئر پر بھی کھل کر بات کی۔
تاہم اسی پروگرام کے ایک حصے میں میزبان اور مہمان کے درمیان ہونے والی ذومعنی گفتگو نے سوشل میڈیا صارفین کو شدید برہم کردیا ہے۔
پروگرام کے مخصوص حصے کی ویڈیو وائرل ہونے کے بعد سوشل میڈیا صارفین نے دونوں اداکاراؤں کو آڑے ہاتھوں لیتے ہوئے شدید تنقید کا نشانہ بنایا ہے اور اس طرح کی گفتگو کے بعد پیمرا سے پروگرام پر پابندی لگانے کا بھی مطالبہ کردیا ہے۔
یہ خبر بھی پڑھیے: پاکستانی مردوں کی کیا کمزوری ہے؟ حریم شاہ کا انٹرویو وائرل
سوشل میڈیا پر صارفین کی جانب سے سوال اٹھایا جارہا ہے کہ اس طرح کے ذو معنی جملوں پر مبنی گفتگو قومی ٹیلی وژن پر اسلامی ملک میں نشر کی جا رہی ہے اور سب خاموش ہیں۔
شہباز شریف کی کابینہ کو کس نے روکا ہے؟ این سی اے سے ہونے والا معاہدہ پبلک کردے