پانی کی تقسیم اور ترقیاتی منصوبے: حکومت اور پی پی اختلافات شدید
اشاعت کی تاریخ: 21st, January 2025 GMT
اسلام آباد:سینیٹ اجلاس میں پانی کی تقسیم اور ترقیاتی منصوبوں پر حکومت اور پیپلز پارٹی کے درمیان شدید اختلافات کھل کر سامنے آگئے۔
ڈپٹی چیئرمین سینیٹ سیدال خان کی صدارت میں ہونے والے اجلاس میں پانی کے معاملے پر گرما گرم بحث ہوئی، جس میں پیپلز پارٹی نے حکومت پر سندھ کے پانی کے حصے کو نظرانداز کرنے کا الزام عائد کیا۔
پیپلز پارٹی کی سینیٹر شیری رحمان نے دریائے سندھ پر نئی نہریں بنانے کے حکومتی فیصلے کو تنقید کا نشانہ بناتے ہوئے کہا کہ اس سے سندھ کے حصے کا پانی متاثر ہو رہا ہے۔ انہوں نے کہا کہ یہ اقدام بغیر مشاورت کے کیا گیا، جس کی وجہ سے سندھ کے مختلف علاقوں میں احتجاج جاری ہے۔ ان کا کہنا تھا کہ پانی کی کمی کی وجہ سے سندھ اور بلوچستان دونوں شدید متاثر ہو رہے ہیں۔
ن لیگ کے سینیٹر عرفان صدیقی نے پیپلز پارٹی کے اعتراضات کو مسترد کرتے ہوئے کہا کہ پانی کی تقسیم کے فارمولے کے مطابق ہی وسائل تقسیم کیے جا رہے ہیں اور اپنے حصے کے پانی میں نہریں بنانا بلاجواز اعتراض ہے۔
وزیر برائے آبی وسائل مصدق ملک نے تفصیلی جواب دیتے ہوئے کہا کہ 18ویں ترمیم کے بعد ہر صوبہ اپنے حصے کے پانی کو استعمال کرنے میں آزاد ہے اور کسی بھی صوبے کا پانی کم نہیں کیا جا رہا۔ انہوں نے مزید کہا کہ حکومت پانی کے مسائل کو حل کرنے کے لیے مشترکہ مفادات کونسل کے اجلاس بلانے پر غور کر رہی ہے۔
بعد ازاں اجلاس میں وفاقی وزیر مواصلات عبدالعلیم خان نے سندھ میں ایم-6 موٹروے کے منصوبے پر بات کرتے ہوئے کہا کہ یہ سڑک پورے پاکستان کے لیے اہم ہے اور اسے کراچی تک توسیع دی جائے گی تاہم انہوں نے سابق حکومتوں کو منصوبہ مکمل نہ کرنے پر تنقید کا نشانہ بنایا، جس پر پیپلز پارٹی کے ارکان نے شدید احتجاج کیا۔
عبدالعلیم خان نے کہا کہ ماضی میں اس منصوبے کو نظرانداز کرنے والی تمام جماعتیں برابر کی ذمہ دار ہیں۔ پیپلز پارٹی نے ان کے بیان پر اعتراض کرتے ہوئے وضاحت طلب کی، جس پر وفاقی وزیر نے معذرت کرتے ہوئے کہا کہ ان کا مقصد کسی جماعت کی توہین کرنا نہیں تھا۔
.ذریعہ: Jasarat News
کلیدی لفظ: پیپلز پارٹی ہوئے کہا کہ کرتے ہوئے پانی کی
پڑھیں:
مریم نواز کا بڑا اعلان، پنجاب کے 59 شہروں میں ترقیاتی منصوبے شروع
وزیراعلیٰ پنجاب مریم نواز شریف نے پنجاب کے بڑے شہروں میں مرحلہ وار تعمیر و مرمت اور بحالی کے منصوبوں کی اصولی منظوری دی ہے۔ پہلے مرحلے میں 59 بڑے شہروں میں سیوریج اور ڈرینج انفراسٹرکچر تعمیر کیا جائے گا۔ شہروں میں بارش کے پانی کے فوری نکاس کے لیے رین واٹر اسٹوریج ٹینک بھی بنائے جائیں گے۔
وزیراعلیٰ پنجاب مریم نواز شریف کی زیر صدارت خصوصی اجلاس میں صوبے بھر میں محکمہ لوکل گورنمنٹ اینڈ کمیونٹی ڈویلپمنٹ کے تحت نئے ترقیاتی منصوبوں پر تفصیلی بریفنگ دی گئی۔ اجلاس میں پنجاب کے بڑے شہروں میں مرحلہ وار تعمیر و مرمت اور بحالی کے منصوبوں کی اصولی منظوری دی گئی۔
پہلے مرحلے میں 59 بڑے شہروں میں سیوریج اور ڈرینج انفراسٹرکچر تعمیر کیا جائے گا۔ شہروں میں بارش کے پانی کے فوری نکاس کے لئے رین واٹر اسٹوریج ٹینک بھی بنائے جائیں گے۔ واٹر سپلائی کے ٹیوب ویلز کو سولر انرجی پر منتقل کرنے کا فیصلہ کیا گیا تاکہ بجلی کے بلوں کا بوجھ کم کیا جا سکے۔
مزید پڑھیں: سوشل میڈیا پر مریم نواز اور ادارے کے خلاف پوسٹ کرنے والا ملزم گرفتار
گلیوں کی تعمیر و مرمت اور ٹف ٹائل لگانے کا بھی منصوبہ شامل ہے، جبکہ پہلے مرحلے میں شامل شہروں میں پارکس کی ترقی کا بھی فیصلہ کیا گیا ہے۔ وزیراعلیٰ مریم نواز شریف نے ہدایت دی کہ پارکس میں بچوں کے لیے جھولے اور کھیلوں کی دیگر سہولتیں فراہم کی جائیں۔
دیہی ترقی کے لیے بڑے اقداماتوزیراعلیٰ مریم نواز شریف نے پنجاب کے دیہات میں یکساں ترقیاتی منصوبے شروع کرنے کی ہدایت دی۔ دیہات میں ڈرینج سسٹم کی تعمیر و بحالی، گلیوں میں ٹف ٹائل بچھانے، ہر مرکزی قبرستان میں چار دیواری اور صفائی کے انتظامات، اور پارکس و پلے گراؤنڈز بنانے کا فیصلہ کیا گیا۔
دیہات میں ہر گاؤں کے لیے سائن بورڈ لگانے اور گھروں کی نمبر مارکنگ بھی کی جائے گی۔ دیہات کے جوہڑوں کی صفائی کے لئے بائیوٹیکنالوجی کے استعمال پر مبنی خصوصی پروگرام بھی شروع کیا جائے گا۔ گندے پانی کے جوہڑوں میں مخصوص پودے لگائے جائیں گے جو بدبو اور ماحولیاتی آلودگی کا خاتمہ کریں گے۔ یہ پودے گندگی جذب کرنے کی صلاحیت رکھتے ہیں۔
مزید پڑھیں: وزیراعلیٰ پنجاب مریم نواز نے پلسر گولڈ اور آئرن پروجیکٹ سے متعلق جامع بزنس پلان طلب کرلیا
سڑکوں اور یونین کونسل دفاتر کی بحالیاجلاس میں وزیراعلیٰ رورل روڈ بحالی پروگرام کا بھی جائزہ لیا گیا، جس کے تحت دیہات کی 4500 کلومیٹر سڑکوں کی تعمیر و بحالی کی تجویز پر اتفاق کیا گیا۔ اسی طرح ’پروگرام برائے یونین کونسل آفس‘ پر بھی بریفنگ دی گئی جس کے تحت ہر یونین کونسل میں میٹنگ ہال، کونسل روم اور سیکریٹری آفس تعمیر کیے جائیں گے۔
صفائی مہم ’ستھرا پنجاب‘ جاریوزیراعلیٰ مریم نواز شریف نے کہا کہ تاریخ کا سب سے بڑا صفائی کا پروگرام ’ستھرا پنجاب‘ کامیابی سے جاری ہے۔ انہوں نے شہریوں سے اپیل کی کہ وہ صوبے کو صاف رکھنے کے لیے اپنا قومی فریضہ ادا کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ترقیاتی نصوبے دیہات مریم نواز وزیر اعلیٰ پنجاب
خواتین کے ذریعے شہریوں کو ہنی ٹریپ کرنے والے 2 گینگ گرفتار، تہلکہ خیز انکشافات